ایڈیشنل ایڈووکیٹ جنرل پختونخواکوثر علی شاہ عہدے سے مستعفی
اشاعت کی تاریخ: 2nd, February 2025 GMT
اسلام (صباح نیوز)ایڈیشنل ایڈووکیٹ جنرل خیبرپختونخوا سید کوثر علی شاہ نے اپنے عہدے سے استعفیٰ دے دیا۔ استعفیٰ منظوری کے لیے وزیر اعلیٰ خیبر پختونخوا سردار علی امین خان گنڈاپور کوبھجوادیا گیا۔ کوثر علی کا مئوقف ہے
کہ میں فوری طور پر اپنے عہدے سے استعفیٰ دیتا ہوں۔میرے استعفیٰ دینے کی بنیادی وجہ جوڈیشل کمیشن کی جانب سے میرے ساتھ روارکھا گیا امتیازی سلوک ہے، بطورایڈیشنل جج پشاور ہائیکورٹ تقرر کے لیے اپنے کاغذات کے ساتھ تحریک انصاف کی بنیادی رکنیت سے مستعفٰی ہونے کابیان حلفی نہیں لگایا تھا۔ نتیجتاً میں موجودہ حکومت کے ماتحت اپنی خدمات جاری نہیں رکھنا چاہتا، میں دل کی اتھاہ گہرائیوں سے عمران خان اور آئی ایل ایف کے صدر قاضی محمد انور خان کاشکریہ اداکرتا ہوں، جنہوں نے مجھے موقع فراہم کیا تاکہ میں اپنے پیشہ وارانہ سفر کوآگ بڑھاسکوں۔
ذریعہ: Jasarat News
پڑھیں:
نئے آئی جی خیبرپختونخوا ذوالفقار حمید نے عہدے کا چارج سنبھال لیا
انسپکٹر جنرل آف پولیس خیبرپختونخوا ذوالفقار حمید نے عہدے کا چارج سنبھال لیا۔
سینٹرل پولیس آفس میں چاق و چوبند دستے نے آئی جی پولیس کو سلامی پیش کی۔
خیبرپختونخوا کے نئے آئی جی پولیس ذوالفقار حمید کی سینٹرل پولیس آفس پشاور آمد ہوئی۔
پولیس کے چاق و چوبند دستے نے آئی جی پولیس کو سلامی پیش کیآئی جی کے پی نے سنٹرل پولیس آفس میں پولیس شہدا کی یادگارپرپھول چڑھائے۔
آئی جی ذوالفقار حمید نے پولیس افسران نے خطاب کرتے ہوئے کہا کہ دہشت گردی کے خلاف کے پی پولیس نے دلیری اور شجاعت کے ساتھ مقابلہ کیاپوری دنیا خیبر پختونخوا پولیس کی قربانیوں کی معترف ہے۔
انسپکٹر جنرل آف پولیس خیبرپختونخوا ذوالفقار حمید کا مزید کہنا تھا کہ دہشتگردی کے خاتمے تک ہم اپنے فرائض کو عبادت سمجھ کر ادا کرتے رہیں گے۔
ذوالفقار حمید ایس پی سے لے کر ڈی آئی جی تک مختلف عہدوں پر کام کر چکے ہیں اور پولیس سروس میں ان کی ایک طویل اور کامیاب کیریئر رہا ہے۔ ذوالفقار حمید نے پنجاب اور بلوچستان میں بھی مختلف اہم عہدوں پر خدمات انجام دی ہیں۔
ذوالفقار حمید نے قانون کی حکمرانی اور امن و امان کے قیام میں اہم کردار ادا کیا ہے ان کے پروفیشنل تجربہ کی بنیاد پر خیبرپختونخوا کے پولیس سربراہ کا عہدہ انہیں سونپا گیا ہے ان کی تعیناتی سے امید کی جا رہی ہے کہ وہ صوبے میں امن و امان کی صورتحال کو مزید مستحکم کرنے اور پولیس کے ادارے کی اصلاحات کے لیے اہم اقدامات اٹھائیں گے۔
عوامی مسائل حل کرنے کیلیے کوشاں ہیں، عاشق زرداری