کراچی: ٹریلر نے موٹر سائیکل سوار میاں بیوی کو روند ڈالا، شیر خوار بچہ جاں بحق
اشاعت کی تاریخ: 2nd, February 2025 GMT
بھینس کالونی میں ٹریلر نے موٹر سائیکل سوار میاں بیوی کو روند ڈالا جس کے نتیجے میں شیر خوار بچہ جاں بحق جبکہ ماں زخمی ہوگئی، اتحاد ٹاؤن میں کوچ نے نوعمر لڑکے کو کچل کر ہلاک کر دیا۔
تفصیلات کے مطابق بھینس کالونی کے علاقے روڈ نمبر 6 مہران ہائی وے کے قریب ٹریفک حادثے میں موٹر سائیکل سوار پر ماں کی گود میں سوار 15 ماہ کا بیٹا سوہان علی شاہ جاں بحق ہوگیا جبکہ اس کی والدہ 28 سالہ شبانہ زوجہ نور محمد شاہ زخمی ہوگئی ، ایس ایچ او شاہ سکھن جاوید ابڑو نے بتایا کہ حادثے کی اطلاع ملتے ہی پولیس نے موقع پر پہنچ کر ڈرائیور شکیل کو گرفتار کر کے ٹریلر کو اپنے قبضے میں لیکر تھانے منتقل کر دیا۔
جبکہ متوفی بچے کی لاش اور زخمی والدہ کو ایدھی کے رضا کاروں کی مدد سے جناح اسپتال منتقل کر دیا۔
اس حوالے سے پولیس مزید تحقیقات کر رہی ہے۔
دریں اثنا بلدیہ اتحاد ٹاؤن روٹ اے 25 منی بس اسٹاپ کے قریب ٹریفک حادثے میں نوعمر لڑکا جاں بحق ہوگیا جس کی لاش ایدھی ایمبولینس کے ذریعے سول اسپتال لیجائی گئی۔
ریسکیو حکام کا کہنا ہے کہ متوفی کی شناخت 12 سالہ منصور کے نام سے کی گئی جبکہ ابتدائی طور پر بتایا گیا ہے کہ متوفی راہگیر اور وقوعہ کے قریب مدرسے میں پڑھتا تھا جو ٹریفک حادثے کا شکار ہوگیا جبکہ ایس ایچ او اتحاد ٹاؤن ایاز احمد نے بتایا کہ حادثہ سیون اسٹار کوچ کی ٹکر سے پیش آیا تھا جس کا ڈرائیور کوچ سمیت موقع سے فرار ہوگیا تاہم پولیس اس کی تلاش میں چھاپے مار رہی ہے ۔
.ذریعہ: Express News
پڑھیں:
پنجاب میں موٹرسائیکل کی حدرفتار60کلو میٹرفی گھنٹہ مقرر
اسلام آباد ( نمائندہ جسارت)پنجاب حکومت نے موٹر سائیکل چلانے کی سپیڈ مقرر کر دی،صوبے بھر میں موٹر سائیکل چلانے کی حد رفتار60کلو میٹر فی گھنٹہ مقرر، صوبائی کابینہ سے منظوری کے بعدمحکمہ ٹرانسپورٹ نے موٹر سائیکل کی حد رفتار 60 کلومیٹر فی گھنٹہ مقرر کرنے کا نوٹیفکیشن جاری کردیا ہے،اس سے زیادہ رفتار پرموٹر سائیکل چلانے پر قانونی کارروائی ہو گی۔
کعبے میں ولادت۔۔۔۔ فضیلت کے مقابلے میں افسانہ