لوئرکرم: اسسٹنٹ کمشنرپرحملےمیں ملوث2دہشت گردگرفتار
اشاعت کی تاریخ: 1st, February 2025 GMT
لوئرکرم میں اسسٹنٹ کمشنرپرفائرنگ میں ملوث دو دہشت گردوں کوگرفتارکرلیاگیا، پولیس نے واقعے کا مقدمہ درج کرلیا۔
پولیس کے مطابق گرفتارافراد نامعلوم مقام پرمنتقل کردیے گئے، مزید افراد کی گرفتاری کیلئے کارروائی جاری ہے۔
پولیس کا کہنا ہے کہ بوشہرہ کےباشندوں پرپاسپورٹ، شناختی کارڈ سمیت تمام سرکاری مراعات بند کردیے گئے۔ فائرنگ واقعات کے ملزمان کے خلاف تین محتلف ایف آئی آردرج کی گئیں۔
پولیس نے بتایا کہ پہلی ایف آئی آر صبح کے وقت فائرنگ کی ہے، دوسری ایف آئی آر اے سی ریوینیو آفسرپرحملے کے واقعے پر سی ٹی ڈی نے درج کی۔ تیسری ایف آئی آر سپاہی عاشق حسین کے قتل کے خلاف سی ٹی ڈی نے درج کی۔
.ذریعہ: Daily Mumtaz
کلیدی لفظ: ایف ا ئی ا
پڑھیں:
کرم: زخمی ایڈیشنل اسسٹنٹ کمشنر کی حالت خطرے سے باہر، شہید پولیس اہلکار کی نماز جنازہ ادا
خیبرپختونخوا کے ضلع اپر کرم میں گزشتہ روز نامعلوم شرپسند عناصر کے حملے میں دوران ڈیوٹی شہید ہونے والے پولیس اہلکار کی نماز جنازہ ادا کردی گئی ہے جبکہ واقعہ میں زخمی ہونے والے ایڈیشنل اسسٹنٹ کمشنر کی حالت خطرے سے باہر بتائی جارہی ہے۔
کرم پولیس کے مطابق، گزشتہ روز ضلع کرم پاڑاچنار کے نواحی گاؤں بوشہرہ فاتح کلے میں فائرنگ واقعہ میں شہید ہونے والے پولیس اہلکار سید عاشق حسین کی نماز جنازہ ڈی پی او آفس پاراچنار میں ادا کی گئی۔ شہید کی نماز جنازہ میں ایس پی آپریشن محمد عباس، ایس پی انوسٹی گیشن مظہر جہاں سمیت عسکری قیادت اور پولیس اہلکاروں کے علاوہ مقامی لوگوں نے کثیر تعداد میں شرکت کی۔
یہ بھی پڑھیں: اپر کرم میں شرپسند عناصر کی فائرنگ، اسسٹنٹ کمشنر زخمی ہوگئے، پولیس کا سرچ آپریشن
اس موقع پر پولیس کی چاق و چوبند دستے نے شہید اہلکار کو سلامی اور پھولوں کے گلدستے پیش کیے۔ پولیس حکام نے قومی پرچم میں لپٹے شہید پولیس اہلکار کو ان کی پیشہ ورانہ خدمات پر خراج تحسین پیش کیا اور ان کے بلند درجات کے لیے فاتحہ خوانی کی۔ بعدازاں، شہید کے جسد خاکی کو ان کے آبائی گاؤں نورکی روانہ کردیا جہاں ان کی تدفین کی جائے گی۔
دوسری جانب، پاڑاچنار حملے میں زخمی ہونے والے ایڈینشل اسسٹنٹ کمشنر کو ہیلی کاپٹر کے ذریعے پشاور منتقل کردیا گیا ہے، جہاں سی ایم ایچ میں ان کا علاج جاری ہے۔ مشیر اطلاعات خیبرپختونخوا بیرسٹر سیف اور دیگر حکام نے ان کی عیادت کی ہے۔ حکام کے مطابق ان کی حالت اب خطرے سے باہر ہے۔
یہ بھی پڑھیں: کرم میں ڈپٹی کمشنر پر فائرنگ میں ملوث 2 افراد گرفتار
یاد رہے کہ اس سے قبل شرپسند عناصر کی جانب سے ڈپٹی کمشنر جاوید اللہ محسود کو فائرنگ کا نشانہ بنایا گیا تھا جس سے وہ زخمی ہوگئے تھے۔ حکومت کی جانب سے علاقے میں قیام امن کے لیے کوششیں کی جارہی ہیں تاہم ابھی بھی شرپسند عناصر خوف و ہراس پھیلانے میں مصروف ہیں۔
اس سے قبل دو قبائل کے درمیان ہونے والے تصادم میں 200 سے زیادہ افراد جاں بحق ہوگئے تھے۔ تاہم اب حکومت کی مداخلت اور جرگے کی کوششوں سے فریقین کے درمیان امن معاہدہ ہوگیا ہے، جس کے بعد انتظامیہ بنکرز کو مسمار کررہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسسٹنٹ کمشنر پاڑا چنار پولیس اہلکار شہید حالت خطرے سے باہر زخمی شرپسند فائرنگ کرم نماز جنازہ
ادب