پیپلز پارٹی کی رکاوٹوں کے باوجود عوامی خدمت اورتعمیروترقی جاری رکھیں گے: منعم ظفر
اشاعت کی تاریخ: 1st, February 2025 GMT
کراچی: امیر جماعت اسلامی کراچی منعم ظفر خان نے کہا ہے کہ پیپلز پارٹی کی سندھ حکومت خواہ کتنی ہی رکاوٹیں ڈالے، اختیارات اور وسائل نہ دے،ہم اپنے 9ٹاؤنز میں عوامی خدمت اور تعمیر وترقی کا سفر جاری رکھیں گے، پارکوں و کھیلوں کے میدانوں کی بحالی، اوپن ائیر جم کے پروجیکٹ پر کام جاری رکھیں گے۔
منعم ظفر خان کا کہنا تھا کہ جماعت اسلامی کے ٹاؤن چیئرمین محدود وسائل اور اختیارات کے اپنے فرائض سر انجام دے رہے ہیں۔ امیر جماعت اسلامی پاکستان حافظ نعم الرحمن کے وژن اور وعدے کے مطابق اختیارات سے بڑھ کر کام کریں گے،پیپلز پارٹی کی صوبائی حکومت اٹھارہویں ترمیم کے بعد وسائل پر سانپ بن کر بیٹھی ہوئی ہے۔ سپریم کورٹ کے احکامات کے مطابق آئین کے آرٹیکل 14-A کے تحت اختیارات کو نچلی سطح پر منتقل کرنے پر تیار نہیں۔ان خیالات کا اظہار انہوں نے ہفتہ کو ٹاؤن میونسپل کارپوریشن نارتھ ناظم آباد کے تحت نارتھ ناظم آباد بلاک ایل میں نرسری و پھولوں کی نمائش کے افتتاح کے بعد میڈیا کے نمائندوں اور شرکاء سے خطاب کرتے ہوئے کیا۔
اس موقع پر ٹاؤن چیئر مین عاطف علی خان، وائس ٹاؤن چیئر مین ضیا جامعی و دیگر نے بھی خطاب کیا جبکہ نظام مت کے فرائض عرفان معطر نے انجام دیے،محکمہ باغات کے ڈائریکٹر نے منعم ظفر خان کو پھولوں کا ہار پہنایا اور گلدستہ پیش کیا۔اس موقع پر جماعت اسلامی کراچی کے سیکریٹری اطلاعات زاہد عسکری،جماعت اسلامی کے ذمہ داران عرفان حسن خان، یوسی چیئر مینز، کونسلرز اور علاقہ مکینوں کی بڑی تعداد موجود تھی۔
منعم ظفر خان نے کہا کہ ایم کیو ایم عرصہ دراز سے شہر پر قابض رہی اس نے کھیل کے میدانوں اور پارکوں پر قبضہ کیا، چائنا کٹنگ کی اور عوام کو دھوکا دیا۔ آج بھی وفاق میں حکومت کا حصہ ہے اور سندھ میں فرینڈلی اپوزیشن کا کردار ادا کر رہی ہے۔ کراچی کے عوام عوام ایم کیو ایم کو مسترد کر چکے ہیں، فارم 47کے ذریعے اسے زبردستی مسلط کیا گیا ہے۔
ان کا کہنا تھاکہ نارتھ ناظم آباد ٹاؤن کے چیئرمین اور ان کی پوری ٹیم قابل مبارکباد ہے جس نے 13 سال سے قبضہ شدہ جگہ کا قبضہ ختم کروا کے نرسری کی صورت میں آباد کیا۔ اس نرسری میں لگنے والے پھولوں سے علاقے میں خوشبو پھیلے گی اور دیگر پارکوں میں بھی پھول لگائے جائیں گے۔ عاطف علی خان نے کہا کہ ہم حلف اٹھانے کے فوراً بعد سے نارتھ ناظم آباد ٹاؤن کے مسائل حل کرنے میں مصروف ہیں۔ بلاک ایل کی اس نرسری میں جانوروں کا باڑہ اور گٹکا فیکٹری قائم تھی۔ ہم نے اہل محلہ کے لیے ایک بار پھر سے اس جگہ کو آباد کیا اور نرسری بنائی۔ ہم بیک وقت بہت سے پروجیکٹ میں کام کررہے ہیں لیکن پیپلز پارٹی کی صوبائی حکومت کام کرنے میں رکاوٹ بنی ہوئی ہے۔ اس کے باوجود کام کررہے ہیں اور عوام کے مسائل حل کرتے رہیں گے۔
اس موقع پر ضیاء جامعی نے کہا کہ نارتھ ناظم آباد بلاک ایل کی نرسری 06 ایکڑ کی زمین پر مشتمل ہے، گزشتہ 13 سال سے نرسری پر قبضہ کیا گیا تھا جسے ٹاؤن کی کوششوں سے ختم کروایا گیا،نرسری میں 20 ہزار سے زائد پودے لگائے ہیں۔ اسی نرسری سے دیگر پارکوں میں پودے لگائے جائیں گے۔
.ذریعہ: Jasarat News
کلیدی لفظ: پیپلز پارٹی کی جماعت اسلامی نے کہا
پڑھیں:
انٹرا پارٹی انتخابات، بلاول بھٹو 4 سال کے لیے پیپلز پارٹی کے چیئرمین منتخب
کراچی(ڈیلی پاکستان آن لائن)پاکستان پیپلز پارٹی کے انٹراپارٹی انتخابات مکمل ہوگئے، نتائج کے مطابق بلاول بھٹو زرداری چار سال کیلئے چیئرمین پاکستان پیپلز پارٹی منتخب ہوگئے ہیں۔پاکستان پیپلز پارٹی کے انٹرا پارٹی انتخابات سینٹرل سیکریٹریٹ، اسلام آباد میں منعقد ہوئے۔ جس میں بلاول بھٹو زرداری چار سال کیلئے چیئرمین پاکستان پیپلز پارٹی منتخب ہوگئے۔
اس کے علاوہ ہمایوں خان چار سال کیلئے پاکستان پیپلز پارٹی کے سیکرٹری جنرل منتخب ہوگئے، ندیم افضل گوندل (چن )چار سال کیلئے پاکستان پیپلز پارٹی کے سیکرٹری اطلاعات منتخب ہوگئے۔آمنہ پراچہ چار سال کیلئے پاکستان پیپلز پارٹی کی سیکرٹری فناننس منتخب ہوئے ۔پاکستان پیپلز پارٹی کے عہدیداران کو پارٹی آئین کے مطابق چار سال کیلئے منتخب کیا گیا ہے۔
پشاور: شوہر کی فائرنگ سے بیوی اور ساس قتل
مزید :
اوورسیز پاکستانیوں نے ڈالرز بھیج کر ملک کو دیوالیہ نہیں ہونے دیا، احسن اقبال