وزیرِ اعظم سے کہتا ہوں کراچی کے لیے خزانے کھولیں، میئر کراچی
اشاعت کی تاریخ: 1st, February 2025 GMT
پینل ڈسکشن میں گفتگو کرتے ہوئے مرتضیٰ وہاب نے کہا کہ ایم کیو ایم وزیرِ اعظم کو کہے کہ وفاق کراچی کی مدد کرے، ہر سیاسی جماعت کو کہتا ہوں کہ ہمارے دروازے کھلے ہیں، کراچی کو 15 ارب نہیں 1500 ارب روپے ملنے چاہئیں، ڈیولپمنٹ کسی اور شہر کو زیادہ ملتی ہے کراچی کو نہیں ملتی۔ اسلام ٹائمز۔ میئر کراچی مرتضیٰ وہاب نے ایم کیو ایم پاکستان کو مل کر کام کرنے کی پیشکش کرتے ہوئے کہا ہے کہ فاروق بھائی میرے ساتھ چلیں، جس طرح کہیں گے کام کریں گے۔ یوتھ کلب میں محکمۂ کھیل کی جانب سے پاکستان یوتھ پارلیمنٹ کی تقریب کا انعقاد کیا گیا جہاں میئر کراچی مرتضیٰ وہاب نے پینل ڈسکشن میں شرکت کی۔ خطاب کے دوران میئر مرتضیٰ وہاب نے کہا کہ گراؤنڈ ریلیٹی دیکھ کر فاروق ستار، مصطفیٰ کمال اور خالد مقبول کام کرنا چاہتے ہیں تو تیار ہوں۔ انہوں نے کہا کہ ایم کیو ایم پاکستان والوں سے کہتا ہوں کہ آئیں مل کر کام کریں، لڑائی کرنے سے معاملات حل نہیں ہوں گے، باتیں اور پریس کانفرنس کرنے سے خدمت نہیں ہوتی۔ مرتضیٰ وہاب نے کہا کہ کراچی کا سب سے بڑا مسئلہ پینے کے پانی کا ہے، فاروق ستار پانی کہاں سے لے کر آئیں گے؟
انہوں نے کہا کہ لاہور میں زیرِ زمین میٹھا پانی موجود ہے، مگر یہاں نہیں ہے، پانی کے مسئلے پر لاہور کی مثال کراچی میں نہیں دے سکتے، بحثیت شہری ہم اپنا فرض نہیں ادا کرتے، جب سب اپنے فرائض نبھانے لگیں گے تو مسائل حال ہو جائیں گے۔ مرتضیٰ وہاب کا کہنا ہے کہ کے ایم سی کی 106 سڑکوں کے علاوہ اندرونی سڑکوں پر بھی کام ہو رہا ہے، سیاسی جماعتیں آتی اور چلی جاتی ہیں، وہی سیاسی جماعتیں رہتی ہیں جو عوام کے حقوق پر بات کرتی ہیں، ہم کام کرنا چاہتے ہیں۔ مرتضیٰ وہاب نے کہا ہے کہ ایم کیو ایم وزیرِ اعظم کو کہے کہ وفاق کراچی کی مدد کرے، ہر سیاسی جماعت کو کہتا ہوں کہ ہمارے دروازے کھلے ہیں، وزیرِ اعظم سے کہتا ہوں کراچی کے لیے خزانے کھولیں، کراچی کو 15 ارب نہیں 1500 ارب روپے ملنے چاہئیں، ڈیولپمنٹ کسی اور شہر کو زیادہ ملتی ہے کراچی کو نہیں ملتی۔
انہوں نے کہا کہ اسلام باد میں بیٹھے ہوئے حضرات کراچی کے لیے اپنا دل بڑا کریں، ملک بھر میں وفاقی حکومت موٹر وے بنا رہی ہے، وفاق، سکھر، حیدرآباد موٹر وے کیوں نہیں بنا رہی؟ پورے ملک کا موٹر وے وفاق بنا دیتی ہے، سکھر حیدرآباد موٹر وے نہیں بناتی۔ میئر مرتضیٰ وہاب نے یہ بھی کہا کہ کوئی بھی شخص جو اچھے فیصلے کر رہا ہو وہ لیڈر ہو سکتا ہے۔ ان کا کہنا ہے کہ ہماری پارٹی پیپلز پارٹی کے لیڈر بلاول بھٹو زرداری جوان ہیں، ہمارے معاشرے میں بہت ناامیدی پیدا ہوگئی ہے، پاکستان کے سارے لوگ ملک چھوڑ کر تو نہیں جا سکتے۔ مرتضیٰ وہاب کا یہ بھی کہنا ہے کہ لیڈر شپ اور نوجوان نسل میں تعلق بنانے کی ضرورت ہے، بلاول بھٹو پی ڈی ایم حکومت بنانے کے لیے کراچی سے اسلام آباد نکلے ہیں۔
ذریعہ: Islam Times
کلیدی لفظ: ایم کیو ایم وہاب نے کہا نے کہا کہ کراچی کو موٹر وے کے لیے
پڑھیں:
ایم کیو ایم رہنمائوں کی پریس کانفرنس جھوٹ کے سوا کچھ نہیں ہے ،ترجمان بلاول بھٹو
دراصل ایم کیو ایم رہنما اپنے آپس کے شدید اختلافات کی وجہ سے اضطراب کا شکار ہیں
ایم کیو ایم والوں کو یاد نہیں کہ بھتہ کلچر، گٹکا ماوا ،دیگر گھناؤنے کاموں کے یہ بانی ہیں،مرتضی وہاب
۔۔۔۔۔
(جرأت انیوز)میئر کراچی و ترجمان بلاول بھٹو زرداری بیرسٹر مرتضی وہاب نے ایم کیو ایم رہنمائوں خالد مقبول صدیقی اور مصطفی کمال کی پریس کانفرنس پر ردعمل ظاہر کرتے ہوئے کہا ہے کہ ایم کیو ایم رہنمائوں کی پیپلزپارٹی مخالف پریس کانفرنس جھوٹ کے پلندے کے سوا کچھ نہیں ہے دراصل ایم کیو ایم رہنما اپنے آپس کے شدید اختلافات کی وجہ سے اضطراب کا شکار ہیں اور آپسی اختلافات کا غصہ کسی اور پر نکال رہے ہیں شاید ایم کیو ایم والوں کو یاد نہیں کہ شہر میں بھتہ پرچی کلچر، گٹکا ماوا اور دیگر گھناؤنے کاموں کے یہ بانی ہیں شہر میں قتل و غارت گری سے لیکر خوف کا ماحول کس نے پیدا کیا یہ شہر کی عوام بخوبی جانتے ہیں بیرسٹر مرتضی وہاب کا کہنا تھا کہ پیپلزپارٹی کی سندھ حکومت کے ترقیاتی کاموں کو دیکھ کر ایم کیو ایم رہنماں کا اپنا داغدار ماضی یاد آجاتا ہے ایم کیو ایم کا ماضی بوری بند لاشوں اور بھتہ خوری سے مزین ہے ایم کیو ایم والوں کو کراچی کی ترقی ایک آنکھ نہیں بھاتی ہم جب بھی شہر میں کسی بڑے ترقیاتی منصوبے کا افتتاح کرتے ہیں انہیں نجانے کیوں پریشانی لاحق ہو جاتی ہے ؟ انکی پریشانی میں مزید اضافہ ہونے والا ہے کیونکہ پیپلزپارٹی کی سندھ حکومت شہر بھر میں ترقیاتی کاموں کے جال بچھا رہی ہے بیرسٹر مرتضی وہاب نے کہا کہ آپ جتنے بھی روڑے اٹکا لیں ہم شہر کراچی کی رونقیں بحال کرکے دم لیں گے پیپلزپارٹی کی سندھ حکومت بلاول بھٹو زرداری کے ویژن کے مطابق کام کررہی ہے اور کرتی رہے گی یہ سیاسی یتیم کراچی کے شہریوں کے دھتکارے ہوئے ہیں ایم کیو ایم رہنما اچھی طرح جانتے ہیں کہ بلاول بھٹو زرداری پاکستان کا روشن مستقبل ہے ۔ بیرسٹر مرتضی وہاب کا کہنا تھا کہ نوجوان رہنما بلاول بھٹو زرداری کے ویژن نے کراچی سے لاشوں کی سیاست کو ہمیشہ کے لیے دفن کردیا ہے بزنس کمیونٹی سمیت سندھ کا ہر باشندہ بلاول بھٹو زرداری کے ساتھ کھڑا ہے اور وہ دن دور نہیں جب پاکستان کے بلاول بھٹو زرداری کو وزیراعظم کے منصب پر فائز کریں گے ۔
وزیراعلیٰ پر ذمہ داری بہت زیادہ تھی، اس لیے پارٹی نے مجھے منتخب کیا، جنید اکبر