قلات میں فورسز کا آپریشن: 12 دہشتگرد ہلاک، ایف سی کے 18 جوان شہید
اشاعت کی تاریخ: 1st, February 2025 GMT
بلوچستان کے ضلع قلات کے علاقے منگوچر میں سکیورٹی فورسز نے 18 دہشتگردوں کو جہنم واصل کر دیا جبکہ آپریشن کے دوران ایف سی کے 18 بہادر جوانوں بھی شہید ہوگئے۔
پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے کارروائی دہشتگردوں کے روڈ بلاک کرنے کی کوشش پر کی، 31 جنوری اور یکم فروری کی درمیانی شب دہشتگردوں نے بلوچستان کے ضلع قلات کے علاقے منگچر میں روڈ بلاک کرنے کی کوشش کی تھی۔
آئی ایس پی آر کے مطابق سکیورٹی فورسز اور قانون نافذ کرنے والے ادارے فوری متحرک ہوئے اور سکیورٹی فورسز نے دہشتگردوں کے مذموم عزائم کو کامیابی سے ناکام بنایا۔
آئی ایس پی آر نے کہا کہ مقامی آبادی کے تحفظ کو یقینی بناتے ہوئے 12 دہشتگردوں کو ہلاک کیا گیا، آپریشن کے دوران 18 بہادر بیٹوں نے بہادری سے لڑتے ہوئے شہادت کو گلے لگا لیا۔
پاک فوج کے شعبہ تعلقات عامہ کا کہنا ہے کہ گھناؤنے بزدلانہ فعل کے مرتکب اور سہولتکاروں کو انصاف کے کٹہرے میں لائیں گے، ہمارے بہادر شہدا کی قربانیاں ہمارے عزم کو مزید مضبوط کرتی ہیں۔
آئی ایس پی آر کا بتانا ہے کہ دہشت گردوں کا مقصد بلوچستان کے پرامن ماحول کو خراب کرنا اور معصوم شہریوں کو نشانہ بنانا تھا، قلات کے علاقے منگوچر میں کلیئرنس آپریشن جاری ہے۔
TagsImportant News from Al Qamar.
ذریعہ: Al Qamar Online
کلیدی لفظ: پاکستان کھیل سکیورٹی فورسز آئی ایس پی آر
پڑھیں:
شمالی وزیرستان میں سکیورٹی فورسز کا آپریشن، 6 خوارج ہلاک، 2 جوان شہید
راولپنڈی: سکیورٹی فورسز نے شمالی وزیرستان کے علاقے میر علی میں انٹیلی جنس کی بنیاد پر آپریشن کیا، جس کے دوران 6 خوارج ہلاک ہوگئے۔ اس آپریشن میں شدید فائرنگ کے تبادلے میں 2 فوجی جوان شہید ہوئے۔
پاک فوج کے شعبہ تعلقات عامہ (آئی ایس پی آر) کے مطابق، یہ آپریشن خوارج کی موجودگی کی اطلاع پر کیا گیا۔ شہید ہونے والے جوانوں میں 29 سالہ میجر حمزہ اسرار اور 26 سالہ سپاہی محمد نعیم شامل ہیں، جن کا تعلق بالترتیب راولپنڈی اور نصیر آباد سے تھا۔
آئی ایس پی آر نے بتایا کہ آپریشن کے دوران 6 خوارج کی لاشیں قبضے میں لے لی گئی ہیں، اور علاقے میں دیگر دہشت گردوں کے خاتمے کے لیے سینیٹائزیشن آپریشن جاری ہے۔
صدر مملکت آصف علی زرداری نے شمالی وزیرستان میں سکیورٹی فورسز کی کامیاب کارروائی پر ان کی بہادری کو سراہا۔ انہوں نے کہا کہ اس آپریشن میں شہید ہونے والے میجر حمزہ اسرار اور سپاہی محمد نعیم کی قربانیاں قوم کے لیے فخر کا باعث ہیں۔ انہوں نے شہداء کے اہل خانہ کے ساتھ ہمدردی کا اظہار کیا۔
وزیراعظم شہباز شریف نے سکیورٹی فورسز کی اس کارروائی پر ان کا شکریہ ادا کرتے ہوئے کہا کہ دہشت گردوں کے مکمل خاتمے تک سکیورٹی فورسز کی کارروائیاں جاری رہیں گی۔ انہوں نے شہداء کے اہل خانہ کے لیے صبر کی دعا کی اور ان کی قربانیوں کو سراہا۔
وفاقی وزیر داخلہ محسن نقوی نے شہید میجر حمزہ اسرار اور سپاہی محمد نعیم کو خراج عقیدت پیش کیا۔ انہوں نے کہا کہ ان جوانوں کی قربانیاں وطن کے دفاع کے لیے بے مثال ہیں، اور ان کی بہادری ہمیشہ یاد رکھی جائے گی۔ وزیر داخلہ نے شہداء کے اہل خانہ کے ساتھ اظہارِ ہمدردی کیا اور کہا کہ قوم ان کے عزم و ہمت پر فخر کرتی ہے۔
سندھ کے 3 اضلاع کے نمونوں میں پولیو وائرس کی نشاندہی