خیبر پختونخوا حکومت کا بڑااعلان
اشاعت کی تاریخ: 1st, February 2025 GMT
خیبر پختونخوا حکومت نے مستحق خاندانوں کیلئے خصوصی رمضان پیکج کا اعلان کردیا۔صوبائی کابینہ کی جانب سے صوبے کے ہر مستحق خاندان کو رمضان المبارک میں 10، 10 ہزار روپے دینے کا فیصلہ کیا گیا ہے ، خیبر پختونخوا کے 115 حلقوں سے 5 ہزار خاندانوں کا انتخاب کیا جائیگا، ہر مستحق خاندان کو رمضان کے پہلے عشرے میں 10 ہزار روپے کا چیک دیا جائیگا۔مستحق خاندانوں کے انتخاب کیلئے حکومت نے مختلف محکموں کو ٹاسک دیدیا، صوبے میں رمضان پیکج کے تحت 8 ارب روپے تک کی رقم تقسیم کی جائیگی، رمضان پیکج کی تقسیم کی مانیٹرنگ وزیر اعلی ہائوس پشاور سے کی جائیگی۔
.ذریعہ: Nawaiwaqt
پڑھیں:
خیبر پختونخوا کے شمالی علاقوں میں گلیشیئر پھٹنے کا خدشہ، پی ڈی ایم اے کا الرٹ جاری
خیبر پختونخوا کی صوبائی ڈیزاسٹر مینجمنٹ اتھارٹی (پی ڈی ایم اے) نے خبردار کیا ہے کہ صوبے کے شمالی اضلاع میں درجہ حرارت میں اضافے کے باعث گلیشیئر پھٹنے اور ممکنہ سیلاب کی صورتحال پیدا ہوسکتی ہے۔
پی ڈی ایم اے کے ترجمان کے مطابق، کل سے متوقع گرمی کی شدت کے پیش نظر خاص طور پر چترال، اپر دیر، سوات اور کوہستان کے اضلاع میں گلیشیئر لیک آؤٹ برسٹ فلڈ (جی ایل او ایف) کا خطرہ بڑھ گیا ہے۔ جی ایل او ایف کے تحت گلیشیائی جھیلوں سے پانی اچانک بہہ نکلنے سے شدید اور تباہ کن سیلاب آسکتا ہے۔
مزید پڑھیں: وفاق نے سیلاب متاثرین کے 400 ملین ڈالر اپنی جیب میں رکھ لیے، بلاول بھٹو
واضح رہے کہ گزشتہ برس اگست میں اپر چترال کے ایک گاؤں میں اسی نوعیت کے واقعے کے باعث 30 سے زائد خاندان بے گھر ہو گئے تھے۔ ماہرین کے مطابق، چترال اور گلگت بلتستان کے علاقوں میں موسمیاتی تبدیلیوں کے باعث قریباً 10 ہزار گلیشیئرز تیزی سے پگھل رہے ہیں۔ پاکستان کے پہاڑی علاقوں میں دنیا کے قطبی خطوں کے بعد سب سے زیادہ 13,032 گلیشیئرز موجود ہیں۔
خیبرپختونخوا کے شمالی علاقہ جات میں درجہ حرارت بڑھنے سے گلیشیئرز جھیلوں (گلاف) کے پھٹنے کا خدشہ.
پی ڈی ایم اے کی جانب سے حساس اضلاع چترال اپر اور لوئر ، دیر اپر، سوات اور کوہستان کی انتظامیہ کو الرٹ جاری.@KPKUpdates @ndmapk @infokpgovt @Rescue1122 @CSKPOfficial @KPChiefMinister pic.twitter.com/f3PTgsJekB
— PDMAKP OFFICIAL (@PDMAKP) April 15, 2025
پی ڈی ایم اے نے ضلعی انتظامیہ کو ہدایت جاری کی ہے کہ خطرے سے دوچار علاقوں کی عوام کو الرٹ کیا جائے اور کسی بھی ہنگامی صورتحال کے لیے فوری تیاری رکھی جائے۔ ترجمان کا کہنا ہے کہ پی ڈی ایم اے کا ایمرجنسی آپریشنز سینٹر مکمل طور پر فعال ہے جبکہ ریسکیو اہلکار ضروری سازوسامان کے ساتھ ہائی الرٹ پر ہیں۔
مزید پڑھیں: ترسیلات زر میں مسلسل اضافے کی وجوہات کیا ہیں؟
پی ڈی ایم اے نے عوام سے اپیل کی ہے کہ کسی بھی ہنگامی صورت حال یا مشاہدہ کی اطلاع فوری طور پر ہیلپ لائن 1700 پر دیں۔ ساتھ ہی سیاحوں کو احتیاط برتنے اور غیر ضروری سفر سے گریز کی ہدایت بھی جاری کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ڈی ایم اے خیبر پختونخوا صوبائی ڈیزاسٹر مینجمنٹ اتھارٹی گلیشیئر
پروفیسر اور طالبہ کا مکالمہ ‘چند مزید پہلو