چینی کی قیمتوں میں مزید اضافہ، شہری مٹھاس کیلئے کڑوا گھونٹ پینے پر مجبور
اشاعت کی تاریخ: 1st, February 2025 GMT
اسلام آباد(نیوز ڈیسک)ملک میں چینی کی مٹھاس دوبارہ کڑواہٹ میں بدلنے لگی ہے، مختلف شہروں میں چینی کی فی کلو قیمت میں اوسطاً 10 روپے تک اضافہ ریکارڈ کیا گیا ہے۔ادارہ شماریات کے جاری کردہ اعدادوشمار کے مطابق راولپنڈی، اسلام آباد اور کراچی میں شہری سب سے مہنگی چینی خریدنے پر مجبور ہیں، جہاں چینی کی قیمت 160 روپے فی کلو تک پہنچ چکی ہے۔
مختلف شہروں میں چینی کی قیمتیں
پشاور، کراچی، اسلام آباد اور راولپنڈی میں چینی 160 روپے فی کلو فروخت ہو رہی ہے۔ خضدار، لاہور، گوجرانوالہ اور سیالکوٹ میں چینی کی فی کلو قیمت 155 روپے ہے، جبکہ فیصل آباد، ملتان، لاڑکانہ، بنوں، کوئٹہ میں 150 روپے فی کلو چینی فروخت ہو رہی ہے۔اسی طرح حیدرآباد میں 148 روپے فی کلو، بہاولپور اور سکھر میں 145 روپے فی کلو میں چینی فروخت ہو رہی ہے۔
ملک میں چینی کی اوسط قیمت
ادارہ شماریات کے مطابق ملک میں چینی کی اوسط قیمت 150 روپے 43 پیسے فی کلو تک پہنچ گئی ہے، جس سے عام شہری شدید متاثر ہو رہے ہیں۔ شہریوں کا مطالبہ ہے کہ حکومت چینی کی قیمتوں میں استحکام کے لیے فوری اقدامات کرے تاکہ مہنگائی کے بوجھ سے کچھ نجات مل سکے۔
ذریعہ: Daily Ausaf
کلیدی لفظ: چینی کی قیمت میں چینی کی روپے فی کلو
پڑھیں:
چینی کمپنی نیو نے کم قیمت چھوٹی اور الیکٹرک کار ’’فائر فلائی‘‘ لانچ کردی
چین(نیوز ڈیسک)چینی الیکٹریکل وہیکل کمپنی ’’نیو‘‘ نے شنگھائی آٹو شو 2025ء میں اپنی نئی چھوٹی اور الیکٹرک کار فائر فلائی لانچ کردی۔
ماہرین کے مطابق فائر فلائی پاکستان کیلئے ’’الیکٹرک مہران‘‘ ثابت ہوسکتی ہے، نیو کی فائر فلائی کمپنی کی منصوبہ بندی کا مرکزی حصہ ہے تاکہ یہ 5 براعظموں کی 16 نئی مارکیٹس میں قدم رکھ سکے۔
نیو کمپنی کے سی ای او ولیم لی نے بتایا کہ فائر فلائی کئی ممالک میں تیسری پارٹی کے ڈسٹری بیوٹرز اور مقامی پارٹنرز کے ذریعے متعارف کرائی جائے گی جو کہ کمپنی کی پچھلی فروخت کے طریقے سے مختلف ہوگی۔
واضح امکان ہے کہ فائر فلائی پاکستان میں بھی جلد دستیاب ہوگی، کیونکہ یہاں کئی چینی کار کمپنیاں پہلے ہی مقامی ڈسٹری بیوٹرز اور مینوفیکچررز کے ساتھ پارٹنرشپ کررہی ہیں۔
رپورٹ کے مطابق نیو نے فائر فلائی کو ایک چھوٹی، سستی گاڑی کے طور پر ڈیزائن کیا ہے جو عملی استعمال کیلئے بہترین ثابت ہوگی۔
فائر فلائی کی اہم خصوصیات کیا ہیں؟
کمپیکٹ سائز: فائر فلائی تنگ گلیوں اور مصروف شاہراہوں کیلئے مثالی ثابت ہوسکتی ہے، جو پاکستان کے شہری علاقوں کیلئے بہترین انتخاب ہوگی۔
رینج: نیو الیکٹرک فائر فلائی ایک چارجنگ پر 300 سے 400 کلومیٹر تک چل سکتی ہے، جو بیٹری کی قسم پر منحصر ہے۔
بیٹری سوئپنگ: یہ بیٹری سوئپ ٹیکنالوجی کو سپورٹ کرتی ہے، لیکن موجودہ سوئپ اسٹیشن ابھی اس کے ساتھ ہم آہنگ نہیں ہیں۔ نئے پانچویں نسل کے سوئپ اسٹیشنز جو اگلے سال تک متعارف ہوں گے، فائر فلائی کو نیو اور اونوو گاڑیوں کے ساتھ سپورٹ کریں گے۔
چارجنگ کے آپشنز: اگر بیٹری سوئپنگ دستیاب نہ ہو، تو گاڑی کو روایتی فاسٹ چارجنگ سے چارج کیا جا سکتا ہے۔
انٹیریئر ڈیزائن: سادہ ڈیزائن کے ساتھ ڈیجیٹل ڈسپلے اور اہم کنیکٹڈ سروسز، جیسے موبائل ایپ کنٹرولز اور اوور دی ایئر اپ ڈیٹس۔
قیمت: نیو کی لائن اپ میں فائر فلائی کار کے سب سے سستی گاڑی ہونے کی توقع کی جارہی ہے، یہ بجٹ دیکھ کر گاڑی خریدنے والوں کو متوجہ کرنے کیلئے ڈیزائن کی گئی ہے۔
کمپنی نے فائر فلائی کیلئے کنٹینر اسٹائل بیٹری سوئپ اسٹیشنز کا منصوبہ منسوخ کردیا ہے، تاہم نئے اسٹیشنز پر کام جاری ہے جس سے 2026ء تک انفرااسٹرکچر کے مسائل حل ہوسکتے ہیں۔
ماہرین کہتے ہیں کہ اگر نیو پاکستان میں کسی مقامی ڈسٹری بیوٹر کے ساتھ شراکت داری کرے اور گاڑی کی قیمت مناسب رکھے، تو یہ پاکستانی ڈرائیورز کیلئے ایک سستی الیکٹرک گاڑی کا اچھا آپشن ہوسکتی ہے، بالکل ویسے ہی جیسے مہران نے کئی سالوں تک سستی سواری فراہم کی۔
پی ٹی آئی رہنما عالیہ حمزہ کی ضمانت منظور، رہا کرنے کا حکم