جی ایچ کیو حملہ کیس میں عمران خان عدالت میں پیش
اشاعت کی تاریخ: 1st, February 2025 GMT
جی ایچ کیو حملہ کیس میں عمران خان عدالت میں پیش WhatsAppFacebookTwitter 0 1 February, 2025 سب نیوز
راولپنڈی: 9 مئی جی ایچ کیو حملہ کیس میں آج بانی پی ٹی آئی عمران خان کو عدالت میں پیش کیا گیا۔
تفصیلات کے مطابق کیس کی سماعت انسداد دہشتگردی عدالت کے جج امجد علی شاہ نے اڈیالہ جیل میں کی جب کہ دوران سماعت استغاثہ کے 2 گواہوں کےبیانات ریکارڈ کیے گئے۔
دوران سماعت کانسٹیبل عمران اور ایس ڈی او اویس شاہ بطور گواہ پیش ہوئے۔ گواہ کانسٹیبل عمران نے اس موقع پر جی ایچ کیو حملے کی تصاویر جبکہ ایس ڈی او اویس شاہ کی جانب سے توڑ پھوڑ میں ہونے والے نقصانات کا تخمینہ رپورٹ عدالت کے سامنے پیش کی۔
نقصانات کی تخمینہ رپورٹ میں بتایا گیا کہ جی ایچ کیو گیٹ پر توڑ پھوڑ میں 7 لاکھ 80 ہزار روپے کا نقصان ہوا۔
دوران سماعت جی ایچ کیو حملہ کیس میں شواہد کے مواد پر مبنی 13 یو ایس بیز عدالت میں جمع کرادی گئیں جس پر عدالات نے کہا کہ وکلا صفائی یو ایس بیز کی کاپیاں حاصل کرسکتے ہیں۔
عدالت نے حکم دیا کہ آئندہ سماعت پر تمام اضافی رپورٹس کی نقول مکمل کرکے عدالت میں پیش کی جائیں۔ اس کے بعد مقدمے کی مزید سماعت 6 فروری تک ملتوی کردی گئی۔
.ذریعہ: Daily Sub News
کلیدی لفظ: جی ایچ کیو حملہ کیس میں عدالت میں پیش
پڑھیں:
بانی پی ٹی آئی کی 9 مئی سے متعلق 8 مقدمات میں ضمانت کی درخواستوں پرسماعت ملتوی
لاہور ہائی کورٹ نے بانی پاکستان تحریک انصاف ( پی ٹی آئی) عمران خان کی 9 مئی سے متعلق 8 مقدمات میں ضمانت کی درخواستوں پر سماعت ملتوی کردی۔
جسٹس شہباز علی رضوی اور جسٹس طارق سلیم شیخ پر مشتمل لاہور ہائی کورٹ کے 2 رکنی بینچ نے درخواستوں پر سماعت کی۔ عدالت نے ریکارڈ کی عدم دستیابی پر کیس کی سماعت 23 اپریل تک ملتوی کردی۔
مزید پڑھیں: عمران خان کیخلاف توہینِ عدالت کی درخواست سماعت کیلیے مقرر
سرکاری وکیل نے کہا کہ مقدمات کا ریکارڈ تاحال سپریم کورٹ میں ہے۔ بانی پی ٹی آئی نے درخواست میں موقف اختیار کیا کہ 9 مئی کو اسلام آباد میں نیب کی تحویل میں تھا۔ سیاسی انتقام کے لیے سازش کا الزام لگا کر مقدمات میں نامزد کیا گیا۔
درخواست میں لاہور ہائی کورٹ سے استدعا کی گئی کہ 8 مقدمات میں ضمانت منظور کرکے رہائی کا حکم دیا جائے۔ انسداد دہشتگردی عدالت لاہور نے 27 نومبر کو عمران خان کی ضمانتیں خارج کی تھیں۔
ورلڈ بینک پاکستان کے پاور سیکٹر کیساتھ جامع منصوبہ بندی چاہتا ہے، ڈائریکٹر ورلڈ بینک برائے انفرااسٹرکچر