قذافی اسٹیڈیم کا عمران خان انکلوژر:’’کیا یہاں بیٹھنے کی اجازت ہوگی؟‘‘
اشاعت کی تاریخ: 1st, February 2025 GMT
پاکستان کرکٹ بورڈ ( پی سی بی) کے چیئرمین اور وزیر داخلہ محسن نقوی نے کہا کہ لاہور قذافی اسٹیڈیم کا افتتاح 7 فروری کو وزیراعظم پاکستان کریں گے۔ چند روز سے سوشل میڈیا پر افواہیں گردش کررہی تھیں کہ قذافی اسٹیڈیم کی دوبارہ تعمیر کے دوران عمران خان کے نام کا بورڈ ہٹا دیا گیا ہے، تاہم یہ تمام قیاس آرائیاں اس وقت دم توڑ گئیں جب اسٹیڈیم میں عمران خان انکلوژر کا بورڈ دوبارہ نصب ہوا۔
عمران خان انکلوژر کے بورڈ کی تصویر سوشل میڈیا پر وائرل ہوئی تو صارفین نے خوب تبصرے کیے، پاکستان تحریک انصاف کے حامی صارفین نے گفتگو میں بڑھ چڑھ کر حصہ لیا اور تمام تر سیاسی اختلافات کے باوجود محسن نقوی کی تعریف کی۔
Imran Khan enclosure at Qaddafi Stadium Lahore ????#FreeImranKhan pic.
— Hina Zainab (@hina98_hina) January 30, 2025
ایک صارف نے قذافی اسٹیڈیم میں عمران خان انکلوژر کی تصویر لگاتے ہوئے لکھا’’ پاکستان کرکٹ کا نشان‘‘
The symbol of Pakistan’s cricket ???? pic.twitter.com/a9oDrIDoJM
— Sarah B. (@SarahB361775481) January 30, 2025
ایک اور صارف نے تبصرہ کرتے ہوئے لکھا’’ کھیل کی ایک لیجنڈری جگہ
A legendary spot in cricket!
— zoon…???? (@TheRealZoon_) January 30, 2025
ایک صارف نے سوال کرتے ہوئے پوچھا کہ ’’ اس انکلوژر کی ٹکٹ کتنے کی ہے اور کیا اس میں بیٹھنے کی اجازت بھی ہوگی ؟‘‘
اس کا ٹکٹ کتنے کا ہے اور اس میں بیٹھنے کی اجازت بھی ہے کیا؟
— Jeff Z ???????????????? (@jeffz21) January 31, 2025
پاکستان تحریک انصاف کے حامی صارف نے تبصرہ کرتے ہوئے لکھا کہ ’’ ہر جگہ آپ کو عمران خان ہی ملے گا‘‘
Hr jaga apko Imran khan melyga.#قوم_کی_آواز_خان_کی_رہائی https://t.co/HwUM5c6xWx
— Aamir afzal (@Aamir77afzal) January 31, 2025
واضح رہے کہ چیمپیئنز ٹرافی پاکستان میں 19 فروری سے 9 مارچ تک منعقد ہوگی، پاکستان ٹورنامنٹ میں اپنا پہلا میچ 19 فروری کو نیوزی لینڈ کے خلاف کراچی میں کھیلے گا، جبکہ قومی ٹیم 4 فروری سے تیاریوں کا آغاز کرے گی۔
چیمپیئنز ٹرافی سے قبل 3 ملکی سیریز بھی ہوگی، جس کا پہلا میچ پاکستان اور نیوزی لینڈ کے درمیان 8 فروری کو لاہور میں کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چیمپیئنز ٹرافی عمران خان عمران خان انکلوژر قذافی اسٹیڈیم کرکٹذریعہ: WE News
کلیدی لفظ: چیمپیئنز ٹرافی عمران خان انکلوژر قذافی اسٹیڈیم کرکٹ عمران خان انکلوژر قذافی اسٹیڈیم
پڑھیں:
اقوامِ متحدہ امن مشن وزارتی کانفرنس کی تیاری کے لیے 2 روزہ کانفرنس اسلام آباد میں ہوگی
اقوام متحدہ امن دستوں کے کام کیسے محفوظ بنایا جائے، سفارشات کی تیاری کے لیے کانفرنس جمہوریہ کوریا کی شراکت داری میں 15 سے 16 اپریل کو اسلام آباد میں منعقد ہو گی۔
ترجمان دفتر خارجہ شفقت علی خان کے مطابق تیسری اقوامِ متحدہ امن مشن وزارتی تیاری کانفرنس کا انعقاد نیشنل یونیورسٹی آف سائنسز اینڈ ٹیکنالوجی کے سینٹر فار انٹرنیشنل پیس اینڈ اسٹیبلیٹی میں کیا جائے گا۔
کانفرنس ‘مزید محفوظ اور مؤثر امن مشن کی جانب: ٹیکنالوجی کے استعمال اور مربوط حکمتِ عملی’ کے عنوان سے منعقد کی جائے گی، جو عالمی شراکت داروں کو ایک جگہ جمع کرے گی۔
یہ بھی پڑھیں: پاکستان نے اقوام متحدہ کے انسانی حقوق ماہرین کا بیان یکطرفہ قرار دیتے ہوئے مسترد کردیا
ترجمان دفتر خارجہ کا کہنا ہے کہ مذکورہ کانفرنس، جرمنی کے شہر برلن میں 13تا 14 مئی کو ہونیوالی اقوامِ متحدہ کی وزارتی امن مشن کانفرنس کی بنیاد رکھے گی،جو کہ خارجہ و دفاعی وزرا کا دوسالہ اجلاس ہے، جو امن مشنز کو مضبوط بنانے پر مرکوز ہوتا ہے۔
ترجمان دفتر خارجہ کے مطابق اسلام آباد میں ہونیوالی اس 2 روزہ کانفرنس میں حکومتِ پاکستان کے اعلیٰ عہدیداران، اقوامِ متحدہ سینیئر حکام شرکت کریں گے، جن میں ژاں پئیئر لاکروآ، انڈر سیکرٹری جنرل برائے امن مشنز، اور اتول کھارے، انڈر سیکرٹری جنرل برائے آپریشنل سپورٹ بھی شامل ہیں۔
’یہ کانفرنس امن مشنز کے مستقبل پر مباحثوں کی ایک سیریز پر مشتمل ہوگی، ان مباحثوں میں امن مشن کو درپیش بدلتے ہوئے چیلنجز، مستقبل کے امن مشنز کو مزید محفوظ اور مؤثر بنانے کے لیے ٹیکنالوجی کا کردار سمیت مختلف ذیلی موضوعات پر مباحثے شامل ہوں گے۔‘
مزید پڑھیں: پاکستان نے اقوام متحدہ سلامتی کونسل کے غیر مستقل رکن کے طور پر ذمہ داریاں سنبھال لیں
دفتر خارجہ کے اعلامیے کے مطابق اقوام متحدہ امن اہلکاروں کی سلامتی کو درپیش خطرات سے نمٹنے میں ٹیکنالوجی کا استعمال، اقوامِ متحدہ امن مشنز کی حمایت میں علاقائی و بین العلاقائی تنظیموں کا کردار بھی ان موضوعات کا حصہ ہوں گے۔
’اقوام متحدہ امن مشن کی مؤثر کارکردگی، اور پائیدار و مستقل امن کے لیے ایک مربوط حکمتِ عملی بھی مباحثوں کا حصہ ہوگی، یہ اجلاس اقوامِ متحدہ امن مشنز میں پاکستان کے عزم کو اجاگر کرنے کا ایک اہم موقع فراہم کرے گا۔‘
ترجمان دفتر خارجہ شفقت علی خان کے مطابق پاکستان اقوام متحدہ مشنز میں ایک نمایاں فوجی تعاون فراہم کرنے والا ملک ہے، جس نے 48 اقوامِ متحدہ مشنز میں 2,35,000 امن کار تعینات کیے ہیں۔
مزید پڑھیں: پاکستان کی اقوام متحدہ امن مشنز میں شرکت کو سراہتے ہیں، پولش سفیر
’ان میں سے 181 پاکستانی اہلکاروں نے عالمی امن و سلامتی کی خدمت میں اپنی جانوں کا نذرانہ پیش کیا، کانفرنس کی میزبانی پاکستان کے اقوامِ متحدہ امن مشنز کے ساتھ تسلسل سے وابستہ عزم کی عکاسی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ امن مشنز برلن پاکستان ترجمان دفتر خارجہ سینٹر فار انٹرنیشنل پیس اینڈ اسٹیبلیٹی شفقت علی خان نیشنل یونیورسٹی آف سائنسز اینڈ ٹیکنالوجی وزارتی کانفرنس
گھر سے بے دخل خاتون ٹک ٹاکر نے نہر میں چھلانگ لگا دی