مراکش کشتی حادثے کے بعد زندہ بچ جانے والے پاکستانیوں کی وطن واپسی کا آپریشن مکمل کرلیا گیا
اشاعت کی تاریخ: 1st, February 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔یکم فروری ۔2025 )مراکش کشتی حادثے کے بعد زندہ بچ جانے والے پاکستانیوں کی وطن واپسی کا آپریشن مکمل کرلیا گیااور مزید 8 متاثرین پاکستان پہنچ گئے ہیں نجی ٹی وی کے مطابق وفاقی تحقیقاتی ادارے (ایف آئی اے) کے امیگریشن سرکل کی جانب سے اسلام آباد ایئرپورٹ پر مسافروں سے پوچھ گچھ میں اہم انکشافات سامنے آئے ہیں.
(جاری ہے)
وطن واپس پہنچنے والے مسافروں کی شناخت محمد افضل، محمد عدیل، عرفان احمد، ارسلان، غلام مصطفی، بدر محی الدین، مجاہد علی اور تصور احمد کے نام سے ہوئی ہے جن میں سے 2 کا تعلق شیخوپورہ، 2 کا سیالکوٹ، 2 کا منڈی بہاﺅالدین جبکہ ایک کا گجرات اور ایک کا جہلم سے ہے ان مسافروں کی عمریں 21 سے 41 سال کے درمیان ہیں مسافر قطر ایئرلائن کی فلائٹ نمبر QR614 کے ذریعے اسلام آباد ایئرپورٹ پہنچے مسافروں نے غیر قانونی طریقے سے اسپین براستہ دبئی، سینیگال جانے کی کوشش کی تھی. ابتدائی تفتیش کے مطابق مسافروں نے ایجنٹوں سے اسپین جانے کے لیے لاکھوں روپے فی کس میں معاملات طے کیے ایجنٹوں نے شہریوں کو وزٹ ویزے پر دبئی، ایتھوپیا اور بعد ازاں سینیگال بھجوایا، سینیگال سے ایجنٹوں نے سمندر کے راستے شہریوں کو اسپین بھجوانے کی کوشش کی دوران تفتیش انکشاف ہوا کہ ایجنٹوں کی جانب سے متاثرین کو تشدد کا نشانہ بھی بنایا گیا مسافروں سے ایجنٹوں اور سہولت کاروں کے حوالے سے معلومات لی جارہی ہیں ابتدائی تفتیش کے مطابق ایجنٹوں کا تعلق پنجاب کے مختلف علاقوں سے ہے. ایف آئی اے حکام نے شہریوں سے اپیل کی ہے کہ بیرون ملک جانے کے لیے ہمیشہ متعلقہ ملک کے سفارتخانے سے رابطہ کریں اور ذاتی دستاویزات غیر متعلقہ شخص کے حوالے نہ کی جائیں، انسانی اسمگلنگ میں ملوث عناصر کی نشاندہی کے لیے ایف آئی اے کے قریبی سرکل سے معلومات حاصل کریں.
ذریعہ: UrduPoint
کلیدی لفظ: تلاش کیجئے
پڑھیں:
مراکش کشتی حادثہ میں بچ جانے والے 7 پاکستانی وطن واپس پہنچ گئے
مراکش میں گزشتہ دنوں تارکین وطن کی کشتی کو پیش آنے والے حادثے میں بچ جانے والے 7 پاکستانی شہری وطن واپس پہنچ گئے۔
میڈیا رپورٹس کے مطابق حادثے میں بچ جانے والے عامر علی، عزیز بشارت، عمران اقبال اور شعیب ظفر براستہ دبئی واپس اسلام آباد پہنچے، جبکہ محمد آصف، مدثرحسین اور عباس کاظمی براستہ دوحہ واپس آئے۔
یہ بھی پڑھیں یورپ جانے کا جنون، بحیرہ روم میں ایک اور کشتی الٹنے سے 44 پاکستانیوں سمیت 50 افراد ہلاک
حادثے میں بچ جانے والے شہریوں کا تعلق سیالکوٹ، حافظ آباد، گجرات اور منڈی بہاؤالدین سے ہے۔
ابتدائی تفتیش کے مطابق حادثے میں بچ جانے والے پاکستانی براستہ سینیگال اسپین جانا چاہتے تھے۔ اور انہوں نے ایجنٹ کے ساتھ فی کس 16 سے لاکھ سے 25 لاکھ روپے میں معاملے طے کیے تھے۔
میڈیا رپورٹس کے مطابق جن ایجنٹوں نے ان شہریوں سے باہر بھجوانے کے لیے رقم ہتھیائی ان کا تعلق سیالکوٹ، گجرات، لاہور اور وزیر آباد سے ہے، ادارے ان کی نشاندہی کے لیے معلومات لے رہے ہیں۔
یہ بھی پڑھیں یونان کشتی حادثہ:وزیراعظم نے انسانی اسمگلنگ سے متعلق رپورٹ طلب کرلی
واضح رہے کہ گزشتہ دنوں مغربی افریقہ سے کشتی کے ذریعے اسپین پہنچنے کی کوشش کرنے والے 50 تارکین وطن ڈوب کر ہلاک ہو گئے تھے جن میں سے 44 کا تعلق پاکستان سے تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستانی تارکین وطن مراکش کشتی حادثہ وطن واپس پہنچ گئے وی نیوز
پارا چنار روانہ کیا گیا 120 گاڑیوں کا قافلہ بحفاظت پہنچ گیا، فائرنگ کی خبر جھوٹ قرار