شالیمار ایکسپریس حادثہ، ڈرائیو کی غلطی سامنے آ گئی
اشاعت کی تاریخ: 1st, February 2025 GMT
لاہور سے کراچی جانے والی شالیمار ایکسپریس حادثے کی ابتدائی تحقیقات میں ڈرائیور کی غلطی سامنے آگئی۔
ریلوے ذرائع کے مطابق لاہور شالیمار ایکسپریس حادثے کی تحقیقات جاری ہیں۔ 4 رکنی تحقیقاتی کمیٹی نے شواہد اکٹھے کر لیے۔ لاہور تحقیقاتی ٹیم میں ڈپٹی چیف انجینئر بریج، ڈپٹی چیف انجینئیر، میکینکل ڈپٹی چیف انجینئیرکیرج اور ڈپٹی چیف افسرسیفٹی شامل ہیں۔
اب تک کی تحقیقات اورابتدائی جوائنٹ رپورٹ میں ڈرائیور کی غلطی سامنے آئی ہے۔ ڈرائیوراورگارڈز سمیت دیگر لوگوں کے بیانات بھی لے لیے گے۔ تحقیقاتی ٹیم نے سی سی ٹی وی فوٹیج سے بھی مدد لی۔ تحقیقاتی ٹیم نے رات گئے اور صبح تک ٹریک کا مکمل معائنہ کیا۔
مزید پڑھیں: لاہور سے کراچی جانے والی شالیمار ایکسپریس کو حادثہ، ٹرینوں کا شیڈول متاثر
ریلوے ذرائع کا مزید کہنا ہے کہ تحقیقاتی ٹیم نے عینی شاہدین کے بیانات قلم بند کیے اور بنائی گی ویڈیو بھی حاصل کی۔ ریلوے ٹریک اور بریج کی ماہانہ انسپکشن کا ریکارڈ بھی لے لیا گیا۔ شالیمار ایکسپریس کی اسپیڈ کے حوالے سے بھی ڈرائیور سے سوالات کیے گئے۔
گزشتہ روز لاہور سے کراچی جانے والی شالیمار ایکسپریس کی 3 کوچز لاہور کے شاہدرہ ریلوے اسٹیشن کے قریب پٹڑی سے اتر گئی تھیں جس سے ٹرینوں کی آمد و رفت عارضی طور پر متاثر ہوئی تھی۔
.ذریعہ: Express News
کلیدی لفظ: شالیمار ایکسپریس تحقیقاتی ٹیم
پڑھیں:
ڈومینیکن ریپبلک کے نائٹ کلب میں حادثہ، ہلاکتوں کی تعداد 221 تک پہنچ گئی
سانتو ڈومنگو: ڈومینیکن ریپبلک کے دارالحکومت میں واقع مشہور نائٹ کلب جیٹ سیٹ میں چھت گرنے سے کم از کم 221 افراد جاں بحق ہو گئے، یہ حادثہ ملک کی حالیہ تاریخ کا بدترین المیہ قرار دیا جا رہا ہے۔
یہ افسوسناک واقعہ منگل کی صبح پیش آیا جب کلب میں سینکڑوں افراد موجود تھے۔ معروف مرینگے گلوکار روبی پیریز اس وقت اسٹیج پر پرفارم کر رہے تھے جب اچانک چھت گر گئی، وہ بھی اس حادثے میں جان کی بازی ہار گئے۔
ریسکیو ٹیم کے سربراہ خوان مانوئل مینڈیز نے میڈیا کو بتایا کہ اب تک 189 افراد کو زندہ نکالا گیا ہے جبکہ 500 سے زائد افراد زخمی ہوئے ہیں۔ امدادی کارروائیاں دو دن تک جاری رہیں جن میں 300 سے زائد ریسکیو اہلکار، سونگھنے والے کتے، اور دیگر ممالک جیسے پورٹو ریکو اور اسرائیل کے فائر فائٹرز نے حصہ لیا۔
اس واقعے میں دو سابق امریکی بیس بال کھلاڑی، اوٹاویو ڈوٹیل اور ٹونی بلانکو، اور ایک مقامی سیاستدان بھی جاں بحق ہوئے۔ سوشل میڈیا پر شیئر ہونے والی ویڈیوز میں دکھایا گیا کہ کلب اچانک اندھیرے میں ڈوب گیا اور پھر دھماکے کی آواز سنائی دی۔
صدر لوئس ابیناڈر نے ملک بھر میں تین دن کے سوگ کا اعلان کیا ہے۔ حکومت نے واقعے کی مکمل تحقیقات کا اعلان بھی کیا ہے۔
جیٹ سیٹ کلب سانتو ڈومنگو کی نائٹ لائف کا نصف صدی پرانا حصہ تھا۔ اب یہ مقام زلزلے کے بعد کی مانند ملبے کا ڈھیر بن چکا ہے۔ متاثرہ خاندان اسپتالوں اور مردہ خانوں کے چکر لگا رہے ہیں، کئی افراد کے پیاروں کی لاشیں ابھی تک شناخت نہیں ہو سکی ہیں۔
فوجی سرگرمیاں ریکارڈ ہونیکا خدشہ، برطانوی اراکین پارلیمنٹ اسرائیل سے ڈی پورٹ