آذربائیجان اور پاکستان کے مابین باہمی تعاون کے 15معاہدوں پر کام ہو رہا ہے، سرمایہ کاری کے لئے 2ارب ڈالر کے معاہدے ، موٹرویز سمیت مختلف شعبوں میں بڑے پیمانے پر انویسٹمنٹ متوقع ہے، عبدالعلیم خان
اشاعت کی تاریخ: 1st, February 2025 GMT
اسلام آباد/باکو (اُردو پوائنٹ اخبارتازہ ترین - اے پی پی۔ 01 فروری2025ء) وفاقی وزیر سرمایہ کاری ، نجکاری و مواصلات عبدالعلیم خان نے کہا ہے کہ وزیر اعظم محمد شہباز شریف رواں ماہ وسط ایشیائی ممالک کا دورہ کریں گے، آذربائیجان سے سرمایہ کاری کے لئے 2ارب ڈالر کے معاہدے اور موٹرویز سمیت مختلف شعبوں میں بڑے پیمانے پر سرمایہ کاری متوقع ہے۔ ہفتہ کو یہاں موصولہ اعلامیہ کے مطابق وفاقی وزیر سرمایہ کاری ، نجکاری و مواصلات عبدالعلیم خان کی سربراہی میں پاکستانی وفد نے آذربائیجان کے وزرا سے ملاقاتیں کیں جن میں آذربائیجان کے ٹرانسپورٹ، سرمایہ کاری،انرجی اور اقتصادی امور کے وزرا شامل ہیں۔
وفاقی وزیر عبدالعلیم خان نے باکو میں مشاورتی اجلاس میں بھی شرکت کی۔ اس موقع پر گفتگو کرتے ہوئے انہوں نے کہا کہ آذربائیجان اور پاکستان کے مابین باہمی تعاون کے 15معاہدوں پر کام ہو رہا ہے،وزیر اعظم رواں ماہ وسط ایشیائی ممالک کا دورہ کریں گے، آذربائیجان سے سرمایہ کاری کے لئے 2ارب ڈالر کے معاہدے کئے جائیں گے، موٹرویز سمیت مختلف شعبوں میں بڑے پیمانے پر انویسٹمنٹ متوقع ہے۔(جاری ہے)
عبدالعلیم خان سے آذربائیجان کے وزیر توانائی پرویز شہبازوف اور باکو میں ڈپٹی منسٹر اقتصادی امور صمد بشیری نے بھی ملاقات کی اور باہمی دلچسپی کے امور پر تبادلہ خیال کیا۔وزراء آذربائیجان نے پاکستانی وفد کا والہانہ خیر مقدم کرتے ہوئے کہا کہ دونوں ممالک مستقبل میں باہمی اشتراک سے آگے بڑھ سکتے ہیں۔ آذربائیجان کے وزیر ٹرانسپورٹ راشد نبی اوف نے بھی پاکستانی وفد سے ملاقات کی اور آئل اینڈ گیس کے شعبے میں بھی دونوں ممالک نے تفصیلی مذاکرات کئے اور اہم امور پر گفتگو بھی کی۔ وفاقی وزیر نجکاری ، سرمایہ کاری بورڈ و مواصلات نے آذربائیجان کے مختلف وفود سے ملاقاتوں کے دوران بریفنگ دیتے ہوئے کہا کہ پاکستان کے نجکاری کے منصوبوں میں آذربائیجان کے سرمایہ کار گہری دلچسپی کا مظاہرہ کر رہے ہیں۔پاکستان سے وفاقی سیکرٹری اور ایس آئی ایف سی کے حکام بھی اجلاس میں شریک تھے ۔ وزیر اعظم آذربائیجان علی اسدوف سے بھی وفاقی وزیر عبدالعلیم خان کی آج ہفتہ کو ملاقات متوقع ہے۔.ذریعہ: UrduPoint
کلیدی لفظ: تلاش کیجئے عبدالعلیم خان آذربائیجان کے سرمایہ کاری وفاقی وزیر متوقع ہے کاری کے
پڑھیں:
یو اے ای کی انٹرنیشنل فری زون اتھارٹی کا پاکستان کے اکنامک زون میں سرمایہ کاری کی یادداشت کا تبادلہ
فوٹو: پی آئی ڈی
وزیرِ اعظم محمد شہباز شریف سے انٹرنیشنل فری زونز اتھارٹی متحدہ عرب امارات اور الیریا گروپ کے 8 رکنی وفد نے اسلام آباد میں ملاقات کی۔
متحدہ عرب امارات کی انٹرنیشنل فری زون اتھارٹی (IFZA) اور سرمایہ کاری بورڈ پاکستان کے مابین پاکستان کے موجودہ اسپیشل اکنامک زونز میں سرمایہ کاری کی مفاہمتی یادداشت کا تبادلہ ہوا۔
متحدہ عرب امارت کی انٹرنیشنل فری زونز اتھارٹی پاکستان کے موجودہ اسپیشل اکنامک زونز میں متعدد منصوبوں میں سرمایہ کاری کرے گی۔
الیریا گروپ کا وفد بھی ملاقات میں شریک تھا، جبکہ نائب وزیراعظم اسحاق ڈار، سمیت وفاقی وزراء احسن اقبال، عبدالعلیم خان بھی ملاقات میں موجود تھے۔
کشمیر کے لوگوں سے رائے شماری کا وعدہ کیا گیا تھا، عمر عمداللہ