الیکٹرک بس کے معاملے پر شرجیل میمن کا مریم نواز کو جواب، عظمیٰ بخاری بھی درمیان میں آ گئیں
اشاعت کی تاریخ: 1st, February 2025 GMT
وزیرِ اعلیٰ پنجاب مریم نواز کے ٹوئٹ کے جواب میں سندھ کے سینئر وزیر شرجیل میمن نے کہا ہے یہ جان کر اچھا لگا کہ سندھ کے بعد پنجاب دوسرا صوبہ ہے جس نے الیکٹرک بسیں چلانا شروع کیں۔
شرجیل میمن نے کہا ہے کہ ریکارڈ کی درستگی کر لیں، سندھ حکومت کی الیکٹرک بسیں جنوری 2023ء میں شروع ہوئی تھیں۔
انہوں نے کہا کہ پنجاب نے سندھ کے بعد الیکٹرک بسیں چلائیں۔
بعد ازاں وزیرِ اطلاعات پنجاب عظمیٰ بخاری نے شرجیل میمن کی اس بات پر ردِعمل کا اظہار کرتے ہوئے کہا ہے کہ سمجھ نہیں آ رہی آج کل آپ لوگ اتنے اِن سیکیور کیوں ہو رہے ہیں؟
پنجاب سب کا ہے، یہاں ہر شخص بلا خوف و خطر اپنی عبادات کر سکتا ہے: مریم نوازوزیرِ اعلیٰ پنجاب مریم نواز نے کہا ہے کہ پنجاب سب کا ہے، یہاں ہر شخص بلا خوف و خطر اپنی عبادات کرسکتا ہے۔
عظمیٰ بخاری نے کہا کہ پہلے تاجروں کی مذاق میں کی گئی بات پر ان کو جھاڑ پلائی اور اب یہ، ویسے اورنج لائن، 3 میٹروز، اسپیڈ بسوں اور الیکٹرک بائیکس کے بعد یہ اگلا قدم ہے۔
ن لیگی رہنما عظمیٰ بخاری نے کہا کہ سندھ میں پبلک ٹرانسپورٹ کی اصل صورتِ حال اور کہانی پھر سہی۔
واضح رہے کہ گزشتہ روز وزیرِ اعلیٰ پنجاب مریم نواز نے لاہور میں الیکٹرک بس سروس کا افتتاح کیا تھا، انہوں نے الیکٹرک بس میں سواری کی تھی اور بس کا تفصیلی معائنہ بھی کیا تھا۔
اس الیکٹرک بس میں جی پی ایس لوکیشن ریکارڈر، وائی فائی، یو ایس بی پورٹ اور دیگر سہولتیں موجود ہیں۔
الیکٹرک بس میں 30 نشستیں اور 80 مسافروں کی گنجائش ہے، لاہور کے 21 کلومیٹر کے روٹ پر 27 الیکٹرک بسیں چلائی جائیں گی۔
.ذریعہ: Jang News
کلیدی لفظ: الیکٹرک بسیں شرجیل میمن الیکٹرک بس مریم نواز نے کہا کہا ہے
پڑھیں:
وزیراعلیٰ پنجاب نے ای وی بس سروس کا افتتاح کردیا
مریم نواز شریف کا پنجاب نئے دور میں داخل،ماحولیاتی آلودگی، شور کا خاتمہ اورکرایوں میں کمی لاہور میں الیکٹرک وہیکل بس سروس پائلٹ پراجیکٹ کا آغاز وزیر اعلیٰ مریم نواز شریف نے پاکستان کی پہلی مکمل ای وی بس سروس کا افتتاح کردیا وزیراعلی مریم نواز شریف کی الیکٹرک بس میں سواری، تفصیلی معائنہ بھی کیا صوبائی وزیر ٹرانسپورٹ بلال اکبر نے ای وی بس کے بارے میں تفصیلی بریفننگ دی الیکٹرک بس میں جی پی ایس لوکیشن ریکارڈر،وائی فائی، یو پی ایس پورٹ اور دیگر سہولیات موجود الیکٹرک بس میں 30نشستیں،80مسافروں کی گنجائش ہو گی الیکٹرک بس میں سپیشل افراد کے لئے ریمپ اور نشستیں مخصوص ہو گی پہلی بار میں بس مسافروں کے تحفظ کے لئے فرش پر اینٹی سلپ شیٹ کا استعمال کیا گیا ہے مکمل الیکٹرک بس کے لئے نو مخصوص چارجنگ سٹیشن قائم،250 کلومیٹر فاصلہ طے کر سکے گی بس میں مسافروں کی سہولت کے لئے روٹ ڈسپلے بھی نظر آئے گا الیکٹرک بس میں خواتین کے لئے الگ فی میل سیکشن ہو گا ہراسانی کے واقعات کے سد باب کے لئے کیمرے بھی نصب ہوں گے لاہورکے سب سے بڑے طویل ترین 21کلو میٹر روٹ 27الیکٹرک بسیں چلائی جائیں گی ریلوے سٹیشن تا گرین ٹاؤن براستہ کوئینز روڈ، مزنگ، فیروز پور روڈ،کیمپس پل اور اچھر ہ نہرسے ای بس سروس شروع ہوگی لاہور کی پہلی ای بس سروس پر 17ہزار مسافر روزانہ سفر کر سکیں گے ریلوے سٹیشن تا گرین ٹاؤن روٹ ای وی بس سروس کا باقاعدہ آغاز فروری کے وسط میں ہوگا ریلوے اسٹیشن تا گرین ٹاؤن روٹ پر42 جدید ترین بس شیلٹر قائم،ہر9منٹ کے بعد بس آئے گی الیکٹرک بس کے لئے مخصوص ایپ بھی متعارف کرائی جائے گی،بس کی ٹریکنگ ممکن ہو گی الیکٹرک بس کا کرایہ ڈیجیٹل والٹ،ڈیجیٹل کارڈ کے ذریعے ادا کیا جا سکے گا یورنیورسل ٹرانسپورٹ کارڈ بھی ایشو کئے جائیں گے الیکٹرک بس کے لئے70 ڈرائیور کی سپیشل ٹریننگ کا آغاز ہو گیا وزیراعلی مریم نواز شریف کی بس سٹینڈ پر سولر فین اور واٹر کولر کی تنصیب کا جائزہ لینے کی ہدایت وزیراعلی مریم نواز شریف کاہر بس سٹینڈ پرسیف سٹی کیمرے نصب کرنے کا حکم وزیراعلی مریم نواز شریف کی زیر صدارت اجلاس میں ای ٹیکسی پراجیکٹ کابھی جائزہ لیا گیا وزیراعلی مریم نواز شریف کی ای ٹیکسی کی پنجاب میں اسمبلنگ کا جائزہ لینے کی ہدایت وزیراعلی مریم نواز شریف کا نجی اشتراک سے الیکٹرک چارجنگ اسٹیشن قائم کرنے کے اقدامات کی ہدایت
بل گیٹس نے طلاق کو اپنی زندگی کی سب سے بڑی غلطی تسلیم کر لیا