پاکستان تمام مذاہب کے لئے محفوظ ملک ہے، وزیراعظم
اشاعت کی تاریخ: 1st, February 2025 GMT
پاکستان تمام مذاہب کے لئے محفوظ ملک ہے، وزیراعظم WhatsAppFacebookTwitter 0 1 February, 2025 سب نیوز
اسلام آباد: وزیراعظم شہباز شریف نے کہا ہے کہ پاکستان تمام مذاہب کے لئے محفوظ ملک ہے۔
عالمی ہفتہ برائے بین المذاہب ہم آہنگی کے موقع پر پیغام میں وزیراعظم نے کہا کہ آج ہم عالمی برادری کے ساتھ مل کر بین المذاہب ہم آہنگی کا ہفتہ منا رہے ہیں۔
انہوں نے کہا کہ سماجی ہم آہنگی اور اقدارکی پاسداری پر یقین رکھتے ہیں، اسلام انصاف، رحم اور مخلوقات کے احترام کا حکم دیتاہے،انتہا پسندی اور تفرقہ انگیز بیان بازی سماجی تانے بانے کے لیے خطرہ ہے۔
ان کا کہنا تھا کہ دنیا کو عدم برداشت اور تقسیم کے بڑھتے ہوئے چیلنجز کا سامنا ہے، امن اور اتحاد کے لیے اپنے اجتماعی عزم کا اعادہ کرنا ضروری ہے، انہوں نے کہا کہ شہری بھائی چارے کے رشتوں کو مضبوط کرنے کے لیے کردار ادا کریں۔
لوگوں کو باہمی برداشت و تعاون کی اقدار کو اپنانے کی ترغیب دینی چاہیے، ہم رواداری اور باہمی احترام کے ماحول کو فروغ دینے کے لیے پرعزم ہے، خوف کی فضا پھیلانے اور تقسیم کرنے والوں کو ہم اکٹھے ہوکر جواب دیتے ہیں۔
انہوں نے کہاکہ نفرت کے بیج بونے والوں کو ہم بات چیت سے جواب دیتے ہیں،وزیراعظم شہباز شریف نے اپیل کرتے ہوئے کہا کہ مذہبی اسکالرز، کمیونٹی رہنما اور شہری معاشرے میں مثبت کردار ادا کریں۔
.ذریعہ: Daily Sub News
پڑھیں:
پولیو کا خاتمہ وفاق اور صوبوں کے تعاون ہی سے ممکن ہے، وزیراعظم
اسلام آباد:وزیراعظم شہباز شریف نے کہا ہے کہ پاکستان میں پولیو کا خاتمہ وفاق اور صوبوں کے تعاون ہی سے ممکن ہو سکتا ہے۔
انسدادِ پولیو مہم کے حوالے سے اہم جائزہ اجلاس کی صدارت وزیراعظم شہباز شریف نے کی، جس میں پولیو کے مکمل خاتمے کے عزم کا اعادہ کیا گیا۔ وزیراعظم نے اجلاس سے خطاب کرتے ہوئے کہا کہ ستمبر 2024 سے اب تک پولیو کیسز میں کمی کا رجحان انسدادِ پولیو مہم کی کامیابی کا ثبوت ہے۔
انہوں نے تمام صوبائی حکومتوں اور ضلعی انتظامیہ کی کاوشوں کو سراہتے ہوئے کہا کہ ان کی انتھک محنت کے نتیجے میں ملک میں پولیو کیسز میں نمایاں کمی آئی ہے۔
انسداد پولیو مہم میں اہم کامیابیاں
اجلاس میں دی گئی بریفنگ میں بتایا گیا کہ رواں برس کے آغاز میں پولیو کیسز میں نمایاں کمی دیکھی گئی، خاص طور پر بلوچستان، سندھ اور جنوبی خیبر پختونخوا کے متاثرہ اضلاع میں صورت حال بہتر ہوئی ہے۔
حکام نے بتایا کہ انسدادِ پولیو مہم تمام صوبوں میں بھرپور طریقے سے جاری ہے، جس میں وفاقی اور صوبائی حکومتوں کا مؤثر تعاون شامل ہے۔ پولیو مہم کی مستقل مانیٹرنگ جدید آئی ٹی ڈیش بورڈ کے ذریعے کی جا رہی ہے تاکہ اس کے تمام پہلوؤں کا جائزہ لیا جا سکے۔
دورانِ اجلاس وزیراعظم نے واضح کیا کہ پولیو کا مکمل خاتمہ حکومت کی اولین ترجیح ہے اور اس مقصد کے حصول کے لیے تمام وسائل بروئے کار لائے جائیں گے۔
ملک سے پولیو کے خاتمے کے جائزہ اجلاس میں وزارت صحت کے کوآرڈینیٹر ڈاکٹر مختار بھرتھ، سینیٹر عائشہ رضا فاروق سمیت متعلقہ اداروں کے اعلیٰ افسران شریک تھے، جنہوں نے وزیراعظم کو مہم کی اب تک کی پیش رفت سے آگاہ کیا۔
اس موقع پر وزیراعظم شہباز شریف نے ہدایت کی کہ پولیو کے خلاف جاری اقدامات کو مزید مؤثر بنایا جائے اور اس کے مکمل خاتمے کے لیے وفاقی اور صوبائی سطح پر مزید تعاون کو یقینی بنایا جائے۔
بل گیٹس نے طلاق کو اپنی زندگی کی سب سے بڑی غلطی تسلیم کر لیا