امریکا، ایک ہفتے میں 7300 غیرقانونی امیگرینٹس ملک بدر
اشاعت کی تاریخ: 1st, February 2025 GMT
امریکی صدر ڈونلڈ ٹرمپ کے اقتدار سنبھالنے کے بعد پہلے ہفتے میں امریکا نے 7 ہزار 3 سو غیرقانونی امیگرینٹس کو گرفتار کرکے ملک بدر کردیا ہے۔
ملک بدر کئے گئے افراد میں چند پاکستانی بھی شامل ہیں، زیادہ تر افراد پرتشدد واقعات میں ملوث افراد تھے۔
ہوم لینڈ سیکیوریٹی کے مکحمہ کے مطابق ادارے نے غیرقانونی امیگرینٹس کیخلاف کریک ڈاؤن سے متعلق صدر ٹرمپ کے وعدے پر عمل کیا ہے۔
رپورٹس کے مطابق یہ کارروائیاں شکاگو، سی ایٹل، اٹلانٹا، بوسٹن، لاس اینجیلس اور نیوآرلینز سمیت مختلف شہروں میں کی گئی ہیں۔
صرف 27 جنوری کو 956 غیرقانونی امیگرینٹس کو گرفتار کیا گیا، یہ چھاپے اسکولوں اور گرجاگھروں میں بھی مارے گئے ہیں۔
امریکی میڈیا کے مطابق گرفتاریوں کے ڈر سے بعض غیرقانونی امیگرینٹس نے کام پر جانا اور بچوں کو اسکول بھیجنا تک چھوڑ دیا ہے۔
گرفتار افراد کی تعداد کا اندازہ اس بات سے لگایا جاسکتا ہے کہ سن 2024 میں صدر بائیڈن کے آخری سال اقتدار میں صرف 310 افراد کو گرفتار کیا گیا تھا۔
امریکا کی ہوم لینڈ سیکیورٹی کی وزیر کرسٹی نوئم کا کہنا ہے کہ سڑکوں سے گند کے ڈھیر صاف کیے جائیں گے۔
وائٹ ہاؤس کی پریس سیکریٹری نے بریفنگ میں بتایا کہ 97 فیصد ایسے افراد ڈیپورٹ کیے گئے جنہیں بائیڈن دور میں بیدخلی کاحکم دیاگیاتھا۔
پریس سیکریٹری نے کہا کہ بائیڈن دور میں قانون کی خلاف ورزی کی جارہی تھی جو اب نہیں کی جارہی۔
.ذریعہ: Daily Mumtaz
کلیدی لفظ: غیرقانونی امیگرینٹس
پڑھیں:
کاروباری افراد کے جان و مال کا تحفظ ریاست کا فرض ہے،طلال چوہدری
فیصل آباد (اُردو پوائنٹ اخبارتازہ ترین - این این آئی۔ 19 اپریل2025ء)وزیر مملکت داخلہ طلال چوہدری نے کہا ہے کہ کاروباری افراد کے جان و مال کا تحفظ ریاست کا فرض ہے۔ میڈیا سے گفتگو کرتے ہوئے انہوں نے کہا کہ ملک بھر میں غیرملکی فوڈ چین پر 20 کے قریب حملے کے واقعات ہوئے۔(جاری ہے)
طلال چوہدری نے کہا کہ پنجاب میں فوڈ چین پر حملوں پر 12 ایف آئی آردرج ہوئیں اور 142 افراد گرفتار ہوئے، اسلام آباد میں 2 واقعات ہوئے، 15 افراد گرفتار ہوئے۔
مسلم لیگ ن کے رہنما نے کہا کہ حملہ آوروں کو جب گرفتار کیا گیا تو وہ معافی تلافی کرنے لگے، حملہ آوروں سے سختی سے نمٹا جائے گا۔انہوںنے کہاکہ گزشتہ روز سے پورے پاکستان میں کوئی واقعہ نہیں ہوا، پاکستان کی تمام سیاسی جماعتوں نے خود کو ان واقعات سے علیحدہ کیا۔انہوں نے کہا کہ گرفتار افراد اپنے کیے عمل پر شرمندہ ہیں۔
قومی اسمبلی میں فلسطینیوں کی حمایت، اسرائیلی بربریت کیخلاف قرارداد منظور