شرح سود میں کمی سے پرانی گاڑیوں کی قیمتوں میں کتنا فرق پڑا؟
اشاعت کی تاریخ: 1st, February 2025 GMT
ملکی معاشی حالات کے باعث گزشتہ چند سالوں سے دیگر اشیا کی طرح گاڑیوں کی قیمتوں میں بھی ہوشربا اضافہ ہوا۔ شرح سود 22 فیصد تک پہنچ جانے سے بینک سے لیز ہونے والی گاڑیوں کی قیمتوں میں بے تحاشا اضافہ ہوگیا تھا تاہم گزشتہ ایک سال سے شرح سود میں بڑی کمی ہوئی ہے اور 22 فیصد سے 12 فیصد پر آگئی ہے، جس کے بعد بینک سے لیز ہونے والی گاڑیوں کی قیمت میں معمولی کمی واقع ہوئی ہے۔
’وی نیوز‘ نے گاڑیوں کا کاروبار کرنے والے ڈیلرز سے گفتگو کی اور ان سے یہ جاننے کی کوشش کی کہ شرح سود کم ہونے سے کیا پرانی گاڑیوں کی قیمتوں پر بھی فرق پڑا ہے، اور اب گاڑیوں کی مارکیٹ کی کیا پوزیشن ہے؟
یہ بھی پڑھیں شرح سود میں کمی، گاڑیوں کی قیمتیں کب اور کتنی کم ہوں گی؟
’شرح سود میں کمی کا فی الحال مارکیٹ پر کوئی اثر نہیں پڑا‘اسلام آباد کے بلیو ایریا میں گاڑیوں کے شوروم کے مالک محمد رضوان نے ’وی نیوز‘ سے گفتگو کرتے ہوئے کہاکہ مہنگائی اور گاڑیوں کی قیمتوں میں بے تحاشا اضافے سے ہمارا کام بالکل ہی ختم ہونے کی قریب ہے، مارکیٹ بہت سلو ہے اور گاڑیوں کی خرید و فروخت بالکل نہ ہونے کے برابر ہے۔
انہوں نے کہاکہ حکومت نے شرح سود میں کمی کا اعلان تو کیا ہے لیکن اس سے فی الحال مارکیٹ پر کوئی اثر نہیں پڑا، ہو سکتا ہے کہ آئندہ آنے والے دنوں میں قیمتوں میں کمی ہو جائے۔
’شرح سود میں کمی سے گاڑیوں کی قیمتیں کم نہیں ہوں گی‘اسلام آباد کے سیکٹر آئی ایٹ مرکز میں گاڑیوں کی خرید و فروخت کرنے والے محمد ریان نے ’وی نیوز‘ سے گفتگو کرتے ہوئے کہاکہ شرح سود کے کم ہونے سے گاڑیوں کی مارکیٹ میں کوئی فرق نہیں پڑےگا۔
انہوں نے کہاکہ اس سے ایک فرق ضرور پڑے گا کہ پہلے جو گاڑی 5 سے 6 ماہ میں فروخت ہوتی تھی اب وہ گاڑی شاید ایک ماہ میں فروخت ہو جائے کیونکہ لوگوں نے بینکوں سے پیسا نکال کر مارکیٹ میں انویسٹمنٹ کرنا شروع کردی ہے۔
یہ بھی پڑھیں سوزوکی کمپنی نے گاڑیوں کی قیمتیں 2 لاکھ روپے تک بڑھا دیں
انہوں نے کہا کہ پیسا مارکیٹ میں آنے سے کاروبار چلے گا اور خرید و فروخت زیادہ ہوگی لیکن گاڑیوں میں کی قیمتوں میں کمی کا امکان نظر نہیں آرہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پیسا حکومت پاکستان خرید و فروخت سرمایہ کار شرح سود گاڑیوں کا کاروبار گاڑیوں کی قیمتیں مارکیٹ وی نیوز.ذریعہ: WE News
کلیدی لفظ: پیسا حکومت پاکستان سرمایہ کار گاڑیوں کا کاروبار گاڑیوں کی قیمتیں مارکیٹ وی نیوز گاڑیوں کی قیمتوں میں گاڑیوں کی قیمتیں
پڑھیں:
ٹریکٹروں کی فروخت میں 9ماہ کے دوران 34فیصد کمی
اسلام آباد (اُردو پوائنٹ اخبارتازہ ترین - اے پی پی۔ 14 اپریل2025ء) ملک میں ٹریکٹروں کی فروخت میں جاری مالی سال کے پہلے 9ماہ میں سالانہ بنیادوں پر34فیصدکی کمی ریکارڈکی گئی ہے۔(جاری ہے)
آل پاکستان آٹومینوفیکچررز ایسوسی ایشن کے اعدادوشمارکے مطابق جاری مالی سال کے پہلے 9ماہ میں ٹریکٹروں کے 23230یونٹس کی فروخت ریکارڈکی گئی جوگزشتہ مالی سال کی اسی مدت کے مقابلہ میں 34فیصدکم ہے،گزشتہ مالی سال کی اسی مدت میں ملک میں ٹریکٹروں کے 35199یونٹس کی فروخت ریکارڈکی گئی تھی، مارچ میں ملک میں ٹریکٹرز کے 1538یونٹس کی فروخت ریکارڈکی گئی جوگزشتہ سال مارچ کے مقابلہ میں 67فیصدکم ہے، گزشتہ سال مارچ میں ٹریکٹرز کے 4608یونٹس کی فروخت ریکارڈکی گئی تھی،اعدادوشمارکے مطابق فروری کے مقابلہ میں مارچ میں ٹریکٹرز کی فروخت میں ماہانہ بنیادوں پرمعمولی اضافہ ہواہے۔
مالی سال کے پہلے 9ماہ میں ملک میں اے جی ٹی ایل کے 8712یونٹس کی فروخت ہوئی جوگزشتہ مالی سال کی اسی مدت کے 12106یونٹس کے مقابلہ میں 28فیصدکم ہے، اسی طرح مالی سال کے پہلے 9ماہ میں ایم ٹی ایل کے 14518یونٹس کی فروخت ہوئی جوگزشتہ مالی سال کی اسی مدت کے 21093یونٹس کے مقابلہ میں 37فیصدکم ہے۔
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا