فرانس نے افریقی ملک چاڈمیں آخری فوجی اڈا بھی خالی کردیا
اشاعت کی تاریخ: 1st, February 2025 GMT
افریقی ملک چاڈ میں تعینات فرانسیسی فوجی روانہ ہورہے ہیں
انجامینا (انٹرنیشنل ڈیسک ) فرانس نے افریقی ملک چاڈ میں اپنا آخری فوجی اڈا بھی مقامی حکام کے حوالے کرکے مکمل انخلا کرلیا۔ ذرائع ابلاغ کے مطابق چاڈ خطے میں انسداد دہشت گردی کی ایک اہم قوت رہا ہے اور وہ ان آخری ممالک میں سے ایک تھا جہاں فرانس نے بڑی فوجی موجودگی برقرار رکھی تھی۔اس سے قبل فرانسیسی فوج نائیجر، برکینا فاسو اور مالی سے بھی انخلا کرچکی ہے۔
.
ذریعہ: Al Qamar Online
پڑھیں:
پنجاب پولیس نے فرانسیسی خاتون کا کھویا ہوا موبائل ایک گھنٹے میں برآمد کرلیا
لاہور پولیس نے فرانسیسی خاتون انجینئر کا کھویا ہوا موبائل فون ایک گھنٹے میں برآمد کر کے اُن کے حوالے کردیا۔
تفصیلات کے مطابق لاہور کے علاقے مزنگ پولیس شاندار کارکردگی کا مظاہرہ کرتے ہوئے خاتون انجینئر ایما کا ریس کورس کے علاقے سے گم ہونے والا موبائل برآمد کیا۔
خاتون کا موبائل کسی نے اٹھا لیا تھا جس کے بعد انہوں نے واقعے سے متعلق پولیس کو آگاہ کیا تو ایس پی سول لائنز نے ڈی ایس پی مزنگ کی سربراہی میں ٹیم تشکیل دی جس نے فوری کارروائی کی اور ایک گھنٹے کے اندر موبائل فون برآمد کر کے خاتون کے حوالے کردیا۔
غیر ملکی خاتون نے بتایا تھا کہ اس کا قیمتی موبائل گرگیا جس کو کسی نامعلوم نے اٹھایا اور وہ واپس کرنے سے انکار تھا۔
ڈی ایس پی مزنگ عرفان اکبر بٹ اور ان کی ٹیم نے موبائل فون ریکور کر کے فرانسیسی خاتون کے حوالے کیا۔ ایما نامی خاتون کا موبائل فون ٹریکر کی مدد سے ایک گھنٹے کے اندر تلاش کر کے خاتون کے حوالے کر دیا گیا۔
انہوں نے بتایا کہ ایما نامی فرانسیسی خاتون پنجاب سمال انڈسٹریز میں بطور معاون اپنی خدمات سرانجام دے رہی ہیں۔ مزنگ پولیس نے جدید ٹیکنالوجی کی مدد سے موبائل فون ٹریک کر کے خاتون کے سپرد کر دیا۔
خاتون نے موبائل برآمد کر کے حوالے کرنے پر پولیس کا شکریہ ادا کیا۔
ایس پی سول لائنز ڈاکٹر عبد الحنان نے کہا کہ بین الاقوامی افراد کہ کام کی جگہ پر تحفظ اور حفاظت کو یقینی بنایا جا رہا ہے، غیر ملکی ماہرانہ افراد کے جان و مال کی حفاظت اولین ذمہ داری ہے۔
بی بی ایل اور ڈبلیو بی بی ایل کے لیے کھلاڑیوں کی ڈرافٹنگ 19 جون کو ہوگی