سندھ حکومت کا سرکاری اسکولوں میں دوپہر کا مفت کھانا دینے کا فیصلہ
اشاعت کی تاریخ: 1st, February 2025 GMT
کراچی(نمائندہ جسارت)سندھ حکومت نے سرکاری اسکولوں میں بچوں کو دوپہر کا مفت کھانا فراہم کرنے کا فیصلہ کرلیا۔ترجمان کے مطابق پہلے مرحلے میں مختلف سرکاری اسکولوں کے 11 ہزار طلبہ کو لنچ باکس دیے جائیں گے اور بہترنتائج حاصل ہونے پرپروگرام کادائرہ پورے صوبے تک بڑھایا جائے گا۔ترجمان سندھ حکومت کا کہنا ہے کہ مفت کھانے کی فراہمی سے بچوں میں غذائی قلت کاخاتمہ ممکن ہوسکے گا۔
.ذریعہ: Jasarat News
پڑھیں:
مریم نواز کے دفاع کے لیے پنجاب کے ہر ضلعے میں سرکاری ڈیجیٹل میڈیا ونگ قائم کرنے کا فیصلہ
فیک نیوز کی روک تھام اور وزیر اعلیٰ مریم نواز پنجاب کے دفاع کے لیے پنجاب حکومت نے اضلاع کی سطح پر ڈیجیٹل میڈیا ونگز بنانے کا فیصلہ کرلیا۔
یہ بھی پڑھیں: پنجاب حکومت کا ڈیجیٹل میڈٰیا ونگ میں بھرتیوں کا فیصلہ
ذرائع کے مطابق پنجاب حکومت اپنے منصوبوں کے بارے میں عوام کو آگاہی دینے کے لیے پنجاب کے تمام اضلاع میں ڈیجیٹل میڈیا ونگ بنانے جارہی ہے۔ یہ ڈیجیٹل میڈیا ونگ سوشل میڈیا پر پنجاب حکومت اور وزیر اعلیٰ پنجاب مریم نواز کے خلاف پھیلائی جانے والی فیک نیوز اور منفی پروپیگنڈے کو روکنے کے لیے بھی کام کرے گا۔
یہ ڈیجیٹل ونگ نہ صرف فیک نیوز کی نشاہدہی کرے گا بلکہ پنجاب حکومت اور وزیر اعلیٰ پنجاب مریم نواز کے جاری 80 سے زائد منصوبوں کے حوالے سے عوام کو آگاہ بھی کرے گا۔
مزید پڑھیے: عظمیٰ بخاری کے خلاف سوشل میڈیا کمپین ڈیجیٹل دہشتگردی ہے
پنجاب حکومت کے ذرائع کے مطابق یہ ڈیجیٹل میڈیا ونگ پنجاب کے مختلف اضلاع میں حکومت کی بہتر کارکردگی کی سوشل میڈیا پر تشہیر بھی کرے گا۔
ڈیجیٹل ونگ جہاں فیک نیوز کی نشاندہی کرے گا وہیں فیکٹ چیک کر کے صیحح خبر عوام تک پہنچائے گا۔ اس میڈیا ونگ کے ذریعے جھوٹ پر مبنی پوڈ کاسٹس کا مؤثر جواب بھی دیا جائے گا۔
ڈسٹرکٹ ڈیجیٹل میڈیا ونگ کا ہیڈ آفس ڈی جی پی آر میں ہوگا جہاں سے تمام اضلاع میں موجود ڈیجیٹل میڈیا ونگ کی کارکردگی کو دیکھا جائے گا۔ جن اضلاع کا میڈیا ونگ حکومت کے جاری کردہ منصوبوں کی تشہیر میں نمایاں کردار ادا کرے گا ان کی ٹیموں کو حکومت پنجاب بہتر کارکردگی سرٹیفکیٹ بھی دے گی۔
ڈیجیٹل ونگز کا سائز اور تنخواہیںضلعی ڈیجیٹل میڈیا ونگ 4 تا 5 افراد پر مشتمل ہوگا جبکہ 20 کے قریب ڈیجیٹل ایکسپرٹس کی خدمات بھی لی جائیں گی۔ان ڈیجیٹل ایکسپرٹ کی ماہانہ تنخواہ 2 لاکھ روپے سے 4 لاکھ روپے تک ہوگی۔
مزید پڑھیں: سرکاری ادارے ڈیجیٹلائزیشن کی جانب کیوں نہیں بڑھنا چاہتے؟
ذرائع کا کہنا ہے کہ اس ڈیجیٹل میڈیا ونگ سیٹ اپ کے قیام کے لیے پنجاب حکومت 55 کروڑ روپے خرچ کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب ڈیجیٹل میڈٰیا ونگ پنجاب ڈیجیٹل میڈیا ونگ تنخواہیں
’فلیٹ وکٹ بناتے ہیں تو ہار جاتے ہیں، اسپن بنائیں تو کھیلنا بھول جاتے ہیں‘، پاکستان کی شکست پر صارفین کے تبصرے