عقیدہ ختم نبوت کا تحفظ ہر قیمت پر کیاجائے گا،مفتی نور محمد الحمادی
اشاعت کی تاریخ: 1st, February 2025 GMT
ٹنڈوآدم(پ ر)عقیدہ ختم نبوت کا تحفظ ہر قیمت پر کیا جائے گا،مفتی احمدالرحمن کی خدمات کوخراج تحسین، قادیانیوں کو آئین کا پابند بنائے جانے کامطالبہ، تنظیم تحفظ ناموس خاتم الانبیاء پاکستان کی میزبانی میں عالمی مجلس تحفظ ختم نبوت پاکستان کے سابق مرکزی نائب امیر اور جامعہ العلوم الاسلامیہ علامہ محمد یوسف بنوری ٹاؤن کے سابق مہتمم امام اہلسنت مفتی احمد الرحمن کے یوم وفات 31 جنوری کو “امام اہل سنت کانفرنس” سے خطاب کرتے ہوئے تنظیم تحفظ ناموس خاتم الانبیا پاکستان کے مرکزی سرپرست اعلیٰ مفتی نور محمد الحمادی قادری، مرکزی صدر مفتی محمد طاہر مکی حافظ عبدالرحمن الحذیفی، پاسبان ختم نبوت کے حافظ میر اسامہ سموں، شبان ختم نبوت سندھ کے محمد محرم راجپوت، فدایان ختم نبوت کے مولانا جہانزیب بیہن، محافظین ختم نبوت کے مفتی نافع مصطفی اور دیگر رہنماؤں نے خطاب کرتے ہوئے کہا ہے کہ عقیدہ ختم نبوت دین اسلام کی اساس اور بنیاد ہے عقیدہ ختم نبوت کا تحفظ ہر قیمت پر کیا جائے گا ماضی میں بھی عقیدہ ختم نبوت کی خاطر امت مسلمہ نے اپنی جانوں کا نذرانہ پیش کر کے حفاظت کی ہے اور اب بھی عقیدہ ختم نبوت کی حفاظت کے لیے امت مسلمہ اپنے تمام تر اختلافات کو بالائے طاق رکھتے ہوئے اس میدان میں سر بکف ہے، مسلمان مہنگائی بے روزگاری ہرستم برداشت کر سکتا ہے لیکن عقیدہ ختم نبوت پر قدغن،توہین رسالت کبھی برداشت نہیں کر سکتا۔ مفتی نور محمد الحمادی قادری نے کہا کہ عقیدہ ختم نبوت پر اس وقت سب سے زیادہ ڈاکا زنی قادیانی فتنہ کر رہا ہے قادیانیوں کو شہید ذوالفقار علی بھٹو نے کافر قرار دلوایا لیکن اْس وقت تمام امت مسلمہ شیعہ سنی بریلوی دیوبندی اہل حدیث سب متفق تھے جس کی وجہ سے اللہ رب العزت نے ہمیں اس کام میں کامیابی عطا فرمائی ، اب بھی امت مسلمہ کو متحد ہونا پڑے گا۔مفتی محمد طاہر مکی نے اپنے خطاب میں کہا کہ سیاستدان حکمران ہماری نہیں تو مفکر پاکستان علامہ اقبالؒ کی تو مانیں انہوں نے کہا کہ قادیانی اسلام اور ملک دونوں کے غدار ہیں قادیانی نہ اسلام کے وفادار ہیں نہ ملک کے وفادار ہیں ملک کو بھی قادیانی توڑنے کی سازشیں کر رہے ہیں اور اسلام پر بھی قدغن لگا رہے ہیں۔مفتی طاہر مکی نے کہا کہ جب تک قادیانی کھل کر مرزا غلام احمد قادیانی پر لعنت ڈال کر حضور علیہ السلام کی ختم نبوت پرغیرمشروط ایمان نہیں لاتے یا خود کو غیر مسلم اقلیت تسلیم نہیں کرلیتے ان سے کوئی رعایت نہیں رکھی جاسکتی ہے۔علما نے زوردیاکہ مسلمان قادیانیوں کی مصنوعات کا مکمل بائیکاٹ کریں قادیانیوں کے ساتھ ہر قسم کے تعلقات رکھنا حرام ہے جبکہ دوسرے کافروں یہود و نصاری کے ساتھ تک اسلام نے دنیاوی تعلقات رکھنے کی اجازت دی ہے لیکن رسول اللہ کے گستاخ کے ساتھ کوئی تعلق اور کوئی رعایت اسلام نے نہیں برتی، سپریم کورٹ کے فیصلے کے مطابق قادیانی بہت بڑے گستاخِ رسول ہیں۔ سیمینار میں مطالبہ کیا گیا کہ قادیانیوں کو پاک فوج سمیت بیوروکریسی کے اہم عہدوں سے قادیانیوں کو برطرف کیا جائے۔اس موقع پر علما کرام نے امام اہل سنت عالمی مجلس تحفظ ختم نبوت کے سابق مرکزی نائب امیر اور جامعہ العلوم الاسلامیہ علامہ محمد یوسف بنوری ٹاؤن کے سابق مہتمم امام اہلسنت مفتی احمد الرحمن کی خدمات کو خراج تحسین پیش کرتے ہوئے کہا کہ مفتی احمد الرحمن نے عالمی مجلس تحفظ ختم نبوت کے میدان میں جوآئینی قانونی طورپرقادیانیوں کامقابلہ کیاناقابل فراموش ہے، ان کے لیے جامعہ العلوم الاسلامیہ علامہ محمد یوسف بنوری ٹاؤن صدقہ جاریہ ہے۔
.ذریعہ: Jasarat News
کلیدی لفظ: عقیدہ ختم نبوت قادیانیوں کو ختم نبوت کے مفتی احمد کے سابق کہا کہ
پڑھیں:
اترپردیش: بیوی اور مبینہ عاشق کو رنگے ہاتھوں پکڑنے والا شوہر خوفزدہ، پولیس سے تحفظ کی اپیل
مورنئی پور (نیوز ڈیسک) بھارتی ریاست اترپردیش کے علاقے مورنئی پور میں ایک چونکا دینے والا واقعہ پیش آیا ہے جہاں ایک سرکاری ملازم نے اپنی بیوی اور اس کے مبینہ عاشق کو رنگے ہاتھوں اپنے گھر میں پکڑنے کے بعد پولیس سے تحفظ کی اپیل کی ہے۔ شوہر کا کہنا ہے کہ وہ بیوی کے ساتھ مزید نہیں رہ سکتا کیونکہ اسے خدشہ ہے کہ وہ اسے اور اس کے بیٹے کو قتل کر سکتی ہے۔
متاثرہ شخص پون، محکمہ صحت مہوبا میں ملازم ہے جبکہ اس کی اہلیہ ریتو ورما ایک سرکاری گرلز کالج میں کلرک ہیں۔ ان کا چھ سالہ بیٹا بھی ہے۔ پون نے پولیس کو بتایا کہ ریتو کا مقامی کونسلر ابھشیک پاتھک کے ساتھ معاشقہ چل رہا ہے، جس کا اسے اکتوبر 2024 میں علم ہوا تھا۔
پون نے دعویٰ کیا کہ پہلی بار جب اس نے دونوں کو رنگے ہاتھوں قابل اعتراض حالت میں پکڑا تو ریتو نے جواب دیا، “میرا جسم میری مرضی، تم کون ہوتے ہو روکنے والے؟” اس واقعے کے بعد دونوں میاں بیوی الگ رہنے لگے۔
حالیہ واقعہ اُس وقت پیش آیا جب پون نے اپنے بیٹے سے ویڈیو کال پر بات کرتے ہوئے گھر میں کسی اجنبی کی موجودگی کا شبہ محسوس کیا۔ اس پر اُس نے فوری طور پر پولیس کو اطلاع دی۔ پولیس جب گھر پہنچی تو دروازہ کھلوانے پر اندر سے ابھشیک پاتھک باہر نکلے۔ پون کے مطابق ابھشیک نے نہ صرف اہل محلہ کو دھمکایا بلکہ پولیس سے بھی بدتمیزی کی۔
پون نے اس پورے واقعے کی ویڈیو بھی بنائی جو اب سوشل میڈیا پر وائرل ہو چکی ہے۔ ویڈیو میں ابھشیک پاتھک کو بلند آواز میں شور مچاتے اور دھمکیاں دیتے ہوئے دیکھا جا سکتا ہے۔
اپنی شکایت میں پون نے خدشہ ظاہر کیا کہ اس کی بیوی اسے اور اس کے بیٹے کو زہریلی چائے پلا کر قتل کر سکتی ہے، اور لاشیں ڈرم میں چھپا سکتی ہے — بالکل اسی طرح جیسے میرٹھ کے ایک مشہور مقدمے میں سابق مرچنٹ نیوی افسر سوربھ راجپوت کو اس کی بیوی اور اس کے عاشق نے قتل کر کے ڈرم میں بند کر دیا تھا۔
پولیس افسر رامویر سنگھ کے مطابق، “112 پر شکایت موصول ہونے کے بعد پولیس ٹیم موقع پر پہنچی۔ ویڈیو کا جائزہ لیا جا رہا ہے اور مکمل تفتیش جاری ہے۔”
پون نے پولیس سے درخواست کی ہے کہ اسے اور اس کے بیٹے کو تحفظ فراہم کیا جائے۔
مزیدپڑھیں:حکومت کا پی آئی اے کی نجکاری کیلئے نئے اشتہارِ دلچسپی کا اعلان
گذشتہ 20 دنوں میں اسرائیل کے ہاتھوں 490 فلسطینی بچے شہید