خیرپور: زمینی تنازع پر کلہاڑیاں چل گئیں، ایک شخص قتل، 5 زخمی
اشاعت کی تاریخ: 1st, February 2025 GMT
خیرپور (جسارت نیوز) گمبٹ کے کچے کے علاقے میں زمینی تنازع پر بھلیم، سیال اور لنڈ برادریوں میں تصادم کے نتیجے میں کلہاڑیاں لگنے سے ایک شخص افضل بھلیم قتل ہوگیا، جبکہ بدر، آصف، نعیم بھلیم سمیت 5 افراد زخمی ہو گئے جنہیں مقامی اسپتال میں داخل کرایا گیا ہے، جبکہ تینوں گروپ مورچہ بند ہوگئے ہیں۔
.ذریعہ: Jasarat News
پڑھیں:
خیبر پختونخوا کے مختلف علاقوں میں بارش اور ژالہ باری، گاڑیوں کے شیشے ٹوٹ گئے
خیبر پختونخوا کے مختلف علاقوں میں ژالہ باری اور بارش کے نتیجے میں گھروں اور گاڑیوں کے شیشے ٹوٹ گئے جبکہ صوبائی ڈیزاسٹر منیجمنٹ اتھارٹی (پی ڈی ایم اے) نے ہفتہ اور اتوار کی چھٹی منسوخ کر دی۔
خیبر پختونخوا کے مختلف علاقوں میں ژالہ باری اور بارش کے سبب گھروں اور گاڑیوں کے شیشے ٹوٹ گئے جبکہ شہری پناہ ڈھونڈتے رہے۔
ادھر پی ڈی ایم اے نے کسی ہنگامی صورتحال سے نمٹنے کے لیے ہفتہ اور اتوار کی چھٹی منسوخ کردی۔
پی ڈی ایم اے کی تمام افسران و عملے، بشمول ڈویژنل سطح کے رپورٹنگ افسران کو ہدایت جاری کر دی گئی ہیں، صوبائی ڈیزاسٹر منیجمنٹ اتھارٹی کا کہنا تھ اکہ تمام افسران و عملے ڈویژنل رپورٹنگ افسران 19 اور 20 اپریل کو اپنی حاضری ہر صورت یقینی بنائیں۔
پی ڈی ایم اے کے مطابق ممکنہ ہنگامی صورتحال سے نمٹنے، بروقت رپورٹنگ اور مؤثر رابطہ کاری یقینی بنانے کے لیے یہ اقدام اٹھایا گیا ہے۔
دریں اثنا، ویدر اپڈیٹ پی کے نے فیس بک پر پوسٹ میں بتایا کہ اٹک کے علاقے کامرہ میں موسلادھار بارش ہوئی ہے۔
ویدر اپڈیٹ پی کے نے مزید پوسٹ کرتے ہوئے لکھا کہ یہ مری اور ملحقہ علاقوں میں شدید آسمانی بجلی اور گرج چمک کے مناظر ہیں، جہاں ہلکی بارش شروع ہو گئی جبکہ آندھی کی وجہ سے بجلی بند ہے۔
واضح رہے کہ 16 اپریل کو وفاقی دارالحکومت سمیت ملک کے دیگر حصوں میں شدید بارش اور ژالہ باری ہوئی تھی، جبکہ اسلام آباد میں شدید ژالہ باری سے سڑک پر کھڑی گاڑیوں کے شیشے ٹوٹ گئے تھے اور سولر پینلز کو بھی نقصان پہنچا تھا۔
اسی طرح خیبرپختونخوا کے ضلع خیبر کے علاقے لنڈی کوتل میں سیلابی ریلے نے موٹر بہہ گئی تھی۔
آزادی مارچ کیسز، زرتاج گل کی بریت کی درخواست پر فیصلہ محفوظ