ماہِ شعبان المعظم نہایت فضیلت کا حامل ہے‘عبدالحق قادری
اشاعت کی تاریخ: 1st, February 2025 GMT
کراچی (اسٹاف رپورٹر)جما عت اہلسنّت پاکستان کراچی کے امیر علامہ سید شاہ عبد الحق قادری نے جامع میمن مسجد میں جمعہ کے بڑے اجتماع سے خطاب کرتے ہوئے کہا کہ ماہِ شعبان المعظم نہایت فضیلت کا حامل ہے۔ یہ مہینہ قبل از رمضان تیاری، نیک اعمال کرنے‘ رب کی رضا کے حصول کا بہترین موقع فراہم کرتا ہے۔ اس ماہ کی پندرہویں تاریخ کو رب کے سامنے اعمال پیش کیے جاتے ہیں اور مقررہ رزق ا تارا جاتا ہے۔ یہ رات مغفرت کی رات یعنی شب برأت کہلاتی ہے۔ انہوں نے کہا کہ ا س ماہ میں نبی کریم ؐ کثرت سے روزے رکھتے تھے۔ مسلمانوں کو چاہیے کہ رحمت الٰہی کے ساتھ عبادت گزار ی،بھلائی اورنیک اعمال کی آبیاری کرتے رہیں۔
.ذریعہ: Jasarat News
پڑھیں:
ایران میں پاکستانی مزدووں کے قتل کی تصدیق کرتے ہیں، ترجمان ایرانی سفارتخانہ
ترجمان ایرانی سفارتخانہ نے کہا ہے کہ انتہائی دکھ سے پاکستانی شہریوں کی ہلاکت کی تصدیق کرتے ہیں، بدقسمتی سے یہ خبر درست ہے۔ فوری تحقیقات شروع کر دی گئی ہیں، اس حوالے سے پاکستانی حکام سے بھی رابطے میں ہیں، ایرانی پولیس واقعہ کے ذمہ دار دہشتگردوں میں سے ہر ایک کو تلاش کرے گی۔ اسلام ٹائمز۔ ایرانی سفارتخانہ کی جانب سے ایران میں پنجابی مزدوروں کے قتل عام کی تصدیق کر دی گئی۔ ترجمان ایرانی سفارتخانے کا کہنا ہے کہ انتہائی دکھ سے پاکستانی شہریوں کی ہلاکت کی تصدیق کرتے ہیں، بدقسمتی سے یہ خبر درست ہے۔ ترجمان ایرانی سفارتخانہ نے کہا کہ فوری تحقیقات شروع کر دی گئی ہیں، اس حوالے سے پاکستانی حکام سے بھی رابطے میں ہیں، ایرانی پولیس واقعہ کے ذمہ دار دہشت گردوں میں سے ہر ایک کو تلاش کرے گی۔ ترجمان نے مزید کہا کہ ان دہشتگردوں کو قرار واقعی سزا دینے کا سلسلہ جاری رکھا جائے گا، اس وقت کوشش یہ ہے کہ سب سے پہلے متاثرین کی لاشوں کو جلد از جلد وطن واپس پہنچایا جائے۔ ترجمان ایرانی سفارتخانہ کا کہنا ہے کہ واقعہ ایرانی صوبہ سیستان بلوچستان کے دور دراز علاقے، مشترکہ پاک ایران سرحد سے چند کلومیٹر دور ایک ورکشاپ میں ہوا ہے۔
گھر سے بے دخل خاتون ٹک ٹاکر نے نہر میں چھلانگ لگا دی