کراچی: مبینہ مقابلے میں ایک ڈاکو زخمی حالت میں گرفتار
اشاعت کی تاریخ: 31st, January 2025 GMT
سہراب گوٹھ پولیس نے گنا منڈی کے قریب مبینہ مقابلے میں ایک ڈاکو زخمی حالت میں گرفتار کرلیا۔
سہراب گوٹھ پولیس نے سپرہائی گنا منڈی کے قریب مبینہ مقابلے میں ایک ڈاکو زخمی حالت میں گرفتار کرلیا۔
پولیس کے مطابق گرفتار ڈکیت کی شناخت سعید کے نام سے کی گئی جس کے قبضے سے اسلحہ ، گولیاں اور مابائل فون برآمد ہوا ہے جبکہ اس کا ساتھی موقع سے فرار ہوگیا جس کی تلاش جاری ہے۔
پولیس نے زخمی ڈکیت کو طبی امداد کے لیے عباسی شہید اسپتال منتقل کر دیا۔
.ذریعہ: Express News
پڑھیں:
کراچی: وزیرستان پولیس کے اہلکار کو قتل کرنیوالا ملزم گرفتار
کراچی:اقبال مارکیٹ پولیس نے اورنگی ٹاؤن میں وزیرستان پولیس کے اہلکار کے قتل میں ملوث ملزم کو گرفتار کرلیا۔
ایس ایس پی ویسٹ طارق الٰہی مستوئی کے مطابق 26 جنوری 2025 کو اقبال مارکیٹ تھانے کی حدود، سیکٹر ساڑھے گیارہ یعقوب آباد میں تیز دھار آلے کے وار سے نور رحمان کو قتل کیا گیا تھا۔
قتل کا مقدمہ الزام نمبر 19/2025 بجرم دفعہ 302/34 تعزیراتِ پاکستان کے تحت تھانہ اقبال مارکیٹ میں درج کیا گیا۔
ایس ایس پی ویسٹ کے مطابق، ایس ایچ او اقبال مارکیٹ نے ٹیکنیکل اور ہیومین انٹیلیجنس کی مدد سے کارروائی کرتے ہوئے ملزم محسن کو گرفتار کرلیا۔
گرفتار ملزم کے قبضے سے قتل میں استعمال ہونے والی چھری اور موبائل فون بھی برآمد کر لیا گیا۔ تفتیش کے دوران معلوم ہوا کہ مقتول نور رحمان اور ملزم محسن ایک ہی ڈمپر پر ڈرائیور اور کنڈکٹر کے طور پر کام کرتے تھے، اور ملزم نے ذاتی رنجش کی بنا پر مقتول کو قتل کیا۔
ملزم کو قانونی کارروائی کے بعد مزید تفتیش کے لیے تفتیشی حکام کے حوالے کر دیا گیا ہے۔
متھیرا وڈیو شیئر کرنے پر چاہت فتح علی پر برہم، سخت ردعمل دے دیا