مریم نفیس کی گود بھرائی کی تقریب، تصاویر سوشل میڈیا پر وائرل
اشاعت کی تاریخ: 31st, January 2025 GMT
مریم نفیس ایک معروف پاکستانی ماڈل، ٹیلی ویژن اداکارہ اور ہوسٹ ہیں۔ انہوں نے ’نیم‘، ’منافق‘، ’کم ظرف‘، ’محبت چھوڑ دی میں نے‘، ’عشق جلیبی‘ اور ’دیار دل‘ جیسے ہٹ ڈراموں میں شاندار اداکاری سے شہریت پائی۔
مریم نفیس کے مداحوں نے حال ہی میں نجی ٹی وی ڈراما سیریل ’جانِ جہاں‘ میں ان کی غیر معمولی اداکاری کو سراہا ہے۔ مریم نفیس اپنے شعبے میں ایک مشہور شخصیت اور سماجی کارکن بھی ہیں جو مختلف سماجی مسائل پر اپنی آواز بلند کرتی رہتی ہیں۔
مریم نفیس نے ہدایت کار امان احمد سے شادی کی ہے اور یہ جوڑی جلد ہی والد اور والدہ بننے والی ہے۔
اس وقت مریم نفیس اسلام آباد میں اپنے خاندان کے ساتھ وقت گزار رہی ہیں۔ انہوں نے حال ہی میں اپنے اہل خانہ اور دوستوں کو اپنی گود بھرائی کی رسم کی تقریب میں مدعو کیا جو اسلام آباد میں ان کے گھر پر منعقد کی گئی۔
ان کے دوست احمد علی اکبر اور عثمان خالد بٹ نے بھی تقریب میں شرکت کی۔ مریم نے اپنے شوہر، والدہ اور دوستوں کے ساتھ خوبصورت تصاویر شیئر کیں جو سوشل میڈیا پر وائرل ہوئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکارہ ٹیلی ویژن جانِ جہاں دیار دل ڈراما سیریل رسم عشق جلیبی گود بھرائی محبت مریم نفیس منافق ہوسٹ وائرل.ذریعہ: WE News
کلیدی لفظ: اداکارہ جان جہاں دیار دل ڈراما سیریل عشق جلیبی گود بھرائی مریم نفیس منافق ہوسٹ وائرل مریم نفیس
پڑھیں:
فیروز خان کے عالمی منصوبوں سے متعلق بیان پر سوشل میڈیا صارفین کی تنقید
فیروز خان کے بین الاقوامی منصوبوں سے متعلق بیان پر سوشل میڈیا صارفین کا شدید ردعمل سامنے آگیا۔
پاکستان کے معروف اداکار فیروز خان ایک بار پھر خبروں کی زینت بن گئے ہیں، اپنے متنازع بیانات اور منفرد انداز کے باعث وہ اکثر و بیشتر میڈیا اور سوشل میڈیا پر چھائے رہتے ہیں، اس بار ان کی خبروں میں آنے کی وجہ ایک بین الاقوامی انٹرویو ہے، جس میں انہوں نے اپنے عالمی سطح پر ملنے والے منصوبوں پر بات کی۔
اداکار نے دعویٰ کیا کہ انہیں متعدد بین الاقوامی فلموں اور منصوبوں کی آفرز موصول ہو رہی ہیں۔
انٹرویو میں اداکار کے اندازِ گفتگو، لہجے اور دعوؤں نے سوشل میڈیا صارفین کو بھڑکا دیا، ان کے انگریزی لہجے کو جعلی اور اندازِ گفتگو کو خود پسندانہ قرار دیا جا رہا ہے، کئی صارفین نے سخت الفاظ میں ان پر تنقید کی۔
ایک صارف نے کہا خدارا، کوئی ان کی مدد کرے، یہ شخص شدید نارسیسسٹک (خود پسندی) کا شکار ہے، ایک اور نے کہا کہ اس کی تھراپی کا خرچ میں دے دیتا ہوں، بس کسی ماہرِ نفسیات کے پاس لے جائیں۔
ایک اور صارف نے لکھا کہ جب بھی پاکستانی فنکاروں کو مقامی سطح پر کام نہیں ملتا، وہ بھارت یا کسی بین الاقوامی ملک کی طرف رخ کر لیتے ہیں اور جھوٹے دعوے کرنے لگتے ہیں۔
بعض کا کہنا ہے کہ کیا یہ صرف مجھے لگتا ہے یا واقعی ہر کوئی ایک سطحی، بناوٹی اور خود پر فخر کرنے والا شخص دیکھ رہا ہے؟
یہ پہلا موقع نہیں کہ فیروز خان کو عوامی تنقید کا سامنا کرنا پڑا ہو، اس سے قبل بھی وہ کئی بار اپنے بیانات، ازدواجی زندگی کے تنازعات اور دیگر حرکات کی وجہ سے میڈیا کی توجہ کا مرکز بن چکے ہیں۔
Post Views: 1
نقل مافیا سرگرم،مختلف شہروں میں پرچے سوشل میڈیا پر آؤٹ