اسرائیلی پابندیوں کے باوجود ’انروا‘ امدادی کاموں میں مصروف عمل
اشاعت کی تاریخ: 31st, January 2025 GMT
اسلام آباد (اُردو پوائنٹ ۔ UN اردو۔ 31 جنوری 2025ء) فلسطینی پناہ گزینوں کے لیے اقوام متحدہ کا امدادی ادارہ (انروا) اسرائیلی پارلیمان کی عائد کردہ پابندیوں کے باوجود غزہ، مغربی کنارے اور مشرقی یروشلم میں لاکھوں لوگوں کو امداد اور خدمات مہیا کر رہا ہے جن کی بقا کا دارومدار اسی مدد پر ہے۔
ادارے کی ڈائریکٹر اطلاعات جولیٹ ٹوما نے کہا ہے کہ مغربی کنارے اور مشرقی یروشلم میں 'انروا' کے طبی مراکز بدستور مریضوں کا علاج کر رہے ہیں جبکہ معمول کی چھٹی کے بعد اتوار کو سکول بھی دوبارہ کھل جائیں گے۔
ان سکولوں میں 50 ہزار لڑکے اور لڑکیاں زیرتعلیم ہیں اور انہیں اس سہولت کی فراہمی جاری رکھی جائے گی۔ان کا کہنا ہے کہ ادارے کے اہلکار غزہ کی جنگ سے خود بری طرح متاثر ہونے کے باوجود اپنا کام کرتے رہے رہیں اور اب بھی کر رہے ہیں۔
(جاری ہے)
'انروا' مقبوضہ فلسطینی علاقوں میں اپنی موجودگی برقرار رکھنے اور کام جاری رکھنےکے لیے پرعزم ہے۔
الزامات اور پابندیگزشتہ سال اکتوبر میں اسرائیل کی پارلیمان (کنیسٹ) میں دو قوانین کی منظوری دی گئی تھی جن کے تحت 'انروا' کو اسرائیلی علاقوں میں کام سے روک دیا گیا اور اسرائیلی حکام پر ادارے کے ساتھ ہر طرح کا رابطہ رکھنے کی ممانعت عائد کی گئی تھی۔
یہ اقدام اسرائیل کی جانب سے 'انروا' کے بعض اہلکاروں پر 7 اکتوبر کے حملوں میں ملوث ہونے کا الزام عائد ہونے کے بعد اٹھایا گیا تھا۔ اسرائیل کے اس دعوے کے بعد 'انروا' نے نو اہلکاروں کو برخاست کر دیا جبکہ اقوام متحدہ نے الزامات کی تحقیقات کی تھیں۔
اسرائیلی پارلیمان میں منظور کردہ قوانین کے تحت 'انروا' کو مقبوضہ مشرقی یروشلم میں اپنے دفاتر بند کرنے اور تمام کارروائیاں روکنے کے لیے 30 جنوری تک مہلت دی گئی تھی۔
جولیٹ ٹوما نے کہا ہے کہ 'انروا' کے کام میں خلل آنے کے فلسطینی پناہ گزینوں کی زندگیوں اور مستقبل پر تباہ کن نتائج ہوں گے۔ ادارہ دہائیوں سے کئی ممالک میں فلسطینیوں کو انسانی امداد کے علاوہ مفت تعلیمی و طبی خدمات پہنچا رہا ہے جبکہ کسی اور ادارے کو فلسطینیوں تک اس جیسی رسائی حاصل نہیں ہے نہ ہی کسی کے پاس اس قدر بڑے پیمانے پر مدد دینے کی صلاحیت موجود ہے۔
لاکھوں فلسطینی پناہ گزین بنیادی خدمات کے لیے 'انروا' پر انحصار کرتے ہیں اور جب تک اس تنازع کا مستقل حل نہیں نکلتا اس وقت تک 'انروا' کی موجودگی ناگزیر ہے۔
ان کا یہ بھی کہنا ہےکہ اسرائیل کے حکام کی جانب سے تاحال یہ نہیں بتایا گیا کہ اس پابندی پر عملدرآمد کیسے ہو گا۔
غذائی مدد میں اضافہغزہ میں اقوام متحدہ کے زیراہتمام انسانی امداد کی فراہمی میں اضافہ کیا جا رہا ہے۔
عالمی پروگرام برائے خوراک (ڈبلیو ایف پی) نے رواں ہفتے شمالی علاقے میں امداد کی تقسیم کے مزید مراکز قائم کرنے کی منصوبہ بندی کی ہے جہاں اب تمام تنور دوبارہ فعال ہو گئے ہیں۔ادارہ 'انروا' کے تعاون سے خوراک کے پارسل تقسیم کرنے کا عمل بھی دوبارہ شروع کر رہا ہے اور 19 جنوری کو جنگ بندی کا آغاز ہونے کے بعد 350,000 لوگوں کو یہ مدد پہنچائی گئی ہے۔
فلسطین کے لیے 'ڈبلیو ایف پی' کے ڈائریکٹر انتوئن رینارڈ نے بتایا ہے کہ شمالی علاقے بیت لاہیہ میں روزانہ 20 ہزار کھانے تقسیم کیے جا رہے ہیں۔ علاقے میں غیرغذائی امداد بھی درکار ہے تاکہ لوگوں کی دیگر ضروریات کو پورا کیا جا سکے۔
ہنگامی طبی حالاتعالمی ادارہ صحت (ڈبلیو ایف پی) نے بتایا ہے کہ غزہ کے 36 میں سے 18 ہسپتال غیرفعال ہو چکے ہیں جبکہ 142 بنیادی طبی مراکز میں سے 57 ہی (جزوی طور پر) کام کر رہے ہیں۔
مقبوضہ فلسطینی علاقے میں 'ڈبلیو ایف پی' کے نمائندے ڈاکٹر رک پیپرکورن نے کہا ہے کہ جنگ بندی امداد میں اضافے کے حوالے سے اچھی خبر ہے۔ تاہم، بہت سے بیمار اور زخمی لوگوں کو خصوصی علاج معالجہ درکار ہے۔ ان میں 2,500 ایسے بچے بھی شامل ہیں جنہیں علاج کے لیے بیرون ملک نہ بھجوایا گیا تو ان کی موت واقع ہو سکتی ہے۔ مجموعی طور پر 12 تا 14 ہزار لوگوں کو غزہ سے باہر علاج کی سہولیات درکار ہیں۔
انہوں نے ایسے مریضوں کو مشرقی یروشلم اور مغربی کنارے کے ہسپتالوں میں بھیجنے کی سفارش بھی کی ہے۔
.ذریعہ: UrduPoint
کلیدی لفظ: تلاش کیجئے لوگوں کو رہے ہیں کے لیے رہا ہے کے بعد
پڑھیں:
جمعیت علمائے پاکستان کی زیر قیادت اسرائیل مردہ باد ریلی، عوام کا فلسطینی مظلومین سے اظہارِ یکجہتی
شرکائے ریلی سے خطاب میں رہنماؤں نے کہا کہ پاکستانی عوام کا دل فلسطین کے ساتھ دھڑکتا ہے، ہم کسی بھی قیمت پر اسرائیلی غاصبانہ تسلط کو تسلیم نہیں کرتے اور اقوامِ عالم سے مطالبہ کرتے ہیں کہ وہ اسرائیل کے خلاف مؤثر اقدامات کریں۔ اسلام ٹائمز۔ اسرائیلی جارحیت کے خلاف اور مظلوم فلسطینی عوام سے اظہارِ یکجہتی کے طور پر جمعیت علمائے پاکستان کراچی کی جانب سے ایک بڑی احتجاجی ریلی کا انعقاد کیا گیا۔ ریلی کا آغاز بلال مسجد، سیکٹر 4، نارتھ کراچی سے ہوا، جس کی قیادت جے یو پی کراچی کے نائب صدر مفتی محمد حفیظ اللہ ہادیہ نے کی۔ریلی میں جے یو پی کراچی ڈویژن کے جنرل سیکریٹری ملک محمد شکیل قاسمی، قاری عبدالصمد چشتی، محمد مظہر نورانی، محمد اطہر نورانی، محمود علی سمیت متعدد ممتاز سیاسی و سماجی شخصیات، علماء، کارکنان، طلبہ، عوام اور سیاسی و سماجی حلقوں سے وابستہ افراد نے بڑی تعداد میں شرکت کی۔ شرکاء نے ہاتھوں میں بینرز اور پلے کارڈز اٹھا رکھے تھے جن پر اسرائیلی مظالم کے خلاف نعرے درج تھے، جب کہ فضا اسرائیل مردہ باد اور فلسطین زندہ باد اور الجہاد الجہاد، لبیک لبیک کے فلک شگاف نعروں سے گونج اٹھی۔ اس موقع پر خطاب کرتے ہوئے مفتی محمد حفیظ اللہ ہادیہ نے کہا کہ اسرائیل کی جانب سے نہتے فلسطینیوں پر ڈھائے جانے والے مظالم انسانیت کے چہرے پر سیاہ دھبہ ہیں، عالمی ضمیر اگر آج بھی خاموش رہا تو کل تاریخ اسے کبھی معاف نہیں کرے گی۔
ملک محمد شکیل قاسمی نے کہا کہ پاکستانی عوام کا دل فلسطین کے ساتھ دھڑکتا ہے، ہم کسی بھی قیمت پر اسرائیلی غاصبانہ تسلط کو تسلیم نہیں کرتے اور اقوامِ عالم سے مطالبہ کرتے ہیں کہ وہ اسرائیل کے خلاف مؤثر اقدامات کریں۔ قاری عبدالصمد چشتی، محمود علی و دیگر مقررین نے فلسطینی عوام کی بہادری کو خراجِ تحسین پیش کرتے ہوئے عالمی اداروں پر زور دیا کہ وہ اسرائیل کے خلاف سنجیدہ اور عملی کارروائیاں کریں اور اقوام متحدہ کو اپنی غیرجانبداری ثابت کرنے کا موقع فراہم کریں۔ ریلی پرامن انداز میں اختتام پذیر ہوئی اور شرکاء نے اس عزم کا اظہار کیا کہ فلسطین کے مسئلے پر آواز بلند کرتے رہیں گے یہاں تک کہ آزادی کا سورج بیت المقدس پر طلوع ہو۔ انہوں نے کہا کہ غزہ میں اسرائیلی جارحیت انسانیت کے منہ پر طمانچہ ہے اور مسلم حکمرانوں کی خاموشی افسوسناک، بلکہ مجرمانہ غفلت ہے، نہتے فلسطینی مسلمانوں پر بمباری، بچوں، عورتوں اور بزرگوں کا قتل عام اور انسانی بستیوں کا ملبے میں تبدیل ہو جانا ظلم و سفاکیت کی وہ مثالیں ہیں جن پر تاریخ ہمیشہ شرمندہ رہے گی۔
گھر سے بے دخل خاتون ٹک ٹاکر نے نہر میں چھلانگ لگا دی