حماس اور اسرائیل کی جانب سے مزید قیدیوں کی رہائی کل متوقع
اشاعت کی تاریخ: 31st, January 2025 GMT
حماس کے مسلح ونگ قسام بریگیڈز نے کہا ہے کہ غزہ میں 3 یرغمالیوں کو ہفتے کے روز رہا کر دیا جائے گا جبکہ اسرائیل بھی 90 قیدی رہا کرے گا۔
یہ بھی پڑھیں: جنگ بندی معاہدہ، حماس نے 3 یرغمالی، اسرائیل نے 90 فلسطینی قیدی رہا کر دیے
الجزیرہ کے مطابق حماس جن یرغمالیوں کو رہا کر رہا ہے ان میں اوفر کلڈیرون، کیتھ سیگل اور یارڈن بیباس شامل ہیں۔
دوسری جانب بدلے میں اسرائیل عمر قید کی سزا پانے والے 9 فلسطینیوں کے علاوہ 81 دیگر قیدیوں کو رہا کرے گا۔
مزید پڑھیے: اسرائیل کی طرف سے تاخیر کے بعد 110 فلسطینی قیدیوں کو رہا کر دیا گیا
دریں اثنا اسرائیلی فوج کی گن بوٹس نے غزہ کے ساحل پر انکلیو کے مرکز میں نصیرات پناہ گزین کیمپ کے قریب فائرنگ کرکے ایک ماہی گیر کو شہید کردیا۔ اسرائیلی فورسز نے مقبوضہ مغربی کنارے کے جنین پناہ گزین کیمپ میں مزید 2 افراد شہید کردیے۔ یاد رہے کہ گزشتہ روز تممون قصبے میں اسرائیلی فضائی حملے میں 10 فلسطینی شہید کیے گئے تھے۔
مزید پڑھیں: ’پہلی بار والد کو گلے لگایا، یہ احساس بیان نہیں کرسکتی‘ 22 سال بعد اسرائیلی قید سے رہا فلسطینی کی بیٹیوں سے ملاقات
غزہ پر اسرائیل کی جنگ میں 7 اکتوبر 2023 سے اب تک کم از کم 48 ہزار فلسطینی شہید اور ایک لاکھ 12 ہزار کے قریب زخمی ہو چکے ہیں۔
یاد رہے کہ گزشتہ روز 3 اسرائیلیوں، ایک مرد اور 2 خواتین اور 5 تھائی شہریوں کی رہائی کی تصدیق ہوئی تھی جس کے بعد اسرائیلی حکومت کی جانب سے 110 فلسطینی قیدیوں کی رہائی کا عمل شروع ہوا۔ تاہم ایک موقعے پر اسرائیل نے غزہ میں قیدیوں کی رہائی کے دوران احتجاج کرنے اور افراتفری پھیلانے کا الزام عائد کرتے ہوئے اسرائیلی یرغمالیوں کی رہائی کے بعد فلسطینی قیدیوں کی رہائی کا عمل روک دیا تھا۔
یہ بھی پڑھیے: حماس اسرائیل معاہدہ، کون سے فلسطینی قیدی رہا ہوں گے؟
اسرائیلی میڈیا کے مطابق اسرائیل نے یہ قدم 8 یرغمالیوں کی رہائی کے حوالے سے افراتفری پھیلانے اور احتجاج کرنے کا الزام عائد کرتے ہوئے اٹھایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل اسرائیلی یرغمالی حماس فلسطینی قیدی قسام بریگیڈز.ذریعہ: WE News
کلیدی لفظ: اسرائیل اسرائیلی یرغمالی فلسطینی قیدی قسام بریگیڈز قیدیوں کی رہائی فلسطینی قیدی رہا کر
پڑھیں:
اسرائیل کی غزہ میں بربریت کی انتہا، شدید بمباری، 6 بھائیوں سمیت 37 فلسطینی شہید
اسرائیلی طیاروں نے غزہ کے آخری مکمل فعال ہسپتال کو بھی تباہ کر دیا، سعودی عرب، قطر سمیت دیگر ممالک کی ہسپتال پر اسرائیلی فضائی حملے کی مذمت کی۔ واضح رہے فلسطینی صدر نے فرانسیسی صدر کے ساتھ ٹیلی فونک رابطہ کرکے غزہ جنگ بندی کی ضرورت اور انسانی امداد کی فوری ترسیل پر زور دیا ہے۔ اسلام ٹائمز۔ اسرائیلی فورسز نے غزہ میں بربریت کی انتہا کر دی، شدید بمباری سے 6 بھائیوں سمیت مزید 37 فلسطینی شہید اور درجنوں زخمی ہوگئے۔ اسرائیلی طیاروں نے غزہ کے آخری مکمل فعال ہسپتال کو بھی تباہ کر دیا، سعودی عرب، قطر سمیت دیگر ممالک کی ہسپتال پر اسرائیلی فضائی حملے کی مذمت کی۔ واضح رہے فلسطینی صدر محمود عباس نے فرانسیسی صدر میکرون کے ساتھ ٹیلی فونک رابطہ کرکے غزہ جنگ بندی کی ضرورت اور انسانی امداد کی فوری ترسیل پر زور دیا ہے، دونوں راہنماؤں نے فلسطین کے 2 ریاستی حل کو آگے بڑھانے کی ضرورت کا بھی اعادہ کیا۔ ایرانی وزیر خارجہ عباس عراقچی نے بھی مصری ہم منصب کو فون کیا اور غزہ میں جاری اسرائیلی حملوں پر گفتگو کی، دونوں راہنماؤں نے جنگ بندی کیلئے سفارتی کوششیں تیز کرنے پر اتفاق کیا۔
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار