ایلون مسک نوبیل امن انعام کے لیے نامزد
اشاعت کی تاریخ: 31st, January 2025 GMT
امریکی کھرب پتی اور سوشل میڈیا پلیٹ فارم ایکس کے مالک ایلون مسک کو فری اسپیچ کے فروغ کے باعث نوبیل امن انعام کے لیے نامزد کر دیا گیا ہے۔
بین الاقوامی میڈیا رپورٹس کے مطابق ایلون مسک کی نامزدگی ناروے کے ایک قانون ساز نے کی، جنہوں نے ان کے آزادی اظہار کے اصولوں اور سوشل میڈیا پر کھلی بحث کی حمایت کو نامزدگی کی وجہ قرار دیا۔
واضح رہے کہ ایلون مسک نے سوشل میڈیا پلیٹ فارم ایکس (سابقہ ٹوئٹر) کو 2022 میں خریدا تھا جہاں انکے بقول سب کو اظہار رائے کی آزادی ہے۔
نوبیل انعام کمیٹی رواں سال کے آخر میں انعامات کے حتمی فاتحین کا اعلان کرے گی، جبکہ ایلون مسک کی نامزدگی عالمی سطح پر ایک بڑی بحث کا موضوع بنی ہوئی ہے۔
ایک طرف ایلون مسک کو فری اسپیچ پر امن کے نوبیل انعام کیلئے نامزد کیا گیا ہے مگر دوسری طرف انکے ناقدین کہتے ہیں کہ ایکس پر سینسرشپ موجود ہے اور اسرائیلی جنگی جرائم پر بات کرنے والوں کے اکاؤنٹس معطل کیے جا رہے ہیں۔
صحافیوں، انسانی حقوق کی تنظیموں اور عام صارفین نے شکایت کی ہے کہ ان کی پوسٹس کی ریچ کم ہو رہی ہے یا وہ "حساس مواد" کے طور پر مارک کی جا رہی ہیں۔
کچھ کا دعویٰ ہے کہ ایلون مسک کا پلیٹ فارم اسرائیل نواز پالیسی اپنا رہا ہے اور فلسطین کے حق میں آواز دبائی جا رہی ہے۔
ایلون مسک نے کئی بار کہا کہ ایکس آزادیٔ اظہار کی حمایت کرتا ہے لیکن اس کے باوجود کچھ فلسطینی حامیوں کے اکاؤنٹس معطل یا محدود ہوئے ہیں۔
ایکس کی آفیشل پالیسی کے مطابق وہ صرف نفرت انگیز تقاریر اور غلط معلومات کو ہٹانے کی کوشش کرتے ہیں۔
.ذریعہ: Express News
کلیدی لفظ: ایلون مسک
پڑھیں:
شام کا آئین معطل، احمد الشرع عبوری صدر نامزد
احمد الشرع کو عبوری مرحلے کے لیے شام کا صدر نامزد کرتے ہوئے ملک کا آئین معطل کر دیا گیا ہے۔
شام کی سرکاری خبر رساں ایجنسی کے مطابق یہ اعلان شام کی نئی حکومت کے فوجی آپریشن کے شعبے کے ترجمان حسن عبدالغنی نے کیا ہے۔
یہ بھی پڑھیں:شام میں آئین کی تشکیل نو اور انتخابات میں 4 سال لگ سکتے ہیں، احمد الشرع
میڈیا رپورٹس کے مطابق احمد الشرع کو عبوری مرحلے کے لیے ایک عارضی قانون ساز کونسل بنانے کا بھی اختیار دیا گیا ہے، جو نئے آئین کی منظوری تک اپنا کام انجام دے گی۔
حسن عبدالغنی نے ملک میں مسلح دھڑوں کو تحلیل کرنے کا بھی اعلان کیا، جو ان کے بقول ریاستی اداروں میں ضم ہو جائیں گے، انہوں نے ’ناکارہ حکومت کی فوج‘ اور سیکیورٹی ایجنسیوں کے ساتھ ساتھ شام پر کئی دہائیوں سے حکمراں بعث پارٹی کی تحلیل کا بھی اعلان کیا۔
گزشتہ ماہ صدر بشار الاسد کا تختہ الٹنے والے مسلح دھڑوں کے دمشق کے اجلاس کے دوران یہ اعلانات سامنے آئے ہیں، حملوں کی قیادت کرنے کے بعد سے احمد الشرع شام کے اصل حکمران ہیں۔
بشار الاسد کی معزولی کے بعد، احمد الشرع کی حیات تحریر الشام گروپ اصل میں حکمراں جماعت بن گئی تھی، جس نے زیادہ تر مقامی حکومت کے عہدیداروں پر مشتمل ایک عبوری حکومت قائم کی تھی، جو اس سے قبل باغیوں کے زیر قبضہ صوبے ادلب کا نظم ونسق سنبھالے ہوئے تھی۔
مزید پڑھیں:بشارالاسد کے قریبی رفقا، فوجی کمانڈرز کہاں غائب ہیں؟
احمد الشرع نے ایک قومی کانفرنس، ایک جامع حکومت اور حتمی انتخابات سمیت، جس کے انعقاد میں 4 سال لگ سکتے ہیں، سیاسی منتقلی شروع کرنے کا عہد کیا ہے۔
انہوں نے ایک نئی متحد قومی فوج اور سیکیورٹی فورسز کی تشکیل پر بھی زور دیا ہے، لیکن سوال یہ اٹھتے ہیں کہ عبوری انتظامیہ سابقہ اپوزیشن باغی گروپوں، جن میں سے ہر ایک اپنے اپنے رہنماؤں اور نظریے کے ساتھ انفرادی شناخت رکھتا ہے، کس طرح اکٹھا کرسکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمد الشرع بشار الاسد تحریر الشام گروپ حسن عبدالغنی خبر رساں ایجنسی سیاسی منتقلی شام قانون ساز کونسل قومی کانفرنس
اسرائیلی جنگ نے غزہ کی ترقی کو 60 سال پیچھے دھکیل دیا، یو این ڈی پی