آفیشل سیکرٹ ایکٹ اور آرمی ایکٹ کے خلاف عمران خان کی درخواست سماعت کے لیے مقرر
اشاعت کی تاریخ: 31st, January 2025 GMT
سپریم کورٹ آف پاکستان کے آئینی بینچ نے آفیشل سیکرٹ ایکٹ اور آرمی ایکٹ کے خلاف عمران خان کی درخواست سماعت کے لیے مقرر کردی۔
آئینی بینچ کے سربراہ جسٹس امین الدین خان کی سربراہی میں 6 رکنی آئینی بینچ 7 فروری کو سماعت کرےگا۔
یہ بھی پڑھیں آرمی ایکٹ اور آفیشل سیکرٹ ایکٹ میں کیا ترامیم کی گئی تھیں؟
واضح رہے کہ بانی پی ٹی آئی عمران خان نے آفیشل سیکرٹ ایکٹ اور آرمی ایکٹ کو خلاف آئین قرار دیتے ہوئے عدالت سے رجوع کیا تھا۔
واضح رہے کہ اگست آرمی ایکٹ اور آفیشل سیکرٹ ایکٹ کا گزٹ نوٹیفکیشن جاری کیا گیا تھا۔ تاہم اس وقت کے صدر مملکت عارف علوی نے کہا تھا کہ انہوں نے تو ان بلوں پر دستخط ہی نہیں کیے۔
عارف علوی نے کہا تھا کہ میرا خدا میرا گواہ ہے، میں نے آفیشل سیکرٹ ترمیمی بل 2023 اور پاکستان آرمی ترمیمی بل 2023 پر دستخط نہیں کیے کیونکہ میں ان قوانین سے متفق نہیں تھا۔
یہ بھی پڑھیں عام شہریوں کے فوجی عدالتوں میں ٹرائل کے خلاف سپریم کورٹ میں درخواست دائر
ڈاکٹر عارف علوی نے کہا تھا کہ میں نے کئی بار عملے سے تصدیق کی کہ آیا انہوں نے بل واپس کر دیا ہے۔ تاہم مجھے اب پتا چلا ہے کہ میرے عملے نے میری مرضی اور حکم کونہیں مانا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئینی بینچ آرمی ایکٹ آفیشل سیکرٹ ایکٹ درخواست سماعت کے لیے مقرر عارف علوی عمران خان وی نیوز.ذریعہ: WE News
کلیدی لفظ: ا رمی ایکٹ ا فیشل سیکرٹ ایکٹ درخواست سماعت کے لیے مقرر عارف علوی وی نیوز ا رمی ایکٹ عارف علوی ایکٹ اور ایکٹ ا کے لیے
پڑھیں:
عمران خان اور بشریٰ بی بی کیخلاف توشہ خانہ2 کیس میں ایک اور گواہ کا بیان قلمبند
راولپنڈی/ اسلام آباد ( خبر ایجنسیاں) راولپنڈی کی اڈیالہ جیل میں بانی پاکستان تحریک انصاف و سابق وزیراعظم عمران خان اور ان کی اہلیہ بشریٰ بی بی کے خلاف توشہ خانہ 2 کیس کی سماعت کے دوران استغاثہ کے ایک اور گواہ کا بیان قلمبند کر لیا گیا۔ اسلام آباد ہائیکورٹ میں عمران خان اور بشریٰ بی بی نے توشہ خانہ 2
کیس کی سماعت دوسرے بینچ کو منتقل کرنے کی درخواست دائر کردی، عدالت نے مذکورہ کیس میں بریت کی درخواستوں پر سماعت ملتوی کردی۔ ڈسٹرکٹ سیشن عدالت اسلام آباد نے عمران خان اور بشریٰ بی بی کی 6 مقدمات میں عبوری ضمات میں 11 فروری تک توسیع کردی جبکہ اسلام آباد ہائیکورٹ نے عمران خان کی ان کی اہلیہ اور ذاتی معالج سے ملاقات کرانے اور بیٹوں سے فون پر بات کرانے سے متعلق درخواست نمٹادی۔ تفصیلات کے مطابق گزشتہ روز عمران خان اور ان کی اہلیہ بشریٰ بی بی کیخلاف مختلف عدالتوں میں مختلف کیسز کی سماعت ہوئی۔ اڈیالہ جیل میں توشہ خانہ 2 کیس کی سماعت کے موقع پر عمران خان اور بشری بی بی کو کمرہ عدالت میں پیش کیا گیا۔ دوران سماعت توشہ خانہ 2 کیس میں ایک اور گواہ محمد فہیم کا بیان بھی قلمبند کر لیا گیا، دفتر خارجہ کے گواہ عمر صدیق پر بشری بی بی کے وکیل ارشد تبریز نے جرح مکمل کر لی، مجموعی طور پر 8 گواہان کے بیان قلم بند جبکہ 5 پر جرح مکمل ہو چکی ہے۔ عدالت نے آئندہ سماعت پر عمران خان کے وکیل کو حاضری یقینی بنانے اور گواہان پر جرح مکمل کرنے کی ہدایت اور سماعت 3 فروری تک ملتوی کردی۔ علاوہ ازیں اسلام آباد ہائیکورٹ میں توشہ خانہ 2 کیس میں عمران خان اور بشریٰ بی بی کی بریت کی درخواستوں پر سماعت کے دوران وکیل نے کیس دوسرے بینچ میں منتقل کرنے کی استدعا کردی۔ وکیل کا کہنا تھا کہ یہ کیس اس ہائیکورٹ کے بہت سینئر جج پہلے سے سن چکے ہیں۔ خاور مانیکا نے بانی پی ٹی آئی کی عدت کیس میں بریت کے خلاف اپیل دائر کی، عدت کیس میں انہی گرائونڈز پر کیس دوسرے بینچ کو منتقل کرنے کا آرڈر ہو گیا۔ بعدازاں عدالت نے درخواستوں پر سماعت مزید ملتوی کردی۔
ملتان ٹیسٹ میں ساجد خان کی گھومتی گیندیں، ویسٹ انڈیز کے بیٹرز بے بس، پاکستان کو 254 رنز کا چیلنج