امریکی خاتون واپس اپنے ملک جانے پر آمادہ ہوگئی
اشاعت کی تاریخ: 31st, January 2025 GMT
فوٹو: سوشل میڈیا
نوجوان کی محبت میں کراچی آئی امریکی خاتون واپس اپنے ملک جانے پر آمادہ ہوگئی۔
جیو نیوز نے خاتون اونیجا کا ویڈیو بیان حاصل کرلیا، جس کے مطابق خاتون کا کہنا ہے کہ میرے پاس اس وقت پیسوں کی کمی ہے، میں اپنے ملک میں واپس جانے کو تیار ہوں، مجھے نیو یارک واپسی کا ٹکٹ دیا جائے۔
اس سے قبل امریکی خاتون اونیجا اینڈریو رابنس کو واپس بھیجنے کی تمام کوششیں ناکام ہونے کے بعد اسے فلاحی ادارے میں رکھا گیا ہے۔
پولیس کا کہنا ہے کہ ہوٹل اور گیسٹ ہاؤس مالکان نے خاتون کو کمرہ دینے سے انکار کردیا، امریکی خاتون کو فلاحی ادارے کے حوالے کر دیا۔
سماجی رہنما رمضان چھیپا کا کہنا تھا کہ امریکی خاتون ٹیپو سلطان تھانے میں تھیں، ان کی طبیعت آرام نہ کرنے کے باعث خراب ہے، خاتون کے رہنے کا انتظام کیا ہے، خاتون میری بہن ہیں، جب تک چاہیں یہاں رہ سکتی ہیں۔
واضح رہے کہ مذکورہ خاتون 19 سالہ نوجوان سے شادی کی خواہش لیے گزشتہ برس 11 اکتوبر سے کراچی میں موجود ہیں اور امریکا واپس جانے سے انکار کر رہی ہیں۔
امریکی خاتون کا کہنا ہے کہ میری شادی آن لائن ہو چکی ہے، پیسوں کےلیے شادی نہیں کی، میرے پاس پیسہ ہے۔
.ذریعہ: Jang News
کلیدی لفظ: امریکی خاتون کا کہنا
پڑھیں:
پاکستان نوجوان کی محبت میں گرفتار امریکی خاتون وطن جانے پر رضامند
پاکستان نوجوان کی محبت میں گرفتار ہوکر کراچی آنے والی امریکی خاتون واپس روانگی کے لیے رضامند ہوگئی ہے۔
تفصیلات کے مطابق امریکی خاتون اونیجا جو پاکستانی نوجوان سے شادی کرنے کراچی آئی تھی، نے ویڈیو پیغام میں کہا کہ ’مجھے امریکا کی فلائی ٹکٹ کے لیے مد د فراہم کی جائے، میرے پاس پیسوں کی کمی ہے، نیویارک واپسی کے ٹکٹ کے لیے پیسے دیے جائیں۔‘
یہ بھی پڑھیں: ’ہمارے ٹیلنٹڈ لڑکے نے امریکی خاتون کو فٹ پاتھ پر لاکر بٹھا دیا‘، کامران ٹیسوری کی ویڈیو وائرل
یاد رہے کہ کراچی کے علاقے گارڈن ویسٹ سے تعلق رکھنے والے 19 سال کے لڑکے کی محبت میں گرفتار ہوکر امریکی خاتون اونیجا اینڈریو رابنسن پاکستان تشریف لائی۔
کراچی آنے کے لیے خاتون نے 5 اکتوبر 2024 کو ویزا کے لیے اپلائی کیا تھا اور اسے 9 اکتوبر کو پاکستان کا سیاحتی ویزا ایک ماہ کے لیے جاری کیا گیا تھا۔
خاتون کے کراچی پہنچنے پر لڑکے کے والدین یہ جان کر حیران ہوئے کہ خاتون ان کے بیٹے سے عمر میں تقریباً دو گنا بڑی ہے، اس کے علاوہ شوہر سے طلاق لے کر آئی ہے اور دوبچوں کی ماں بھی ہے۔
یہ بھی پڑھیں: امریکی خاتون سے شادی کرنے کے لیے مرد تیار، بڑی آفریں بھی کردیں
والدین کی ناراضی پر نوجوان اس خاتون کو چکمہ دے کر غائب ہوا تو خاتون جو رقم لائی تھی اس کی مدد سے کچھ دن گزارے اور پھر دربدر ہوگئی۔
گزشتہ 7 روز سے خاتون جناح انٹرنیشنل ایئرپورٹ پر موجود تھی، جہاں اس کی گورنر سندھ کامران ٹیسوری سے ملاقات ہوگئی۔
گورنر کامران ٹیسوری نے خاتون کو پریشانی کی حالت میں دیکھ کر فوری ویزا جاری کرا دیا جس کی مدت 11 فروری تک کے لیے ہے، گورنر نے خاتون کی امریکا واپسی کے لیے ٹکٹ کا بندوبست بھی کرا دیا تھا، تاہم خاتون نے ایک بار پھر واپس جانے سے انکار کردیا۔
یہ بھی پڑھیں: پیار میں دھوکا: پاکستانی نوجوان کی محبت میں گرفتار امریکی خاتون کراچی پہنچ کر دربدر ہوگئی
دوسری جانب خاتون کا بیٹا بھی منظر عام پر آچکا ہے جس نے بتایا کہ والدہ کی ذہنی حالت ٹھیک نہیں ہے، وہ 2 ہفتے کا کہہ کر گئیں تھیں لیکن ابھی تک واپس نہیں آئیں۔
جبکہ خاتون نے اس سے قبل اپنے ایک بیان میں یہ بھی کہا کہ وہ پاکستان کی تعمیر و ترقی کے لیے کچھ کرنا چاہتی ہیں اس لیے پیسے چاہئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا اونیجا پاکستان سیاحتی ویزا محبت نوجوان
آئی ایل ٹی 20 میں ڈیزرٹ وائپرز نے شارجہ واریئرز کو 8 وکٹوں سے شکست دے دی