خیبر پختونخوا: اپر کرم میں فائرنگ سے اسسٹنٹ کمشنر زخمی
اشاعت کی تاریخ: 31st, January 2025 GMT
ضلع کرم: اپر کرم میں فائرنگ سے اسسٹنٹ کمشنر زخمی ہوگئے۔
پولیس کے مطابق ضلع کرم کی تحصیل اپر کرم کے علاقے بوشہرہ میں دو قبائل کے درمیان جنگ بندی کے لیے آنے والے سرکاری قافلے پر نامعلوم افراد کی فائرنگ سے اسسٹنٹ کمشنر سعید منان زخمی ہوگئے۔
پولیس نے بتایا کہ اسسٹنٹ کمشنر سعید منان کو بوشہرہ اسپتال منتقل کر دیا گیا ہے۔
پولیس کے مطابق اسسٹنٹ کمشنر منان پولیس کے ہمراہ بوشہرہ میں موجود تھے، اسسٹنٹ کمشنر کے ساتھ فائرنگ میں تین اہل کار بھی زخمی ہوئے ہیں۔
ضلعی انتظامیہ کرم نے بتایا ہے کہ اسسٹنٹ کمشنر پر فتح کلے کی طرف سے فائرنگ کی گئی اور انہیں آپریشن تھیٹر منتقل کردیا گیا ہے۔
ضلعی انتظامیہ کرم کا کہنا ہے کہ پولیس کی بھاری نفری نے ملزمان کی تلاش کے لیے علاقے میں سرچ آپریشن شروع کردیا ہے۔
واضح رہے کہ اس سے قبل لوئر کرم میں ڈپٹی کمشنر جاوید اللہ محسود کو فائرنگ کا نشانہ بنایا گیا تھا جس میں وہ زخمی ہوگئے تھے۔
.ذریعہ: Jasarat News
پڑھیں:
کراچی: فائرنگ کے مختلف واقعات میں تین افراد زخمی
شہر کے مختلف علاقوں میں فائرنگ کے واقعات میں 3 افراد زخمی ہوگئے۔
تفصیلات کے مطابق شریف آباد کے علاقے کریم آباد پل کے اوپر پراسرار فائرنگ سے ایک شخص زخمی ہوگیا۔زخمی ہونے والے شخص کو چھیپا ایمبولینس کے ذریعے عباسی شہید اسپتال منتقل کیا گیا۔
ترجمان کراچی پولیس کے مطابق زخمی ہونے والے شخص کی شناخت 25 سالہ عبدالقدیر ولد سلیمان کے نام سے کی گئی۔
پولیس کا کہنا ہے کہ واقعہ نامعلوم سمت سے آنے والی گولی لگنے سے پیش آیا۔علاقہ پولیس واقعے کی تحقیقات کر رہی ہے۔
کورنگی کے علاقے ضیا کالونی النور سوسائٹی کے قریب جھگڑے کے دوران فائرنگ کی زد میں آکر ایک شخص زخمی ہوگیا، زخمی ہونے والے شخص کو طبی امداد کے لیے جناح اسپتال منتقل کیا گیا ۔
پولیس کے مطابق زخمی ہونے والے شخص کی شناخت 37 سالہ ناصر ولد محمد اکبر کے نام سے کی گئی۔
پولیس واقعے کی تحقیقات کر رہی ہے ، جمشید کوارٹر کے علاقے گرو مندر چورنگی ہمدرد دوا خانہ عطاری کچن کے قریب فائرنگ سے ایک شخص زخمی ہوگیا ، زخمی ہونے والے شخص کو ایدھی ایمبولینس کے ذریعے جناح اسپتال منتقل کیا گیا ، پولیس کے مطابق زخمی ہونے والے شخص کی شناخت 26 سالہ اسید رضا ولد محمد شعیب کے نام سے کی گئی ، فائرنگ کا واقعہ ڈکیتی کی واردات کے دوران مزاحمت پر پیش آیا ، پولیس واقعے کی تحقیقات کر رہی ہے ۔
ہزاروں نہ لاکھوں! شاہ رخ خان کی گھڑی کی قیمت جان کر حیران رہ جائیں گے