5 فروری یوم یکجہتی کشمیر کے موقع پر عام تعطیل کا اعلان
اشاعت کی تاریخ: 31st, January 2025 GMT
سندھ حکومت نے 5 فروری یوم یکجہتی کشمیر کے موقع پر صوبے میں عام تعطیل کا اعلان کردیا۔
حکومت کی جانب پانچ فروری کی تعطیل کا نوٹیفکیشن بھی جاری کردیا گیا ہے، جس کے مطابق 5 فروری بروز بدھ کو صوبے بھر میں چھٹی ہوگی۔
نوٹیفکیشن کے مطابق 5 فروری کو یوم یکجہتی کشمیر کے موقع پر تمام سرکاری اور نیم سرکاری ادارے بند رہیں گے۔
واضح رہے کہ 5 فروری کو ہر سال اہل پاکستان کشمیریوں کے ساتھ یکجہتی کا دن مناتے ہیں۔
یہ بھی یاد رہے کہ اس روز ہر سال ملک بھر میں بھی عام تعطیل ہوتی ہے، مرکزی حکومت کی جانب سے ابھی تک چھٹی کا الگ سے نوٹیفکیشن جاری نہیں کیا گیا تاہم سالانہ چھٹیوں کے نوٹیفکیشن میں 5 فروری کی تعطیل کا ذکر ہے۔
اس روز اہل پاکستان مقبوضہ کشمیر کے مظلوم عوام کے ساتھ یکجہتی کا دن مناتے ہیں، اور پاکستان و آزاد کشمیر کو ملانے والے انٹری پوائنٹس پر انسانی ہاتھوں کی زنجیریں بنائی جاتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اظہار یکجہتی اہل پاکستان چھٹی حکومت پاکستان حکومت سندھ عام تعطیل مقبوضہ کشمیر وی نیوز یوم یکجہتی کشمیر.ذریعہ: WE News
کلیدی لفظ: اظہار یکجہتی اہل پاکستان چھٹی حکومت پاکستان حکومت سندھ عام تعطیل وی نیوز یوم یکجہتی کشمیر یوم یکجہتی کشمیر عام تعطیل کشمیر کے تعطیل کا
پڑھیں:
یوم یکجہتی کشمیر بھرپور انداز میں منایا جائیگا، چودھری انوار الحق
کابینہ اجلاس سے خطاب کرتے ہوئے وزیراعظم آزاد کشمیر کا کہنا تھا کہ پاکستان نے ہمیشہ کشمیریوں کی بین الاقوامی فورمز پر بھرپور وکالت کی ہے، عوام کے جان و مال کا تحفظ موجودہ حکومت کی اولین ترجیح ہے۔ اسلام ٹائمز۔ وزیراعظم آزاد کشمیر چودھری انوار الحق نے کہا ہے کہ 5 فروری یوم یکجہتی کشمیر بھرپور انداز میں منایا جائے گا، اس سلسلہ میں تمام تیاریاں مکمل کر لی گئی ہیں۔ کابینہ اجلاس سے خطاب کرتے ہوئے وزیراعظم آزاد کشمیر چودھری انوار الحق کا کہنا تھا کہ پاکستان نے ہمیشہ کشمیریوں کی بین الاقوامی فورمز پر بھرپور وکالت کی ہے، عوام کے جان و مال کا تحفظ موجودہ حکومت کی اولین ترجیح ہے۔ وزیراعظم آزاد کشمیر نے کہا کہ گورننس سسٹم کو بہتر بنانے کے لیے تمام ممکنہ اقدامات اٹھائے جائیں گے۔ معیار تعلیم کو ترجیح بنانا ہے، کوٹہ کی بنیاد پر تمام تعلیمی اداروں میں فیکلٹی کی کمی کو پورا کرنے کے لیے اقدامات اٹھائے جائیں۔
چودھری انوار الحق نے ہدایت کی کہ شہریوں کے تحفظ کے لیے تمام دستیاب وسائل بروئے کار لائے جائیں گے، ریشنلائزیشن کو فوقیت دی جائے، پاک فوج کی وطن کے دفاع کے لیے قربانیوں کو خراج عقیدت پیش کرتے ہیں۔ انہوں نے کہا کہ صحت کے شعبہ میں اصلاحات کے لیے اقدامات اٹھائے ہیں، حکومت نے عوام کی فلاح کے لیے ڈیڈ ترقیاتی پراجیکٹس کو رواں کیا ہے، عوام کی فلاح کے لیے تمام ممکنہ وسائل فراہم کیے جائیں گے، ٹیکس نیٹ کو بڑھانے سے ریونیو میں اضافہ ہوگا۔
ہزاروں نہ لاکھوں! شاہ رخ خان کی گھڑی کی قیمت جان کر حیران رہ جائیں گے