30 گھنٹے، 3 ٹماٹر ۔۔۔ اور جان بچ گئی!
اشاعت کی تاریخ: 31st, January 2025 GMT
دہلی میں تین دن قبل گرنے والی چار منزلہ نامکمل عمارت دبنے والے چار افراد کو زندہ نکال لیا گیا۔ یہ چاروں افراد تیس گھنٹوں تک تین ٹماٹر چُوس کر پیاس اور بھوک کو قابو میں کرتے رہے۔
شمالی دہلی کے علاقے بُراری میں گرنے والی عمارت میں دب کر 5 افراد ہلاک ہوئے تھے جبکہ 16 افراد کو نکال لیا گیا تھا۔ 30 سالہ راجیش، اُس کی 26 سالہ بیوی گنگوتری، 6 سالہ بیٹے پرنس اور 3 سالہ بیٹے رتک کو 29 جنوری کی شب نکالا گیا۔
انہوں نے بتایا کہ کھانے اور پینے کے لیے کچھ بھی میسر نہ تھا۔ صرف تین ٹماٹر دستیاب تھے اور چاروں نے اُنہی ٹماٹروں پر گزارا کیا۔
یہ عمارت 27 جنوری کو شام ساڑھے چھ بجے گری تھی جب فیملی کھانا پکانے کی تیاری کر رہی تھی۔ یہ فیملی اس لیے بچ پائی تھی کہ چھت ایک گیس سلنڈر پر گری اور ایک کھانچا سا بن گیا جس میں یہ سب پناہ لیے بیٹھے رہے۔ اِن کی رسائی صرف تین ٹماٹروں تک تھی۔ نکالے جانے کے وقت یہ چاروں بے ہوش تھے اور اِنہیں کچھ یاد نہیں کہ اسپتال کب اور کس طرح منتقل کیا گیا۔
.ذریعہ: Jasarat News
پڑھیں:
رونالڈو اور گرل فرینڈ جارجینا کی منگنی کی خبریں زیرِ گردش
عالمی شہرت یافتہ فٹ بالر کرسٹیانو رونالڈو اور ان کی گرل فرینڈ جارجینا کی منگنی کی خبریں پھر گردش کرنے لگیں۔
فوٹو اینڈ ویڈیو شیئرنگ پلیٹ فارم انسٹاگرام پر فٹ بالر کی گرل فرینڈ جارجینا روڈریگز نے اسٹوری شیئر کی ہے جس نے ان کی خاموشی سے منگنی سے متعلق قیاس آرائیوں کو جنم دیا ہے۔
انسٹا اسٹوری میں جارجینا نے اپنے ہاتھ کی تصویر شیئر کی ہے، جس میں ان کی انگلی میں ایک خوبصورت ہیرے کی انگوٹھی دکھائی دے رہی ہے، انہوں نے اسی انگلی میں انگوٹھی پہنی ہوئی ہے جس میں عام طور پر منگنی کی انگوٹھی پہنی جاتی ہے۔
رونالڈو اور گرل فرینڈ جارجینا کی منگنی کی خبریں زیرِ گردش
اس کے ساتھ ہی عربی میں کیپشن لکھا ہے جس کا ترجمہ کچھ یوں ہے کہ ہمیں بُری نظر سے محطوظ رکھیں، آمین۔
خیال رہے کہ 40 سالہ کرسٹیانو رونالڈو اور ان کی 31 سالہ گرل فرینڈ جارجینا 2016ء سے ایک ساتھ ہیں اور ان دونوں کی 2 بیٹیاں 7 سالہ عالیانہ 2 سالہ بیلا بھی ہیں۔
رونالڈو نے جارجینا کو شادی کیلئے پروپوز کیوں نہیں کیا؟
جارجینا کی انسٹا اسٹوری ایک ایسے وقت میں سامنے آئی ہے جب چند دنوں قبل کرسٹیانو رونالڈو نے ایک نیٹ فلکس شو کو انٹرویو دیتے ہوئے جارجینا سے طویل عرصے سے رشتے میں ہونے اور بچوں کے ہونے کے باوجود شادی نہ کرنے کی وجہ پر کھل کر گفتگو کی۔
فٹ بالر نے مذکورہ شو میں بتایا کہ انہوں نے اب تک جارجینا کو شادی کے لیے پروپوز کیوں نہیں کیا۔
کھلاڑی نے بتایا کہ میں صحیح وقت کا انتظار کر رہا ہوں، دیگر معاملات کی طرح جب مجھے کلک ہو گا کہ اب مجھے جارجینا سے شادی کر لینی چاہیے تو میں کر لوں گا، وہ وقت کبھی بھی آ سکتا ہے شاید چند دنوں میں، چند ہفتوں، مہینوں یا سال میں اور جارجینا یہ بات اچھی طرح جانتی ہیں۔
مذکورہ انٹرویو کے بعد جارجینا کی جانب سے سوشل میڈیا پر شیئر کی گئی تصویر نے ان دونوں کی خاموشی سے منگنی کی خبروں کو پھر گرم کر دیا ہے۔
واضح رہے کہ یہ پہلا موقع نہیں ہے جب ان دونوں کی منگنی کی خبریں گردش کر رہی ہیں، بلکہ اس سے قبل 2022ء میں بھی اسی طرح انگوٹھی کی تصویر شیئر کرنے پر ان دونوں کی منگنی کی خبریں گردش کر رہی تھیں۔
Post Views: 3
کراچی، تیز رفتار ڈمپر نے متعدد موٹر سائیکل افراد کو روند ڈالا، تین افراد زخمی، 4 ڈمپرز نذر آتش