پریانکا چوپڑا بھارت کی سب سے زیادہ معاوضہ وصول کرنے والی اداکارہ بن گئیں
اشاعت کی تاریخ: 31st, January 2025 GMT
بھارتی اداکارہ پریانکا چوپڑا پہلی بار مشہور فلم ساز ایس ایس راجامولی کے ساتھ ان کی آنے والی فلم ’ایس ایس ایم بی 29‘ میں اداکاری کے جوہر دکھانے جا رہی ہیں۔
بھارتی میڈیا کے مطابق اس فلم میں مہیش بابو مرکزی کردار ادا کریں گے اور اسے ایک عالمی سطح کی ایڈونچر فلم قرار دیا جا رہا ہے۔ رپورٹس کے مطابق پریانکا چوپڑا نے اس بڑے پروجیکٹ کے لیے تقریباً 30 کروڑ روپے کا معاوضہ طلب کیا ہے، جس سے وہ راجامولی کی سب سے مہنگی اداکارہ بن گئی ہیں۔
تاہم بھارتی میڈیا کے مختلف پیجز کی جانب سے سامنے آنے والی اس خبر کی فلم سے منسلک کسی بھی ذرائع نے باضابطہ تصدیق نہیں کی ہے۔
رپورٹس میں بتایا گیا ہے کہ فلم کی شوٹنگ حیدرآباد کی ایلومینیم فیکٹری میں جاری ہے، جہاں مہیش بابو اور پریانکا چوپڑا موجود ہیں۔ رپورٹس کے مطابق ایس ایس راجامولی نے اپنی ٹیم کو مکمل رازداری کے معاہدے پر دستخط کروائے ہیں، جس کے تحت کسی کو بھی موبائل فون استعمال کرنے کی اجازت نہیں۔
ؤکہا جارہا ہے کہ فلم کی مزید شوٹنگ کینیا کے جنگلات میں ہوگی، راجامولی کی اس فلم ’ایس ایس ایم بی 29‘ دو حصوں میں ریلیز کیے جانے کا امکان ہے۔ پہلا حصہ 2027 جبکہ دوسرا 2029 میں سنیما گھروں کی زینت بنے گا۔
.
ذریعہ: Express News
کلیدی لفظ: ایس ایس
پڑھیں:
ناگن 3 کی مشہور اداکارہ کس بھارتی کرکٹر سے ڈیٹ کررہی ہیں؟
شوبز انڈسٹری میں کرکٹرز اور اداکاراؤں کے معاشقے کوئی نئی بات نہیں۔ ماضی میں بھی کئی کھلاڑیوں کے بالی ووڈ حسیناؤں کے ساتھ تعلقات رہے ہیں، جن میں سے کچھ تو شادی کے بندھن میں بندھ گئے اور کچھ محض افواہوں تک محدود رہے۔
کرکٹ کی دیوانگی اور بالی ووڈ کی چمک دمک ایک دوسرے کو کشش کرتی ہیں۔ یہی وجہ ہے کہ کئی مشہور اداکارائیں پاکستانی کرکٹرز کے سحر میں بھی مبتلا رہیں۔ رینا رائے اور محسن خان کی محبت کی داستان بھی ایسی ہی ایک مثال ہے، اگرچہ ان کا رشتہ زیادہ دیر نہ چل سکا۔
شعیب ملک اور ثانیہ مرزا، دو مختلف کھیلوں کے ستارے، ایک بندھن میں بندھے، لیکن ان کی کامیاب جوڑی بھی آخرکار ٹوٹ گئی۔ اب ایک نئی جوڑی کی افواہیں گردش کررہی ہیں، اور وہ ہے بھارتی اداکارہ ماہرہ شرما اور کرکٹر محمد سراج کی۔
ماہرہ شرما، جو ’’ناگن 3‘‘ اور ’’بگ باس 13‘‘ جیسے مشہور شوز میں نظر آچکی ہیں، اپنی خوبصورتی اور اداکاری کےلیے جانی جاتی ہیں۔ دوسری جانب، محمد سراج، انڈین کرکٹ ٹیم کے ابھرتے ہوئے فاسٹ بولر ہیں، جو اپنی تیز رفتار گیند بازی کےلیے مشہور ہیں۔
سراج اوراور ماہرہ کے درمیان معاشقے کی افواہیں اس وقت زور پکڑیں جب سوشل میڈیا پر ان کی تصاویر ایک ساتھ نظر آئیں۔ کہا جارہا ہے کہ دونوں ایک دوسرے کو ڈیٹ کر رہے ہیں، لیکن ابھی تک کسی نے اس کی تصدیق یا تردید نہیں کی ہے۔
ماہرہ شرما کا ماضی بھی کچھ کم دلچسپ نہیں ہے۔ محمد سراج سے پہلے ان کا نام اداکار پارس چھابڑا کے ساتھ جوڑا جاتا تھا۔ دونوں کی ملاقات بگ باس 13 کے گھر میں ہوئی تھی، لیکن ان کا رشتہ زیادہ دیر نہ چل سکا۔
محمد سراج کے حوالے سے بھی کچھ افواہیں گردش کرچکی ہیں۔ کچھ عرصہ قبل ان کا نام آشا بھوسلے کی نواسی زنائی بھوسلے کے ساتھ جوڑا جا رہا تھا، لیکن زنائی نے فوری طور پر ان افواہوں کی تردید کر دی تھی۔
اب دیکھنا یہ ہے کہ ماہرہ اور سراج کے درمیان تعلقات کی یہ افواہیں کب تک دم توڑتی ہیں، یا پھر ان کی محبت کی کوئی نئی داستان رقم ہوتی ہے۔
لاہور؛ حلیہ تبدیل کرکے ساتھیوں کے ہمراہ وارداتیں کرنے والا ملزم گرفتار