WE News:

دودی خان نے بالی ووڈ اداکارہ راکھی ساونت کے ساتھ شادی سے انکار کیوں کردیا؟

اشاعت کی تاریخ: 31st, January 2025 GMT

پاکستانی اداکار دودی خان نے بالی ووڈ اداکارہ راکھی ساونت سے شادی کرنے سے انکار کردیا۔

فوٹو اینڈ شیئرنگ ایپ انسٹاگرام پر اداکار دودی خان نے ایک ویڈیو شیئر کی ہے جس میں انہوں نے کہا ہے کہ وہ راکھی ساونت سے شادی نہیں کریں گے۔ دودی خان نے صارفین سے کہا کہ چند دن قبل سوشل میڈیا پر انہوں نے سوشل میڈیا پر ایک ویڈیو شیئر کی تھی، جس میں انہوں نے راکھی ساونت کو پروپوز کیا تھا کیونکہ وہ انہیں اچھی طرح جانتے تھے۔

یہ بھی پڑھیں: راکھی ساونت کس پاکستانی اداکار سے شادی کرنے والی ہیں؟

اداکار کا کہنا تھا کہ انہیں راکھی ساونت کے اندر محبت کرنے والا انسان نظرآیا۔ انہوں نے زندگی میں بہت اتار چڑھاؤ دیکھے ہیں، انہوں نے اپنے والدین کو کھو دیا، پھر اسلام قبول کر کے اپنا نام فاطمہ رکھ لیا اور عمرہ ادا کرنے بھی گئیں۔ اس لیے انہوں نے راکھی ساونت کو پروپوز کیا۔

دودی خان نے مزید کہا کہ شاید لوگوں کے لیے یہ قابل قبول نہیں ہے کیونکہ انہیں بہت سارے پیغامات اور ویڈیوز موصول ہوئی ہیں، اور وہ اسے برداشت نہیں کر سکتے۔ انہوں نے راکھی ساونت سے کہا ’آپ میری اچھی دوست رہیں گی، آپ دودی خان کی دلہن نہ بن پائیں، لیکن میں وعدہ کرتا ہوں کہ آپ پاکستان کی بہو بنیں گی۔ آپ کی شادی اپنے کسی بھائی سے کروا دوں گا‘۔

 

View this post on Instagram

 

A post shared by Dodi Khan (@dodi_khan)

واضح رہے کہ  اداکار دودی خان کی جانب سے چند دن قبل انسٹا گرام اکاؤنٹ پر ایک ویڈیو شیئر کی گئی تھی، جس میں وہ کہتے ہیں کہ ’السلام علیکم راکھی جی، سب سے پہلے آپ کو عمرہ مبارک ہو اور اس کے بعد پاکستان میں دلی خوش آمدید‘۔ انہوں نے راکھی سے پوچھا کہ یہ بتائیں بارات لے کر بھارت آنا ہے یا دبئی؟ اور ساتھ ہی انہوں نے راکھی ساونت سے اظہار محبت کرتے ہوئے انہیں ’لویو‘ کہا۔

دودی خان کی اس پیشکش پر راکھی ساونت نے کہا تھا کہ انہیں پاکستان سے بہت رشتے آئے ہیں لیکن انہوں نے دودی خان کو چنا ہے۔ راکھی ساونت نے کہا کہ ان کو 5وقت کا نمازی لڑکا چاہیے جو مولانا ٹائپ ہو اور پاکستانی لڑکے نمازی ہوتے ہیں۔

یہ بھی پڑھیں: ’جس کو ملنا ہے وہ لاہور آ جائے‘، بھارتی اداکارہ راکھی ساونت کی ویڈیو وائرل

راکھی ساونت کا کہنا تھا کہ وہ اسلامی طریقے کے مطابق پاکستان میں شادی کریں گی جبکہ ان کا ہنی مون سوئٹزرلینڈ میں ہوگا اور وہ دبئی میں ہی رہائش پذیر ہوں گی۔ ان کا کہنا تھا کہ وہ اپنی شادی میں پاکستانی میڈیا کو ضرور بلائیں گی۔ راکھی ساونت نے بچوں کے حوالے بات کرتے ہوئے کہا کہ انہوں نے ابھی سوچا نہیں ہے کہ ان کے بچے پاکستان میں ہوں گے یا بھارت میں۔

خیال رہے کہ بالی ووڈ اداکار راکھی ساونت نے 2 شادیاں کی تھیں اور دونوں ناکام ہوئیں۔ پہلی شادی رتیش نامی بزنس مین سے ہوئی جو چند ماہ ہی چل سکی، اس کے بعد انہوں نے اسلام قبول کرکے عادل درانی سے شادی کی تھی۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

بالی ووڈ دودی خان راکھی ساونت راکھی ساونت شادی.

ذریعہ: WE News

کلیدی لفظ: بالی ووڈ راکھی ساونت راکھی ساونت شادی انہوں نے راکھی ساونت راکھی ساونت سے راکھی ساونت نے بالی ووڈ تھا کہ کہا کہ

پڑھیں:

راکھی ساونت کی پاکستان میں تیسری شادی،دلہاپولیس افسرنکلا

لاہور(شوبز ڈیسک)بالی ووڈ کی ‘ڈرامہ کوئین’ راکھی ساونت نے تیسری شادی پاکستان میں کرنے کا فیصلہ کرلیا، شادی کےبعد کہاں رہیں گی یہ بھی بتا دیا۔

رپورٹ کے مطابق 46 سالہ اداکارہ جن کی پہلے دوشادیاں ناکام ہوچکی ہیں نے اب پاکستان میں شادی کرنے کا فیصلہ کیا ہے ۔ان کی پہلی شادی رتیش سنگھ سے ہوئی تھی۔ انہوں نے شادی خفیہ رکھنے کی کوشش کی تاہم ’’بگ باس ’’ میں رتیش سنگھ کے ساتھ شرکت کے بعد شادی کا راز طشت از بام ہوگیا۔یہ شادی کچھ عرصے ہی قائم رہ سکی کیونکہ دونوں کی انائیں بہت بڑی تھیں۔

دوسری شادی انہوں نے عادل خان درانی سے کی اور اس کے لئے راکھی نے بہت بڑی قربانی دے کر مشرف بہ اسلام بھی ہوگئیں اور عمرے کے لئے بھی گئیں تاہم بوجوہ یہ شادی بھی ٹوٹ گئی لیکن اس کا انجام اتنا خوشگوار نہیں رہا ایک دوسرے پر الزامات لگائے گئے اور عادل خان درانی کو جیل کی ہوا بھی کھانی پڑی لیکن دوبار گھر بسانے کی ناکام کوشش کے بعد اب راکھی ساونت بڑی حد تک پرامید ہیں۔

ٹائمز آف انڈیا ٹی وی کو ایک انٹرویو دیتے ہوئے راکھی ساونت کا کہنا ہے کہ میں تیسری دفعہ شادی کے لئے تیار ہوں ۔

ذرائع کا کہنا ہے کہ راکھی ساونت شادی کی پیشکش کے سلسلے میں بردکھوے کے لئے پاکستان کا دورہ کرچکی ہیں اور رشتہ ان کے دل کو لگا ہے۔

ٹائمز آف انڈیا سے گفتگو میں انہوں نے کہا کہ جب میں پاکستان گئی تو انہوں نے دیکھا کہ مجھے اپنی پچھلی دو شادیوں میں کتنا ہراساں کیا گیا تھا۔انہوں نے پاکستانی شہریوں کی تعریف کرتے ہوئے کہا کہ میرے بہت سارے مداح پاکستانی ہیں اور انہوں نے ہمیشہ میرے کام کو سراہا۔ انہوں نےکہ بھارتی اور پاکستانی ایک دوسرے کے بغیر کچھ نہیں۔

انہوں نے انکشاف کیا کہ ان کے ممکنہ شوہر دودی خان ایک پولیس افسر اور اداکار ہیں اور شادی جلد پاکستان میں اسلامی رسم ورواج کے مطابق ہوگی جبکہ ریسیپشن بھارت میں ہوگا۔ہنی مون ہم نے ہالینڈ یا سوئٹزر لینڈ میں منانے کا فیصلہ کیا ہے۔

راکھی کا مزید کہنا تھا کہ بہت سے پاکستانی اور بھارتی جوڑے شادی کر کے امریکا اور دبئی میں آباد ہو چکے ہیں اور اچھی زندگی گزار رہے ہیں۔ان کا مزید کہنا تھا کہ ہم دونوں دبئی میں آباد ہوں گے۔اسپورٹس لیجنڈ ثانیہ مرزا کی سرحد پار شادی کا حوالہ دیتے ہوئے انہوں نے ان کے فیصلے کی تعریف کی۔ لیکن انہوں نے ان کی طلاق کی وجوہات پر تبصرہ کرنے سے گریز کیا۔

انہوں نے مزیدکہا کہ بھارتیوں اور پاکستانیوں کے درمیان شادی اتحاد کی علامت ہے اور یہ دونوں ممالک کے درمیان تعلقات کو مضبوط بنانے کی صلاحیت رکھتی ہے۔

واضح رہے کہ اس سے قبل راکھی ساونت نے اپنے سوشل میڈیا پلیٹ فارم انسٹاگرام پر ایک وائرل ویڈیو شیئر کی تھی جس میں پاکستانی اداکار دودی خان انہیں شادی کے لیے پروپوز کر رہے ہیں۔

دودی خان نے کی اس ویڈیو میں انہوں نے راکھی ساونت کو عمرے کی مبارک باد دینے کے بعد سوال کیا کہ بارات لے کر بھارت آؤں یا دبئی؟

View this post on Instagram

A post shared by Dodi Khan (@dodi_khan)

یاد رہے کہ کچھ دن قبل پاکستانی یوٹیوبر کو دیے گئے انٹرویو میں راکھی ساونت نے ہانیہ عامر، ڈانسر نرگس اور دیدار کو پاکستانی گانوں پر ڈانس کے مقابلے کا چیلنج دیا تھا۔ راکھی ساونت نے پاکستانی ڈانسرز اور اداکاراؤں کو ڈانس چیلنج کرتے ہوئے دعویٰ کیا تھا کہ وہ پاکستانی رقاصاؤں کو پیچھے چھوڑ دیں گی۔

راکھی ساونت کا کہنا تھا کہ وہ ہانیہ عامر، ڈانسر دیدار اور رقاصہ نرگس کو بیک وقت پیچھے چھوڑ دیں گی، پاکستانی اداکارائیں ان جیسا ڈانس نہیں کر سکتیں۔ان کا کہنا تھا کہ وہ مسلسل 24 گھنٹے تک ڈانس کر سکتی ہیں اور ان کا چیلنج ہے کہ کوئی بھی ان سے ڈانس میں آگے نہیں جا سکتا۔

بھارتی اداکارہ کا یہ بھی کہنا تھا کہ اگر وہ اور پاکستانی اداکارائیں ڈانس مقابلہ کریں گی تو دیکھنے والے پانی پانی ہوجائیں گے، ان سے ڈانس دیکھا نہیں جائے گا۔
مزیدپڑھیں:عمران خان کا بڑا فیصلہ،بین الاقوامی سطح پر رؤف حسن کی سر براہی میں بنی کمیٹی تحلیل کر دی