بلوچستان: بھاری مقدار میں اعلیٰ کوالٹی کی غیر ملکی شراب پکڑی گئی
اشاعت کی تاریخ: 31st, January 2025 GMT
کراچی:
پاکستان کوسٹ گارڈز نے بلوچستان کے علاقے گڈانی اور سپر ہائی وے روڈ چیک پر اسمگلنگ کی کوششوں کو ناکام بناتے ہوئے غیر ملکی شراب کی بھاری مقدار ضبط کرلی۔
انٹیلی جنس کی بنیاد پر کی گئی کارروائیوں میں گڈانی کے نزدیک سمندر کے راستے اسمگل کی جانے والی 1973 بوتلیں اعلیٰ کوالٹی کی غیر ملکی شراب ضبط کی گئیں۔
ایک اور کارروائی کے دوران سپر ہائی وے روڈ چیک پر مسافر کوچ کے ذریعے اسمگل کی جانے والی 102 بوتلیں برآمد کی گئیں۔
یہ شراب اندرونِ ملک اسمگل کی جا رہی تھی اور اس کی عالمی مارکیٹ میں قیمت تقریباً 63 ہزار امریکی ڈالر (70 لاکھ پچاس ہزار سات سو پاکستانی روپے) کے قریب ہے۔
پکڑی جانے والی شراب کو قبضے میں لے کر قانونی کارروائی کا آغاز کر دیا گیا ہے۔
پاکستان کوسٹ گارڈز کے ڈائریکٹر جنرل نے کارروائیوں میں شامل افسران اور جوانوں کی کارکردگی کو سراہا۔
.ذریعہ: Express News
پڑھیں:
بی بی کی رپورٹس کام کر گئیں،بانی تحریک انصاف کا پی ٹی آئی کے پی میں عاطف خان گروپ پر اعتماد بڑھ گیا ،تبدیلی کا امکان ،سینئر تجزیہ نگار کاشف رفیق کا انکشاف
بی بی کی رپورٹس کام کر گئیں،بانی تحریک انصاف کا پی ٹی آئی کے پی میں عاطف خان گروپ پر اعتماد بڑھ گیا ،تبدیلی کا امکان ،سینئر تجزیہ نگار کاشف رفیق کا انکشاف WhatsAppFacebookTwitter 0 28 January, 2025 سب نیوز
اسلام آباد (سب نیوز )بی بی کی رپورٹس کام کر گئیں،بانی تحریک انصاف کا پی ٹی آئی کے پی میں عاطف خان گروپ پر اعتماد بڑھ گیا ۔سینئر تجزیہ نگار کاشف رفیق نے انکشاف کیا ہے کہ وزیر اعلی کے پی علی امین گنڈا پور کی مشکلات بڑھنے والی ہیں۔ان کے خلاف بانی پی ٹی آئی کی اہلیہ بشری بیگم کی رپورٹس پر کاروائی کی جا سکتی ہے اور بطور وزیر اعلی انہیں ہٹائے جانے کا بھی امکان ہے۔
نجی ٹی وی کے پروگرام میں گفتگو کرتے ہوئے کاشف رفیق نے مزید کہا کہ پارٹی صدارت ، چیئرمین پی اے سی کی کرسی کے بعد وزارت اعلی کے پی بھی عاطف خان گروپ کے پاس جا سکتی ہے۔انہوں نے مزید کہا کہ بابر سلیم اور شکیل خان ،شہرام تراکئی اور عاطف خان کا گروپ اس وقت مضبوط پوزیشن میں ہے۔
کے پی میں شیخ وقاص اکرام علی امین گنڈا پور کے سفارشی تھی انہیں بھی سائیڈ لائن کیا جا سکتا ہے۔انہوں نے مزید بتایا کہ وزات اعلی کیلئے بشری بیگم بابر سلیم سواتی کی سپورٹ کر رہی ہیں جبکہ مراد سعید سہیل آفریدی کو سپورٹ کر رہے ہیںاس لیے آنے والے دنوں میں وزارت اعلی کی کرسی پر بھی کوئی نیاچہرہ آسکتاہے۔
اسپیکر آزادکشمیر چودھری لطیف اکبر کے قافلے پر فائرنگ،2افراد زخمی