’ہمارے ٹیلنٹڈ لڑکے نے امریکی خاتون کو فٹ پاتھ پر لاکر بٹھا دیا‘، کامران ٹیسوری کی ویڈیو وائرل
اشاعت کی تاریخ: 31st, January 2025 GMT
پاکستانی نوجوان کی محبت میں گرفتار ہوکر کراچی پہنچنے والی امریکی خاتون اونیجا اینڈریورابنس جو ان دنوں خبروں میں ہیں، ان کے بارے میں گورنر سندھ کامران ٹیسوری اور میئر کراچی مرتضیٰ وہاب بھی تبصرہ کیے بنا نہ رہ سکے۔
کامران ٹیسوری نے کہا کہ ’لوگ امریکن پاسپورٹ لینے کے لیے وہاں جاتے ہیں لیکن ہمارے ٹیلنٹڈ لڑکے کو دیکھو کہ امریکن پاسپورٹ سمیت خاتون کو فٹ پاتھ پر لا کر بٹھا دیا‘۔
میئر کراچی مرتضیٰ وہاب نے کہا ہے کہ کراچی والے بڑے دل والے ہیں، لوگ امریکا جاتے ہیں اور ہم لوگوں کو یہاں بلاتے ہیں‘۔
یہ بھی پڑھیں: امریکی خاتون اونیجا پاکستان کیوں آئیں؟ اہم مقصد بتادیا
گورنر سندھ اور میئر کراچی کی ویڈیوز سوشل میڈیا پر وائرل ہوئیں تو صارفین کی جانب سے ان پر شدید تنقید کی گئی۔ ایک صارف نے ویڈیو شیئر کرتے ہوئے لکھا کہ یہ بے شرمی کی انتہا ہے۔
ان کا مزید کہنا تھا کہ انہیں اپنے ملک پر افسوس ہو رہا ہے کہ کیسے کیسے لوگ اس ملک پر حکومت کر رہے ہیں، ان کی ترجیحات دیکھیں۔ صارف نے کہا کہ ہم کیا تھے اور کہاں آ گئے ہیں۔
Utter disgrace!! I feel sorry for my country, the kinda cartoons ruling us.
— Ihtisham Ul Haq (@iihtishamm) January 30, 2025
ایک ایکس صارف نے لکھا کہ گورنر سندھ کو ایسا بیان دیتے ہوئے شرم آنی چاہیے۔
حالانکہ اس پہ گورنر صاحب کو شرم آنی چاہئیے pic.twitter.com/p5246UId6V
— Ranjha (@RanjhaMH) January 30, 2025
ایک صارف کا کامران ٹیسوری کی ویڈیو پر ردعمل دیتے ہوئے کہنا تھا کہ یہ بہت شرمناک رویہ ہے۔
It’s shameful behavior
— Germantown (@Rajoo834533823) January 30, 2025
جہاں کئی صارفین کامران ٹیسوری پر تنقید کرتے نظر آئے، وہیں چند صارفین کا کہنا تھا کہ مذاق کی بات کو سنجیدہ نہیں لیتے۔ باقی گورنر صاحب ایسی بات کبھی نہیں کرتے۔
مزاق کی بات کو سیریس نہیں لیتے باقی گورنر صاحب ایسی بات کبھی نہیں کرتے
— AQiB Majeed (@Cheifkat23) January 30, 2025
واضح رہے کہ امریکا کی ریاست نیویارک سے تعلق رکھنے والی 33 سالہ اونیجا اینڈریو رابنس کراچی کے رہائشی 19 سالہ ندال میمن سے سوشل میڈیا پر محبت میں مبتلا ہونے کے بعد کراچی پہنچی تھیں۔
والدین کی ناراضی پر نوجوان اس خاتون کو چکمہ دے کر غائب ہوا تو خاتون جو رقم لائی تھی، اس کی مدد سے کچھ دن گزارے اور پھر دربدر ہوگئی۔ ذرائع کے مطابق 19 سالہ نوجوان شادی کے لیے راضی تھا تاہم گھر والوں نے قطعی انکار کردیا تھا۔
یہ بھی پڑھیں: امریکی خاتون اونیجا کا حکومت سے ایک لاکھ ڈالر کا مطالبہ، مستقبل کے ارادے بھی بتادیے
میڈیا کے سوالوں کے جواب دیتے ہوئے اونیجا کا کہنا تھا کہ وہ پیسوں کے لیے شادی نہیں کرتی کیونکہ پیسہ کچھ نہیں ہے۔
’میرے پاس پیسہ ہے اور یہاں سب کے پاس پیسہ ہے۔‘
اونیجا نے بتایا کہ وہ پہلے سے شادی شدہ ہیں لیکن ابھی تک ان کے بچے نہیں ہیں، ’ہم نے یوٹاہ میں آن لائن شادی کی تھی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکن خاتون کامران ٹیسور مرتضیٰ وہابذریعہ: WE News
کلیدی لفظ: امریکن خاتون کامران ٹیسور مرتضی وہاب کامران ٹیسوری امریکی خاتون کہنا تھا کہ کے لیے
پڑھیں:
گورنر سندھ کامران ٹیسوری سے ایرانی قونصل جنرل حسن نوریان کی ملاقات
گورنر سندھ نے کہا کہ پاکستان اور ایران کے درمیان برادرانہ تعلقات ہیں جنہیں مزید مضبوط بنانے کی ضرورت ہے۔ انہوں نے مختلف شعبوں میں مشترکہ منصوبوں اور تجارتی سرگرمیوں میں وسعت کی اہمیت پر زور دیا۔ ایرانی قونصل جنرل حسن نوریان نے حکومتِ سندھ کی جانب سے تعاون پر شکریہ ادا کرتے ہوئے کہا کہ ایران پاکستان کے ساتھ ہر ممکن تعاون کو فروغ دینے کا خواہاں ہے۔ متعلقہ فائیلیںاسلام ٹائمز۔ گورنر سندھ کامران ٹیسوری سے ایرانی قونصل جنرل حسن نوریان نے گورنر ہاؤس میں ملاقات کی۔ ملاقات کے دوران پاک ایران دوطرفہ تعلقات، تجارتی مواقع، اور مختلف شعبوں میں باہمی تعاون کو فروغ دینے پر تفصیلی تبادلہ خیال کیا گیا۔ اس موقع پر گورنر سندھ نے کہا کہ پاکستان اور ایران کے درمیان برادرانہ تعلقات ہیں جنہیں مزید مضبوط بنانے کی ضرورت ہے۔ انہوں نے مختلف شعبوں میں مشترکہ منصوبوں اور تجارتی سرگرمیوں میں وسعت کی اہمیت پر زور دیا۔ ایرانی قونصل جنرل حسن نوریان نے حکومتِ سندھ کی جانب سے تعاون پر شکریہ ادا کرتے ہوئے کہا کہ ایران پاکستان کے ساتھ ہر ممکن تعاون کو فروغ دینے کا خواہاں ہے۔ ملاقات خوشگوار ماحول میں ہوئی جس میں مستقبل میں مزید روابط کو فروغ دینے پر اتفاق کیا گیا۔
دہشتگردی کا خاتمہ… ترقی وخوشحالی کا ضامن