ون بیلٹ ون روڈ پاک چین دوستی کا جیتا جاگتا ثبوت ہے، عطاءاللہ تارڑ
اشاعت کی تاریخ: 31st, January 2025 GMT
اسلام آباد(نیوز ڈیسک) وفاقی وزیر اطلاعات عطاء اللہ تارڑ نے چین کے نئے قمری سال اور موسم بہار کی تقریب سے خطاب کرتے ہوئے پاک چین دوستی کو لازوال اور تاریخی قرار دیا۔ انہوں نے کہا کہ پاکستان اور چین کے درمیان تعلقات نہ صرف حکومتی سطح پر بلکہ عوامی سطح پر بھی گہرے اور والہانہ ہیں۔
عطاء اللہ تارڑ نے پاک چین تعلقات کو ہمالیہ سے بلند، سمندروں سے گہرا اور شہد سے میٹھا قرار دیتے ہوئے کہا کہ دونوں ممالک سرحدوں کے ساتھ ساتھ پہاڑ اور شاہراہیں بھی مشترک رکھتے ہیں۔ انہوں نے اپنے ذاتی تجربات کا ذکر کرتے ہوئے بتایا کہ وہ چین کے ایکسچینج پروگرامز میں چھ مرتبہ شامل ہو چکے ہیں اور ہر بار چین میں جا کر اپنائیت اور عزت کا احساس ہوا۔
وفاقی وزیر نے کہا کہ چین کے صدر شی جن پنگ کا “ون بیلٹ، ون روڈ” منصوبہ ایک شاندار اقتصادی اقدام ہے، جس سے خطے کی معیشت کے ثمرات وابستہ ہیں۔ انہوں نے سی پیک کے پہلے مرحلے کی کامیاب تکمیل اور دوسرے مرحلے کی جانب پیش رفت کا ذکر کرتے ہوئے کہا کہ گوادر ایئرپورٹ کا افتتاح ایک بڑا سنگ میل ہے اور اس سے پاک چین اقتصادی تعاون کو مزید تقویت ملے گی۔
انہوں نے کہا کہ پاک چین دوستی کسی موسم کی محتاج نہیں، بلکہ یہ ایک ایسا لازوال رشتہ ہے جو ہر آزمائش میں پورا اترا ہے۔ انہوں نے اس عزم کا اظہار کیا کہ پاکستان اور چین کی دوستی کو آنے والی نسلوں تک مضبوط تر بنا کر پہنچایا جائے گا۔
عطاء اللہ تارڑ نے وزیراعظم شہباز شریف کے حالیہ دورہ چین کا حوالہ دیتے ہوئے کہا کہ اس دورے کے دوران صدر شی جن پنگ کے آبائی شہر شیان کا دورہ بھی کیا گیا، جو پاک چین تعلقات کی مضبوطی کا مظہر ہے۔
وفاقی وزیر اطلاعات نے چینی قیادت اور عوام کا شکریہ ادا کرتے ہوئے کہا کہ چین نے ہمیشہ پاکستان کے ساتھ بھرپور تعاون کیا ہے۔ انہوں نے اس عزم کا اظہار کیا کہ پاک چین دوستی کے مضبوط رشتے کو برقرار رکھنے اور مزید مستحکم کرنے کے لیے وہ آخری سانس تک اپنا کردار ادا کرتے رہیں گے۔
.ذریعہ: Daily Mumtaz
کلیدی لفظ: پاک چین دوستی ہوئے کہا کہ کرتے ہوئے انہوں نے ہوئے کہ چین کے کہ پاک
پڑھیں:
’آپ دوسروں کے خاندان بیچ رہے ہیں‘، رجب بٹ کی ایک بار پھر فہد مصطفیٰ پر تنقید
یوٹیوبر رجب بٹ نے ایک بار پھر اداکار فہد مصطفیٰ پر تنقید کرتے ہوئے کہا ہے کہ عزت کرو گے تو عزت ملے گی۔ انہوں نے کہا کہ سینئر وہی ہوتا ہے جو اپنی عزت خود کرائے۔
حال ہی میں رجب بٹ نے ایک پوڈ کاسٹ میں شرکت کی جہاں انہوں نے مختلف موضوعات پر کھل کر بات کی۔ اینکر نے جب ان سے فہد مصطفیٰ سے متعلق سوال کیا تو جواب میں رجب بٹ کا کہنا تھا کہ اگر آپ سینئر ہیں تو آپ کو سینئر کی طرح ہی برتاؤ کرنا چاہیے۔ انہوں ںے کہا کہ اگر وہ کسی نویں جماعت کے طالب علم کو کچھ برا بولیں گے تو وہ بھی انہیں وہیں چپ کرا دے گا۔
رجب بٹ کا کہنا تھا کہ ’میرے نانا ابو کہتے تھے کہ سینئرز کی سب سے بڑی خوشی یہ ہوتی ہے کہ ان کے جونیئر آگے آئیں۔ تو اگر ہم آگے آ رہے ہیں تو آپ نفرت کیوں کرتے ہیں، اور کیوں کہتے ہیں کہ سب اپنا خاندان بیچ رہے ہیں‘۔
یو ٹیوبر نے فہد مصفطیٰ پر تنقید کرتے ہوئت کہا کہ ’آپ کیا کرتے ہو، آپ دوسروں کے خاندان بیچ رہے ہو‘، انہوں نے کہا کہ ’ اگر ڈرامے ٹی وی چینلز پر ہٹ ہیں تو آپ انہیں اپنے یوٹیوب چینلز پر کیوں اپ لوڈ کرتے ہیں جن کے 60 ملین سبسکرائبرز ہیں‘۔
انہوں نے مزید کہا کہ ’ پیسے تو آپ بھی یوٹیوب سے کماتے ہیں پھر صرف پیمرا سے پیسے کمائیں۔ لیکن پیسے یوٹیوب سے بھی کمانے ہیں لیکن دوسروں کو کہنا ہے کہ یہ اپنا خاندان بیچ رہے ہیں‘۔ ان کا کہنا تھا کہ اگر سوشل میڈیا تو گند ہے پھر اسے چھوڑ دیں۔
یہ بھی پڑھیں: ویڈیو میں 295 کا ذکر، معروف یوٹیوبر رجب بٹ نے وضاحت پیش کردی
رجب بٹ کے مطابق انہوں نے فہد مصفطیٰ کا کوئی ڈرامہ نہیں دیکھا لیکن انہیں فہد مصطفیٰ پہلے جیتو پاکستان کی وجہ سے اچھے لگتے تھے لیکن اس جب میں نے ان کا بیان سنا کہ ایک سینئر ایسی بات کر رہا ہے تو وہ میرے دل سے اتر گئے۔
رجب بٹ نے فہد مصطفیٰ کو مشورہ دیتے ہوئے کہا کہ جب کوئی جونیئر آگے آ رہا ہوتا ہے تو انہیں سراہیں نہ کہ کوئی ایسی حرکت کریں کہ آپ ان کے دل سے ہمیشہ کے لیے اتر جائیں۔
واضح رہے کہ پاکستان کے مشہور یوٹیوبر رجب بٹ ان دنوں پرفیوم 295 کے نام پر ہونے والی بحث کے بعد سرخیوں میں ہیں اور وہ پاکستان چھوڑ کر جا چکے ہیں اس سے قبل وہ معروف پروڈیوسر و اداکار فہد مصطفیٰ کے حوالے سے سرخیوں میں تھے کیونکہ فہد مصفطیٰ نے فیملی وی لاگنگ پر تنقید کی تھی جس پر رجب بٹ نے انہیں تنقید کا نشانہ بنایا تھا۔
یہ بھی پڑھیں: ’فہد مصطفیٰ کون ہیں‘، فیملی وی لاگنگ کی مخالفت پر رجب بٹ کی اداکار پر تنقید
اداکار فہد مصطفیٰ نے ایک شو میں یو ٹیوبرز پر تنقید کرتے ہوئے کہا تھا کہ ان کے پاس کانٹینٹ نہیں ہے بلکہ سب اپنے خاندان ہی کو یو ٹیوب پر بیچ رہے ہیں۔ حتیٰ کہ لوگ قبرستان تک کو نہیں چھوڑتے اور قبر پر جا کر لوگوں سے دعاؤں کی اپیل کرتے ہیں۔ انہوں نے کہا تھا کہ وہ یو ٹیوب پر اپنا گھر اور اپنا آپ نہیں بیچ سکتے۔
رجب بٹ نے جواباً کہا کہ ’فہد مصطفیٰ کون ہیں‘۔ ان کا کہنا تھا کہ سینئر اپنی عزت خود کرواتے ہیں۔
یہ بھی پڑھیں: ’فہد مصطفیٰ کون ہیں‘، فیملی وی لاگنگ کی مخالفت پر رجب بٹ کی اداکار پر تنقید
رجب بٹ نے کہا کہ فہد مصطفیٰ ایک سینئر کے ساتھ بیٹھ کر یہ بات کہہ رہے تھے کہ وہ اپنی فیملی فروخت نہیں کرسکتے۔ انہوں نے تنقید کرتے ہوئے کہا کہ کہ آپ لوگوں کی فیملی فروخت کر سکتے ہیں۔ یوٹیوبر نے کہا کہ ڈراموں میں کام کیسے ملتا ہے یہ بات کسی سے چھپی ہوئی نہیں ہے۔
انہوں نے کہا کہ سینئر وہ ہوتا ہے جو اپنی عزت خود کروائے، اللہ کا شکر ہے کہ میں اپنا کما اور کھا رہا ہے جبکہ میں نے آج تک ڈراموں کے لیے کوئی رول بھی نہیں مانگا۔
یوٹیوبر نے کہا ’آپ شو میں کہتے ہیں ’مجھے لڑکیاں چاہیں‘، کیا اُس وقت آپ کسی فیملی کو ڈسٹرب نہیں کررہے ہوتے؟ ہم تو اپنے گھر میں بیٹھ کر کام کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رجب بٹ فہد مصفطیٰ
گھر سے بے دخل خاتون ٹک ٹاکر نے نہر میں چھلانگ لگا دی