ریلوے ٹکٹوں کی واپسی پر 100 فیصد تک رقم حاصل کی جاسکے گی
اشاعت کی تاریخ: 31st, January 2025 GMT
کراچی(اسٹاف رپورٹر) پاکستان ریلوے نے ٹکٹوں کی نئی پالیسی جاری کر دی ہے، حکام کی جانب سے نئی ریفنڈ پالیسی کا اعلان کیا گیا ہے۔ پاکستان ریلوے کے مطابق ریفنڈ پالیسی کے تحت ریلوے کے مسافر پوائنٹ آف سیل سے خریدے گئے ٹکٹوں کیلیے، ٹرین روانگی سے 48 گھنٹے قبل تک 90 فیصد رقم واپس لے سکیں گے۔ ریلوے ٹکٹوں کی واپسی کی یہ ریفنڈ پالیسی ’رابطہ‘ ایپ کے ذریعے خریدے گئے ٹکٹوں پر بھی لاگو ہوگی۔ ٹرین روانگی سے 24 سے 48 گھنٹے قبل تک 80 فیصد رقم واپس کی جائے گی۔ روانگی سے 24 گھنٹے کے اندر 70 فیصد رقم واپس کی جائے گی۔ ٹرین کی روانگی کے بعد 2 گھنٹے کے اندر 50 فیصد ریفنڈ دیا جائے گا، اگر ٹرین 6 گھنٹے یا اس سے زیادہ لیٹ ہو تو مکمل رقم واپس کی جائے گی۔ پوائنٹ آف سیل (پی او ایس) سے خریدے گئے ٹکٹوں کی واپسی صرف ان ہی کاؤنٹرز پر ہوگی۔ ریفنڈ لینے کیلیے مسافروں کو اصل ٹکٹ اور CNIC کی کاپی جمع کرانا ہوگی، جس پر انہیں کینسلیشن سلپ اور رقم دی جائے گی۔ آن لائن ٹکٹوں کا ریفنڈ صرف اسی آن لائن سروس کے ذریعے ممکن ہوگا، جس سے ادائیگی کی گئی ہو۔
.ذریعہ: Jasarat News
کلیدی لفظ: ٹکٹوں کی رقم واپس جائے گی
پڑھیں:
جولانی رجیم عنقریب ختم ہو جائے گی، شامی کرد رہنما
شام کے کرد باشندوں کے رہنما فتح اللہ حسینی نے اس بات پر زور دیا ہے کہ ابو محمد الجولانی کی سربراہی میں شام پر حکمفرما موجودہ رجیم بہت جلد ہی ختم ہو جائے گی کیونکہ اسے عوامی حمایت حاصل نہیں ہے اور بیرونی طاقتوں کے بل بوتے پر ہے۔ اسلام ٹائمز۔ شام میں صدر بشار اسد کی حکومت سرنگون ہو جانے کے چند ہفتے بعد ترکی کے صدر رجب طیب اردگان نے شام کے شمال اور مشرقی حصوں میں مقیم کرد باشندوں کو دھمکی دیتے ہوئے کہا تھا: "وہ یا تو ہتھیار پھینک دیں گے یا شام کی سرزمین میں ہی دفن کر دیے جائے گے۔" اس وقت پوری دنیا کے لیے واضح ہو چکا ہے کہ ابو محمد الجولانی جو اپنا نیا نام احمد الشرع بتاتا ہے، کی سرکردگی میں ھیئت تحریر الشام نامی دہشت گرد ٹولہ پوری طرح ترکی کی حمایت اور پشت پناہی سے برخوردار ہے۔ یہ ایسی حقیقت ہے جس کا انکار ترک حکمران اور ھیئت تحریر الشام کے دہشت گرد بھی نہیں کرتے۔ لہذا ہم دیکھتے ہیں کہ الجولانی کی سربراہی میں ھیئت تحریر الشام کے دہشت گرد رہنما بھی ترکی کا موقف دہرا رہے ہیں اور کرد باشندوں سے غیر مسلح ہو جانے کا مطالبہ کر رہے ہیں۔ اگرچہ کرد رہنماوں اور جولانی رجیم کے درمیان گفتگو اور مذاکرات کا سلسلہ جاری ہے لیکن یوں محسوس ہوتا ہے کہ شام حکومت اور فوج ختم ہو جانے کو ترک حکمران سنہری موقع سمجھ رہے ہیں اور جہاں تک ممکن ہے شام کی سرزمین پر قبضہ کرنے کے درپے ہیں۔ کرد باشندے زیادہ تر شام کے شمال اور مشرقی حصوں میں مقیم ہیں۔
شام کے کرد باشندوں کے رہنما فتح اللہ حسینی جو اس وقت عراق کے کرد نشین علاقوں میں مقیم ہیں، نے شام کے موجود حالات کے بارے میں گفتگو کرتے ہوئے کہا: "جب سے شام کے کرد باشندوں نے داعش کے تکفیری دہشت گردوں کے مقابلے میں مزاحمت کا آغاز کیا اور اپنے لوگوں کی حفاظت شروع کی ہے اس وقت سے ترکی ہمیں ترچھی نگاہوں سے دیکھنے لگا ہے۔ ترکی کردوں سے شدید خوفزدہ ہے اور اپنی سرحدوں کے قریب کرد نشین علاقوں کو برداشت نہیں کر سکتا۔ سیرین ڈیموکریٹک فورسز یا ایس ڈی ایف ایسی فورس ہے جو صرف اپنا دفاع کرتی ہے اور ترکی یا کسی اور ملک کے لیے خطرہ نہیں ہے۔ ترکی نے اپنی پوری فوجی طاقت کردوں کے خلاف لگا رکھی ہے لیکن اب تک اسے کوئی کامیابی حاصل نہیں ہوئی اور وہ شام میں مطلوبہ اہداف حاصل کرنے میں ناکام رہا ہے۔ ہمیں شام کی نگران حکومت سے کوئی مسئلہ نہیں ہے چونکہ یہ ایسی حکومت ہے جس نے خود کو دمشق پر مسلط کیا ہے اور اس کے پاس یکم مارچ تک عوام کا اعتماد حاصل کرنے کا موقع ہے۔ میں نہیں سمجھتا کہ وہ عوام کو اعتماد میں لے پائے گی۔ عرب باشندوں اور مذہبی اقلیتوں کے خلاف انتقامی کاروائیاں اور دمشق کے اردگرد کے علاقوں میں عوام کے خلاف شدت پسندانہ اقدامات کے باعث شام کے عوام ان سے شدید متنفر ہیں۔"
پاکستان کی چین کو تل کی برآمدات 226 ملین ڈالر سے تجاوز کرگئیں