آذربائیجان کا مواصلات و دیگر شعبوں میں سرمایہ کاری کیلیے اظہار دلچسپی
اشاعت کی تاریخ: 31st, January 2025 GMT
باکو (اے پی پی) وفاقی وزیر مواصلات، نجکاری اور سرمایہ کاری بورڈ عبدالعلیم خان کی اعلیٰ سطحی وفد کے ساتھ آذربائیجان میں وزیر ڈیجیٹل ڈیولپمنٹ اینڈ ٹرانسپورٹ راشد نبی اوف سے ملاقات ہوئی ہے، اجلاس
میں نیشنل ہائی وے اتھارٹی کے چیئرمین نے ایم 6 اور ایم 9 موٹرویز کے منصوبوں پر بریفنگ دی جبکہ آذربائیجان کے حکام سے پاکستان سے ریل، روڈ اور دیگر ذرائع مواصلات پر باہمی شراکت داری پر مذاکرات ہوئے۔ اجلاس میں دونوں اطراف سے اعلیٰ سطحی وفود کے ساتھ فیصلہ ہوا کہ آذربائیجان پاکستان میں بالخصوص موٹرویز ایم 6 اور ایم 9 سکھر، حیدرآباد، کراچی میں سرمایہ کاری کیلیے فیزیبلٹی اور دیگر امور کے جائزے کیلیے اپنا وفد فروری میں بھیجے گا۔ مزید برآں پاکستان اور آذربائیجان کے مابین شاہراہوں کی تعمیر کیلیے بزنس ٹو بزنس اور گورنمنٹ ٹو گورنمنٹ اشتراک کے آپشنز پر بھی غور کیا گیا۔ دوران اجلاس عبدالعلیم خان نے آذربائیجان کے وزیر ٹرانسپورٹ راشد نبی اوف سے گفتگو میں کہا کہ پاکستان سے وسط ایشیائی ریاستوں تک ذرائع آمد و رفت کو بہتر بنانا اشد ضروری ہے اور اس ضمن میں دونوں ممالک نمایاں پیشرفت کرسکتے ہیں۔ آذربائیجان کے وزیر راشد نبی اوف نے کہا کہ آذربائیجان پاکستان کے ساتھ دوطرفہ تعاون اور سرمایہ کاری میں نمایاں پیشرفت کا خواہاں ہے اور وفاقی وزیر عبدالعلیم خان کی قیادت میں اس وفد کے دورے سے اس ضمن میں مثبت پیشرفت ہوگی۔
آذربائیجان
ذریعہ: Jasarat News
کلیدی لفظ: آذربائیجان کے سرمایہ کاری
پڑھیں:
ممبئی: یوکرینی اداکار پونزی اسکینڈل میں گرفتار، سینکڑوں افراد کو دھوکہ دیا گیا
ممبئی میں پونزی اسکیم کے ذریعے سینکڑوں لوگوں کو دھوکہ دینے کے الزام میں ایک یوکرینی اداکار ارمین اٹائن کو گرفتار کر لیا گیا۔
اس اسکینڈل کے تحت لوگوں کو قیمتی پتھروں، سونے اور چاندی میں سرمایہ کاری پر بھاری منافع کا لالچ دیا گیا تھا۔
ٹوریس جیولری نے فروری 2024 میں ممبئی اور اس کے مضافات میں چھ اسٹورز کھولے تھے۔ یہ اسٹورز قیمتی جواہرات بیچنے کے ساتھ ساتھ ایک بونس اسکیم کی پیشکش بھی کر رہے تھے، جس میں 1 لاکھ روپے کی سرمایہ کاری پر 10 ہزار روپے کے قیمتی پتھر کا لاکٹ دیا جاتا تھا۔
سرمایہ کاروں کو 6 فیصد سالانہ منافع دینے کا وعدہ کیا گیا تھا، جو بعد میں 11 فیصد تک پہنچا دیا گیا۔ شروعات میں سرمایہ کاروں کو کچھ ادائیگیاں کی گئیں، لیکن دو ماہ قبل یہ ادائیگیاں بند ہو گئیں۔
اس ماہ کے آغاز میں، کمپنی نے یوٹیوب پر ایک ویڈیو جاری کرتے ہوئے اعلان کیا کہ 5 جنوری تک سرمایہ کاری کرنے والوں کو 11 فیصد منافع ملے گا، لیکن اگلے دن تمام اسٹورز اچانک بند کر دیے گئے۔
اس اسکینڈل کے زیادہ تر متاثرین متوسط طبقے کے لوگ، سبزی فروش اور چھوٹے تاجر ہیں۔ ایک اندازے کے مطابق، صرف سات شکایت کنندگان نے پولیس کو بتایا کہ انہوں نے مجموعی طور پر 13 کروڑ روپے کی سرمایہ کاری کی تھی۔
ایک متاثرہ خاتون نے بتایا کہ اسکیم کے بروشر میں کمپنی کے GST اور CIN نمبر درج تھے، جس سے انہیں اعتماد ہوا۔ "ہم حکومت سے درخواست کرتے ہیں کہ ہمیں ہمارا پیسہ واپس دلائے۔"
ٹوریس کے یوٹیوب اکاؤنٹ پر حال ہی میں ایک ویڈیو جاری کی گئی، جس میں دعویٰ کیا گیا کہ کمپنی کے سی ای او توصیف ریاض اور چیف اینالسٹ ابھشیک گپتا نے کمپنی کے ساتھ دھوکہ کیا اور اسٹورز کو لوٹ لیا۔
بینچز اختیارات کیس، ایڈیشنل رجسٹرار توہین عدالت کیس کا فیصلہ کل سنایا جائے گا