اشتہار.
ذریعہ: Jasarat News
پڑھیں:
عامر خان کی حیران کن تبدیلی، فلم یا اشتہار؟ سوشل میڈیا پر قیاس آرائیاں
ممبئی: بالی وڈ کے "مسٹر پرفیکشنسٹ” عامر خان ایک بار پھر اپنی منفرد اداکاری سے سب کو حیران کرنے کے لیے تیار ہیں۔ حالیہ دنوں میں ایک ویڈیو وائرل ہوئی ہے جس میں انہیں ایک غار کے دور کے انسان (Caveman) کے روپ میں دیکھا جا سکتا ہے۔
ویڈیو میں عامر خان کو پروستھیٹکس، نقلی داڑھی اور مخصوص میک اپ کے ساتھ مکمل طور پر بدلا ہوا دیکھا گیا، جب کہ ان کے پرانے اور بوسیدہ کپڑوں نے ان کے اس انداز کو مزید حقیقت کے قریب کر دیا ہے۔
سوشل میڈیا پر ویڈیو سامنے آتے ہی صارفین قیاس آرائیاں کر رہے ہیں کہ آیا یہ کسی فلم کا سین ہے یا کسی کمرشل کا حصہ؟ کچھ رپورٹس کے مطابق، یہ صرف ایک اشتہار کے لیے کیا گیا ہے، تاہم عامر خان کے مداح اصل حقیقت جاننے کے منتظر ہیں۔
ایک اور ویڈیو میں ممبئی کی سڑکوں پر ایک لمبی داڑھی والے شخص کو پھٹے پرانے کپڑوں میں گھومتے دیکھا گیا، جسے لوگ عامر خان سمجھ رہے ہیں۔ یہ منظر دیکھ کر مداحوں نے سوشل میڈیا پر تبصرے اور تجزیے شروع کر دیے ہیں۔
واضح رہے کہ عامر خان نے "لال سنگھ چڈھا” کی ناکامی کے بعد فلمی دنیا سے وقفہ لے لیا تھا، مگر اب وہ اپنی نئی فلم "ستارے زمین پر” کے ذریعے واپسی کر رہے ہیں۔ یہ فلم 2007 کی سپرہٹ فلم "تارے زمین پر” کا تسلسل قرار دی جا رہی ہے، جس میں ایک اور سماجی مسئلے کو اجاگر کیا جائے گا۔
امریکا کی طالبان رہنماؤں کے سروں کی قیمت لگانے کی دھمکی