سعودی عرب میں انٹرپول کے لیے علاقائی دفتر قائم
اشاعت کی تاریخ: 31st, January 2025 GMT
ریاض (انٹرنیشنل ڈیسک) سعودی عرب بین الاقوامی فوجداری پولیس کی تنظیم انٹرپول کے علاقائی ہیڈ کوارٹر کا میزبان بن گیا ۔ تنظیم کے صدر میجر جنرل احمد الرئیسی اور تنظیم کے سیکرٹری جنرل والدیسی ارکیزا کی موجودگی میں میزبانی کے معاہدے پر دستخط کیے گئے۔ یہ علاقائی دفتر خطے میں سیکورٹی ایجنسیوں کا مرکز ہوگا۔ اس موقع پر سعودی وزیر داخلہ شہزادہ عبدالعزیز بن سعود نے کہا کہ اس اقدام سے خطے میں انٹرپول کے کام میں اضافہ ہو گا ۔ خبررساں اداروں کے مطابق ریاض حکومت کی جانب سے انٹرپول کے پروگرام کے لیے 10لاکھ یورو کا تعاون کیا گیا ہے،جس سے سرحدی گزرگاہوں کی نگرانی اور تکنیکی میدان میں صلاحیتوں کو نکھارنے میں مدد ملے گی۔
.ذریعہ: Jasarat News
کلیدی لفظ: انٹرپول کے
پڑھیں:
انسداد دہشت گردی میں پاکستان کے کردار پر نیشنل ڈیفینس یونیورسٹی میں سیمینار کا انعقاد
انسداد دہشت گردی میں پاکستان کے کردار کے حوالے سے نیشنل ڈیفینس یونیورسٹی اسلام آباد میں بین الاقوامی سیمینار کا انعقاد انسٹی ٹیوٹ برائے اسٹریٹجک اسٹڈیز، ریسرچ اینڈ اینالیسس کے زیر اہتمام کیا گیا تھا۔
سیمینار میں افغانستان کے ڈاکٹر حضرت عمر زاخیلوال، ایرانی پروفیسر ڈاکٹر سید محمد مرندی اور امریکی سفیر این ووڈز پیٹرسن سمیت پاکستان کے سفیر سید ابرار حسین نے شرکت کی۔
یہ بھی پڑھیں: امریکی پابندیوں کے پاکستان پر کیا اثرات مرتب ہوسکتے ہیں؟
سیمینار میں اس امر پر اتفاق کیا گیا کہ گزشتہ 2 دہائیوں کے دوران پاکستان عالمی جنگ برائے انسداد دہشت گردی میں صف اول میں رہا ہے اور علاقائی و عالمی امن کے لیے بے شمار قربانیاں دی ہیں۔
مقررین نے کہا کہ دہشت گردی کے نیٹ ورکس کے خاتمے سے لے کر آپریشن ضربِ عضب اور رد الفساد جیسے وسیع پیمانے پر فوجی آپریشنز تک، پاکستان کی مسلح افواج، انٹیلی جنس ایجنسیاں، قانون نافذ کرنے والے ادارے، اور پوری قوم نے غیرمعمولی عزم و ہمت کا مظاہرہ کیا ہے۔
مزید پڑھیں: پاکستان میں 9 مئی جیسے پرتشدد واقعات کے خلاف ہیں، امریکا
ماہرین کے مطابق پاکستان کی ان کوششوں کے نتیجے میں شمالی وزیرستان اور سوات جیسے حساس علاقوں میں امن بحال ہوا اور ملک بھر میں دہشت گردی کے واقعات میں نمایاں کمی آئی، تاہم 2021 میں افغانستان سے امریکا کے اچانک انخلا کے باعث پاکستان میں عسکریت پسندی کی سرگرمیاں دوبارہ بڑھنے لگی ہیں۔
سیمینار کے منتظمین کے مطابق سیمینار کا انعقاد انسداد دہشت گردی اور علاقائی استحکام میں گہری دلچسپی کا مظہر ہے، سیمینار کا مقصد پاکستان کی انسداد دہشت گردی کی حکمت عملیوں، علاقائی تعاون، اور انتہا پسندی کے خاتمے کے لیے پالیسی فریم ورک کا جائزہ لینا تھا تاکہ جنوبی ایشیا میں امن کو یقینی بنایا جا سکے۔
مزید پڑھیں: انسداد دہشت گردی سے متعلق پہلی پاک امریکا فوجی مشقوں کا اختتام
سیمینار کے اختتام پر پاکستان، افغانستان، ایران اور دیگر علاقائی ممالک کے درمیان انسداد دہشت گردی کے لیے مزید گہرے تعاون اور خطے میں سیکیورٹی فریم ورک کو مضبوط بنانے پر زور دیا گیا
سیمینار میں وزیر دفاع خواجہ محمد آصف اور سفیر محمد صادق سمیت اعلیٰ حکام، سیکیورٹی تجزیہ کاروں، سفارتکاروں، اسکالرز، صحافیوں اور یونیورسٹی کے طلبا کی کثیر تعداد نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹریٹجک اسٹڈیز اسلام آباد انسداد دہشت گردی خواجہ محمد آصف سوات شمالی وزیرستان نیشنل ڈیفینس یونیورسٹی وزیر دفاع
القرآن