بچوں کے اغوامیں اضافہ حکام کی مجرمانہ غفلت کانتیجہ ہے‘ فضل احد
اشاعت کی تاریخ: 31st, January 2025 GMT
کراچی ( پ ر)امیر جماعت اسلامی ضلع کیماڑی فضل احد نے شہر میں بچوں کے اغوا کی وارداتوں میں خطرناک اضافے کو پولیس اور انتظامیہ کی مجرمانہ غفلت قرار دیتے ہوئے قانون نافذ کرنے والے اداروں اور صوبائی حکومت کی جانب سے غیر سنجیدہ رویے پر شدید تشویش کا اظہار کیا ہے۔ انہوں نے کہا کہ حکومت اور پولیس کی غفلت کی وجہ سے مجرمانہ گروہ بے خوف ہو کر بچوں کو نشانہ بنا رہے ہیں۔ پولیس اغواکاروں کے خلاف سخت سے سخت کاروائی کرے، سی سی ٹی وی کے نظام کو شہر میں فعال کرنے کی ضرورت ہے۔ انہوں نے عوام سے اپیل کی کہ وہ بچوں کو گلیوں یا بازاروں میں اکیلے بھیجنے سے گریز کریں اور ان کی نقل و حرکت پر نظر رکھیں۔ فضل احد نے صوبائی حکومت پر بھی برہمی کا اظہار کرتے ہوئے کہا کہ اقتدار میں بیٹھے لوگوں کو عوامی سلامتی سے زیادہ اپنی سیاست کی فکر ہے۔ کراچی میں جرائم اغوا برائے تاوان، چوری اور ڈکیتی کی وارداتوں میں آئے دن اضافہ ہورہا ہے۔
.ذریعہ: Jasarat News
پڑھیں:
سرکاری اسکول میں بچوں کو دوپہر کا مفت کھانا فراہم کرنے کا فیصلہ
کراچی (اسٹاف رپورٹر)سندھ حکومت کا عالمی ادارہ خوراک کے اشتراک سے سرکاری اسکول میں بچوں کو دوپہر کا مفت کھانا فراہم کرنے کے حوالے سے فیصلہ کیا گیا ہے، اس ضمن میں وزیر تعلیم سندھ سردار علی شاہ اور ورلڈ فوڈ پروگرام کی کنٹری ڈائریکٹر کوکو اوشی یاما (Ms. Coco Ushiyama) کے درمیان ہونے والی ملاقات میں بچوں میں غذائیت کی کمی اور خوراک جیسے چیلینجز کے حوالے سے تبادلہ خیال کیا گیا۔ ملاقات میں اس بات پر اتفاق کیا گیا کہ پروگرام کا پہلا مرحلہ کراچی کے ضلع ملیر سے شروع کیا جائیگا جبکہ اس سلسلے میں اسکولز اور ملحقہ علاقوں کا بیس لائین سروے بھی کیا جائے گا، اس پروگرام کی مدد سے 11 ہزار بچوں اور بچیوں اسکول میں ‘‘ہاٹ میل لنچ بکس’’ مہیا کیے جائیں گے۔
بنگلا دیش سے پاکستان براہ راست فضائی آپریشن شروع کرنے کا ارادہ ہے‘ ہا ئی کمشنر