بجلی قیمتیں: جماعت اسلامی ضلع غربی کا مظاہرہ پونے پانچ اورنگی میں ہوگا
اشاعت کی تاریخ: 31st, January 2025 GMT
کراچی( اسٹاف رپورٹر) بجلی کی قیمتوں میں اضافے اور آئی پی پیز معاہدے کافائدہ عوام کو منتقل نہ کرنے کیخلاف امیر جماعت اسلامی پاکستان حافظ نعیم الرحمن کی اپیل پر ملک گیر احتجاجی مظاہرے کے سلسلے میں جماعت اسلامی ضلع غربی کے تحت آج بروز جمعہ شام 4بجے پونے پانچ چورنگی نزد الخدمت اسپتال احتجاجی مظاہرہ ہوگا‘ امیر ضلع غربی مدثر انصاری‘ جنرل سیکرٹری عبدالحنان خان، خالد شہباز، خالد زمان شیخ ودیگر خطاب کریں گے۔ جماعت اسلامی کے ضلعی سیکرٹری جنرل عبدالحنان نے کارکنان کو احتجاجی مظاہرے میں بروقت شرکت کی ہدایت کی ہے۔
.ذریعہ: Jasarat News
کلیدی لفظ: جماعت اسلامی
پڑھیں:
شکار پور: بے امنی کیخلاف جماعت اسلامی کا ایس ایس پی آفس پر دھرنا
شکارپور (نمائندہ جسارت) جماعت اسلامی سندھ کے امیر کاشف سعید احمد کی کال پر سندھ اور شکارپور میں بڑھتی ہوئی بے امنی کے خلاف جماعت اسلامی کی جانب سے ریلی اور ایس ایس پی آفس پر دھرنا دیا گیا، پرامن ریلی جہاز چوک سے نکالی گئی، جو مختلف راستوں سے ہوتے ہوئے ایس ایس پی آفس پہنچی جہاں دھرنا دیا گیا، دھرنے کی قیادت ڈپٹی جنرل سیکرٹری سندھ امداد اللہ بجارانی، امیر ضلع شکارپور عبدالسمیع بھٹی، امیر شہر مولانا صدار الدین مہر اور دیگر رہنماؤں نے کی، دھرنے میں جمعیت علماء اسلام، شکارپور بچاؤ تحریک، پیرامیڈیکل، جیئے سندھ محاذ، قومی عوام تحریک، جمعیت علماء پاکستان، ادیب ممتاز منگی امیر چانڈیو، سول سوسائٹی میاں ظفر علوی اور دیگر تنظیموں کے رہنماؤں، تاجروں اور وکلاء برادری نے شرکت کی۔ ریلی کے شرکاء نے حکومت کے خلاف نعرے بازی کی، امن کھپے، امن کھپے کے نعرے لگائے گئے، ایس ایس پی نے دھرنے میں پہنچ کر دھرنا ختم کرنے کے لیے رہنماؤں کو کہا لیکن جماعت اسلامی کے رہنماؤں نے مطالبات ماننے تک دھرنا ختم کرنے سے انکار کر دیا، دھرنے پر پولیس کی بھاری نفری پہنچ گئی۔ اس موقع پر رہنماؤں نے کہا کہ شکارپور میں روڈ راستوں سمیت گھر دکانیں بھی غیر محفوظ ہیں، قومی شاہراہ، نیشنل ہائی وے بھی غیر محفوظ ہو گئیں، اغواء برائے تاوان اور ڈکیتی کی وارداتیں روز کا معمول بن گئی ہیں۔
القرآن