والدین ہم قدم، تعلیم میں والدین کی شمولیت کے نئے دور کا آغاز
اشاعت کی تاریخ: 30th, January 2025 GMT
والدین ہم قدم، تعلیم میں والدین کی شمولیت کے نئے دور کا آغاز WhatsAppFacebookTwitter 0 30 January, 2025 سب نیوز
اسلام آباد(آئی پی ایس ) پاکستان میں تعلیم کے میدان میں ایک انقلابی قدم اٹھاتے ہوئے یونیسف پاکستان نے والدین ہم قدم پروگرام کے اثرات اور کامیابیوں کو اجاگر کرنے کے لیے سیرینا ہوٹل، اسلام آباد میں ایک شاندار ایونٹ کا انعقاد کیا۔والدین ہم قدم بصیرت سے اثر تک،تعلیم میں والدین کی شمولیت کا سفر” کے تحت، والدین کو تعلیمی عمل کا مرکزی ستون بنانے کے لیے جدید سماجی اور رویہ جاتی تبدیلی (SBC) کے اصولوں کو بروئے کار لایا گیا۔ اس منفرد مہم نے والدین کی شمولیت کے روایتی طریقوں میں ایک نئی روح پھونک دی، جس کے نتیجے میں پاکستان کے چھ شہروں میں سرکاری اسکولوں میں والدین اور اساتذہ کے درمیان مضبوط شراکت داری قائم ہوئی۔ 13,988 والدین کو اسکول، واٹس ایپ لرننگ پروگرامز، اور پیرنٹ ٹو پیرنٹ (P2P) اجتماعات کے ذریعے تعلیمی عمل میں شامل کیا گیا۔ 6 ملین سے زائد افراد تک ڈیجیٹل مہم کے ذریعے رسائی حاصل کی گئی، جس نے والدین کی شمولیت کے پیغام کو ملک گیر سطح پر پہنچایا۔
پاکستان کی سب سے بڑی اجتماعی وژننگ مشق منعقد کی گئی، جس نے والدین، اساتذہ اور تعلیمی ماہرین کو بچوں کے مستقبل کے حوالے سے ایک مشترکہ خواب میں جوڑا۔ والدین اور اساتذہ کے درمیان ایک پائیدار تعلیمی برادری تشکیل دی گئی، جو نسلوں تک تعلیمی بہتری کے لیے سرگرم عمل رہے گی۔ایونٹ میں یونیسف پاکستان کے نمایاں ماہرین، تعلیمی رہنماوں، پالیسی سازوں، اساتذہ، اور والدین نے شرکت کی۔ڈاکٹر ابراہیم فراح (ایجوکیشن منیجر، یونیسف پاکستان)، ایلنور علییف (چیف، سوشل اینڈ بیہیوئیر چینج، یونیسف پاکستان)، غزالہ فرید (سوشل اینڈ بیہیوئیر چینج آفیسر، یونیسف پاکستان)اور فہمیدہ خان(جینڈر اینڈ ڈیولپمنٹ اسپیشلسٹ، یونیسف پاکستان)نے پروگرام کی کامیابیوں پر روشنی ڈالی اور مستقبل کے اقدامات کے حوالے سے تبادلہ خیال کیا۔
پروگرام کی کامیابی کے تسلسل میں، ایونٹ کے دوران کچھ نمایاں طالب علموں کو ان کی تعلیمی کامیابیوں اور محنت کے لیے انعامات سے نوازا گیا۔ اس موقع پر اساتذہ نے بھی بھرپور شرکت کی، اور ان کی رہنمائی اور حمایت کی بدولت یہ ایونٹ کامیاب رہا۔اس تقریب میں پروگرام کے توسیعی منصوبے، کامیابی کی کہانیاں، اور تعلیمی نظام میں والدین کی مزید موثر شمولیت کے لیے حکمت عملی پر بھی گفتگو کی گئی۔ یونیسف پاکستان نے اس عزم کا اظہار کیا کہ والدین اور اساتذہ کے باہمی تعاون کو مزید فروغ دے کر پاکستان کے تعلیمی نظام میں مثبت تبدیلیاں لائی جائیں گی۔تعلیم کی روشنی، والدین کے ہم قدم،یہ ایونٹ اس بات کا مظہر ہے کہ جب والدین، اساتذہ، اور تعلیمی ادارے ایک ساتھ کھڑے ہوتے ہیں، تو تعلیمی کامیابی محض ایک خواب نہیں رہتی بلکہ حقیقت بن جاتی ہے۔ “والدین ہم قدم” نے یہ ثابت کر دیا کہ تعلیم کی بہتری کے لیے والدین کی شمولیت کلیدی حیثیت رکھتی ہے۔پاکستان کے تعلیمی مستقبل کو روشن کرنے کے لیے، یونیسف پاکستان کا یہ سفر جاری رہے گا کیونکہ اب والدین ہیں ہمقدم۔
.ذریعہ: Daily Sub News
کلیدی لفظ: والدین ہم قدم میں والدین کی
پڑھیں:
کراچی ایئرپورٹ سے بھی حج پروازوں کا باقاعدہ آغاز ہوگیا
کراچی:اسلام آباد کے بعد کراچی سے پہلی حج پرواز285عازمین حج کو لے کر روانہ ہوگئی۔
ترجمان پاکستان ایئرپورٹس اتھارٹی(پی اے اے) نے بتایا کہ جناح ٹرمینل ائیرپورٹ کراچی سےقبل ازحج پروازوں کا باقاعدہ آغاز ہوگیا اور 285 عازمین حج کو لے کر پہلی پرواز 9:35 پرمدینہ منورہ روانہ ہوئی۔
انہوں نے بتایا کہ پی اے اے اور سیرین ائیر کے اشتراک سے پرواز کی روانگی سے قبل تقریب منعقد ہوئی، جس میں سعودی عرب کے قونصل جنرل محمد بن ناصر السبعی، ائیرپورٹ مینیجر، ڈائریکٹر حج سندھ اور مختلف ایئرپورٹ ایجنسیز کے اعلیٰ افسران، وزارت مذہبی امور اورسیرین ائیر کے نمائندے شریک ہوئے۔
سعودی قونصل جنرل محمد این ایم السبعی کا تقریب سے خطاب میں کہنا تھا کہ روڈ ٹومکہ پراجیکٹ کے تحت اس سال بھی عازمین کو مقامی طور پر سعودی امیگریشن کی سہولت فراہم کی جا رہی ہے۔
صوبائی وزیر برائے مذہبی امور ریاض شیرازی نےعازمین سے پاکستان کی سلامتی و ترقی کی دعا کرنے کی اپیل کی۔
ائرپورٹ مینیجر عرفان خان کا کہنا تھا کہ عازمین حج کو بہتر سہولیات کی فراہمی کے لیے خصوصی انتظامات کیے گئے۔
سعودی قونصل جنرل نے اس موقع پر روڈ ٹو مکہ پراجیکٹ کے تحت مختلف کاؤنٹرز پر امیگریشن کارروائی کا جائزہ بھی لیا اور مدینہ منورہ روانہ ہونے والے عازمین کو پھول بھی پیش کیے۔
قبل ازیں اسلام آباد سے صبح 4 بج کر 45 منٹ پر پاکستان سے حج آپریشن کے تحت پہلی پرواز 442 عازمین حج کو لے کر روانہ ہوگئی تھی۔
وفاقی وزیر مذہبی امور سردار محمد یوسف، پاکستان میں سعودی سفیر نواف بن سعید المالکی اور پی آئی اے کے چیف ایگزیکٹیو سمیت دیگر حکام اسلام آباد ایئرپورٹ پر موجود تھے۔
پی ٹی آئی رہنما عالیہ حمزہ کی ضمانت منظور، رہا کرنے کا حکم