آزاد کشمیر: بلدیاتی فنڈ، یوتھ قرضہ اسکیم کی منظوری، صحت کارڈ کے اجرا کا بھی فیصلہ
اشاعت کی تاریخ: 30th, January 2025 GMT
آزاد کشمیر حکومت نے ہنر مند نوجوانوں کے لیے قرضہ اسکیم اور بلدیاتی نمائندوں کے لیے فنڈ منظور کردیے۔
آزاد کشمیر میں بڑھتی ہوئی بے روزگاری کے پیش نظر کشمیر کابینہ نے ہنر مند نوجوانوں کے لیے قرض اسکیم کے لیے ایک ارب روپے کے فنڈ کی منظوری دی۔
یہ بھی پڑھیں: پی پی اے ایف کے اشتراک سے آزاد کشمیر میں لوکل ڈویلپمنٹ پروگرام کا آغاز ہوگیا
آزاد کشمیر کے وزیر اعظم چوہدری انوارلحق کی سربراہی میں منعقد ہونے والے کابینہ کے اجلاس کے بعد وزیر خزانہ عبدالماجد خان نے مظفرآباد میں ایک نیوز کانفرنس سے خطاب کرتے ہوئے کہا کہ بینک آف آزاد کشمیر یہ قرضے فراہم کرے گا اور یہ سیاسی وابستگی وصنفی امتیاز سے بالاتر ہو کر دیے جائیں گے۔
انہوں نے کہا کہ ان قرضوں میں معذور افراد اور ٹرانس جینڈرز کا کوٹہ بھی مختص ہوگا۔
صحت کارڈ کا بھی اجرا کیا جائے گاوزیر خزانہ نے کہا کہ کابینہ اجلاس میں بلدیاتی نمائندوں کے لیے بھی ایک ارب روپے کے فنڈ کی منظوری دی گئی ہے۔ عبدالماجد خان نے کہا کہ اجلاس میں عام آدمی کے علاج و معالجے کے لیے صحت کارڈ کی اجرا کا بھی فیصلہ کیا گیا ہے اور اس بارے وزیر صحت کو خصوصی ٹاسک دیا گیا ہے۔
مزید پڑھیے: آزاد کشمیر: رٹھوعہ ہریام پل منصوبے کی لاگت میں ساڑھے 5 ارب روپے کا اضافہ کیوں ہوا؟
انہوں نے کہا کہ کابینہ نے بڑھتے ہوئے ماحولیاتی تبدیلیوں کے ممکنہ نقصانات سے نمٹنے کے لیے وزیر انفارمیشن ٹیکنالوجی سردار ضیاء القمر کی سربراہی میں ٹاسک فورس تشکیل دیدی ہے جو ماحولیاتی تبدیلیوں کے خطرات اور حل کے لیے سفارشات مرتب کرے گی۔
ان کا کہنا ہے کہ کابینہ نے ہائر ایجوکیشن کے کنٹریکٹ ملازمین کی پالیسی کی بھی منظوری دے دی ہے۔
وزیر خزانہ نے کہا کہ سیاسی وابستگی سے قطع نظر اسپیکر اسمبلی پر حملے میں ملوث افراد کے خلاف قانون کے مطابق کارروائی ہوگی اور ازاد کشمیر کے انسپکٹر جنرل پولیس اس معاملے کی خود نگرانی کررہے ہیں۔
مزید پڑھیں: وفاقی حکومت آئندہ مالی سال کے لیے آزاد کشمیر کو کتنے گنا اضافی بجٹ فراہم کرے گی؟
وزیرخزانہ عبدالماجد خان نے کہا کہ کشمیریوں کے ساتھ اظہار یکجہتی کے لیے 05 فروری کو ‘یوم یکجہتی کشمیر‘ منفرد انداز میں منائیں گے۔
انہوں نے کہا کہ یوم یکجہتی کے موقع پر دارالحکومت مظفرآباد سمیت تمام اینٹری پوائنٹس اور ضلعی ہیڈکوارٹرز میں شایان شان طریقے سے تقریبات کا انعقاد کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر آزاد کشمیر صحت کارڈ آزاد کشمیر کابینہ آزاد کشمیر یوتھ قرضہ اسکیم.ذریعہ: WE News
کلیدی لفظ: ا زاد کشمیر صحت کارڈ ا زاد کشمیر کابینہ ا زاد کشمیر یوتھ قرضہ اسکیم نے کہا کہ صحت کارڈ کے لیے
پڑھیں:
شناختی کارڈ کے قوانین مجریہ 2002ء میں ترامیم کی منظوری
کراچی (اسٹاف رپورٹر)نادرا کی جانب سے خصوصی افراد اور اعضا عطیہ کرنے والے افراد کے لیے منفرد شناختی کارڈز کا اجرا کیا جائے گا۔ترجمان نادرا کے مطابق حکومت پاکستان نے قومی شناختی کارڈ کے قوانین مجریہ 2002ء میں ترامیم کی منظوری دے دی۔ ترامیم کے تحت خصوصی افراد اور اعضا عطیہ کرنے والے افراد کے لیے منفرد شناختی کارڈز کا اجرا کیا جائے گا، جس کا مقصد ان کی سہولتوں میں اضافہ اور شناخت کو مزید موثر بنانا ہے۔ترجمان نادرا نے کہا کہ خصوصی افراد کے لیے تاحیات میعاد کے ساتھ ایک منفرد شناختی کارڈ جاری کیا جائے گا۔ یہ کارڈ پاکستان میں اور بیرون ملک مقیم پاکستانیوں کو وہیل چیئر کے لوگو کے ساتھ فراہم کیا جائے گا۔ خصوصی بچوں کے ب فارم یا جووینائل کارڈ پر بھی وہیل چیئر کا نشان شامل ہوگا۔ خصوصی افراد کے لیے متعلقہ وفاقی یا صوبائی اداروں میں اندراج کو ضروری قرار دیا گیا ہے۔ مزید برآں، اعضا عطیہ کرنے والے افراد کو بھی تاحیات میعاد کے ساتھ ایک خصوصی کارڈ فراہم کیا جائے گا، جس پر وہیل چیئر اور ڈونر دونوں کے نشانات ہوں گے۔ اعضا کے عطیہ کے لیے متعلقہ ڈونر رجسٹریشن اتھارٹیز میں اندراج ضروری ہوگا۔ترجمان نادرا نے بتایا کہ قواعد میں ترامیم کا نوٹیفکیشن آئندہ گزٹ آف پاکستان میں شائع ہونے کے بعد نافذ العمل ہو گا، جس کے بعد یہ تبدیلیاں باقاعدہ طور پر لاگو کی جائیں گی۔
ٹرمپ نے بغیر نوٹس دیے اہم ایجنسیوں کے 17 انسپکٹرز جنرل برطرف کردیے