جوائنٹ ایکشن کمیٹی کی پی ایف یو جے کے ملک گیر احتجاج کی حمایت
اشاعت کی تاریخ: 30th, January 2025 GMT
جوائنٹ ایکشن کمیٹی نے پی ایف یو جے کی ملک گیر احتجاج کی حمایت کر دی۔ واضح رہے کہ پی ایف یو جے نے پیکا ایکٹ ترمیمی بل کے خلاف ملک بھر میں کل احتجاج کا اعلان کر رکھا ہے۔
جوائنٹ ایکشن کمیٹی کے اعلامیہ کے مطابق پی ایف یو جے کے کل ہونے والے ملک گیر احتجاج میں شرکت کریں گے۔ جوائنٹ ایکشن کمیٹی میں پی بی اے، ایمنڈ، سی پی این ای اور اے پی این ایس شامل ہیں۔
جوائنٹ ایکشن کمیٹی نے کہا صحافی تنظیموں اور اسٹیک ہولڈرز کو سنے بغیر بل منظور کروایا گیا، متنازعہ پیکا ترمیمی بل پر حکومت، قومی اسمبلی و سینیٹ نے اسٹیک ہولڈرز سے مشاورت نہیں کی۔
جوائنٹ ایکشن کمیٹی نے کہا صدر زرداری نے ملاقات کا موقع دیے بغیر بل پر دستخط کیے جو افسوس ناک ہے۔
جوائنٹ ایکشن کمیٹی کے اعلامیہ میں کہا گیا کہ پیکا ترمیمی بل کو مسترد کرتے ہیں اور متنازعہ پیکا ایکٹ کے خلاف بھرپور عوامی اور قانونی جدوجہد کی جائے گی۔
متنازعہ پیکا ایکٹ کے خلاف پاکستان فیڈرل یونین آف جرنلسٹ نے کل ملک بھرمیں یوم سیاہ منانے کا اعلان کیا ہے۔
جوائنٹ ایکشن کمیٹی نے کہا سول سوسائٹی، انسانی حقوق کی تنظیموں، وکلا تنظیموں اور دیگر اسٹیک ہولڈرز سے رابطے شروع کر دیے ہیں۔
جوائنٹ ایکشن کمیٹی کے اعلامیہ کے مطابق بل کو عدالت میں چیلنج کرنے کے لیے قانونی ماہرین سے مشاورت کو حتمی شکل دی جا رہی ہے۔
اعلامیہ کے مطابق جوائنٹ ایکشن کمیٹی میں شامل تمام صحافی تنظیمیں کل کے احتجاج میں بھرپور شرکت کریں گی۔
.ذریعہ: Jang News
کلیدی لفظ: جوائنٹ ایکشن کمیٹی نے پی ایف یو جے پیکا ایکٹ
پڑھیں:
متنازع پیکا ایکٹ؛ ملک بھر میں صحافیوں کے احتجاج
ویب ڈیسک : متنازع پیکا ایکٹ کے خلاف پورے ملک میں صحافی سڑکوں پر نکل آئے اور اپنا احتجاج ریکارڈ کرایا۔
لاہور میں ہونے والے احتجاج میں صدر لاہور پریس کلب ارشد انصاری نے کہا کہ، ہم چپ ہوکر بیٹھنے والے نہیں ، اپنی آواز بلند کرتے رہیں گے، قومی و صوبائی اسمبلیوں کا بائیکاٹ کریں گے، عدالتوں کا دروازہ بھی کھٹکھٹائیں گے۔احتجاج میں پی ٹی آئی اور جماعت اسلامی کے رہنماؤں نے بھی شرکت کی۔
مری کے جنگلات میں آگ لگ گئی
اسلام آباد میں پاکستان فیڈرل یونین آف جرنلسٹس (پی ایف یو جے) نے زنجیریں پہن کر مظاہرہ کیا اور ڈی چوک میں دھرنا بھی دیا۔پولیس نے پی ایف یو جے کے صدر افضل بٹ کو روکنے اور حراست میں لینے کی کوشش کی۔ اس موقع پر افضل بٹ نے کہا کہ حکومت کو اندازہ ہی نہیں وہ کیا کھیل کھیلنے جارہی ہے، کسی کو آزادی صحافت پر حملے کی اجازت نہیں دیں گے۔
ڈِیپ سِیک؛ آرٹیفیشل ٹیکنالوجی کی سستی چینی ٹیکنالوجی نے امریکی کمپنیوں کو دھڑن تختہ کر دیا
کراچی پریس کلب کے باہر بھی صحافیوں نے احتجاج کیا اور کہاکہ صحافت کے حق کو کچھ ریاست کے عناصر اپنے قابو میں رکھنا چاہتے ہیں، حکومت کو پیغام دینا چاہتے ہیں ایسا نہیں چلے گا۔احتجاج میں سول سوسائٹی کے کارکنوں اور وکلا نے بھی شرکت کی۔
کوئٹہ اور خضدار سمیت بلوچستان کے مختلف شہروں میں بھی متنازع پیکا ایکٹ کے خلاف صحافیوں کے مظاہرے ہوئے۔ اس کے علاوہ گوجرانوالہ، رحیم یار خان، بہاولنگر، کمالیہ، حیدرآباد، ٹنڈوالہ یار، ٹنڈومحمد خان اور سیہون میں بھی ریلیاں نکالی گئیں۔
سعودی شہزادہ محمد بن فہد بن عبد العزیز آل سعود انتقال کرگئے
قومی اسمبلی کے بعد آج سینیٹ نے بھی انسداد الیکٹرانک کرائمز (پیکا) ترمیمی بل کثرت رائے سے منظور کر لیا۔ جس پر صحافیوں نے سینٹ سے واک آوٹ بھی کیا
پیکا ایکٹ ترمیمی بل کیا ہے؟
ترمیمی بل کے مطابق اتھارٹی سوشل میڈیا سے غیر قانونی مواد ہٹانے کی ہدایت جاری کرنے کی مجاز ہو گی اور سوشل میڈیا پر غیر قانونی سرگرمیوں پر فرد 24 گھنٹے میں درخواست دینے کا پابند ہو گا۔
خیبرپختونخواہ میں خاتون نے 5 بچوں کو جنم دے دیا
ترمیمی بل کے مطابق فیک نیوز پر پیکا ایکٹ کے تحت 3 سال قید اور 20 لاکھ جرمانہ یا دونوں سزائیں ایک ساتھ دی جاسکیں گی، غیرقانونی مواد کی تعریف میں اسلام مخالف، ملکی سلامتی یا دفاع کے خلاف مواد اور جعلی یا جھوٹی رپورٹس شامل ہوں گی، غیرقانونی مواد میں آئینی اداروں بشمول عدلیہ یا مسلح افواج کے خلاف مواد شامل ہوگا۔غیرقانونی مواد کی تعریف میں امن عامہ، غیرشائستگی، توہین عدالت، غیر اخلاقی مواد بھی شامل ہوگا اور غیرقانونی مواد میں کسی جرم پر اکسانا بھی شامل ہوگا۔ترمیمی بل کے مطابق اتھارٹی 9 اراکین پر مشتمل ہو گی جس میں سیکرٹری داخلہ، چیئرمین پی ٹی اے، چیئرمین پیمرا اتھارٹی کے ایکس آفیشو اراکین ہوں گے، بیچلرز ڈگری ہولڈر اور فیلڈ میں کم از کم 15 سالہ تجربہ کار اتھارٹی کا چیئرمین تعینات کیا جا سکے گا اور چیئرمین اور پانچ اراکین کی تعیناتی 5 سال کے لیےکی جائے گی۔
پی ٹی آئی کی کون سی کل سیدھی
حکومت نے سوشل میڈیا پروٹیکشن اینڈ ریگولیٹری اتھارٹی میں صحافیوں کو نمائندگی دینے کا فیصلہ کیا ہے، پانچ اراکین میں 10 سالہ تجربہ رکھنے والا صحافی، سافٹ ویئر انجنئیر بھی شامل ہوں گے، اس کے علاوہ اتھارٹی میں ایک وکیل، سوشل میڈیا پروفیشنل نجی شعبے سے آئی ٹی ایکسپرٹ بھی شامل ہو گا۔
احوال غزہ و فلسطین