علی امین گنڈاپور کا منشیات کے عادی افراد کی بحالی صحت کارڈ اسکیم میں شامل کرنے کا فیصلہ
اشاعت کی تاریخ: 30th, January 2025 GMT
وزیراعلیٰ کے پی علی امین گنڈا پور---فائل فوتو
وزیرِ اعلیٰ کے پی علی امین گنڈاپور نے حکم دیا ہے کہ منشیات کے خاتمے کے لیے منشیات فرشوں کے خلاف گھیرا تنگ کیا جائے۔
خیبر پختون خوا کے وزیرِ اعلیٰ علی امین گنڈا پور کی زیرِ صدارت صوبائی ٹاسک فورس برائے انسدادِ منشیات کا اجلاس ہوا، جس میں منشیات کے عادی افراد کی بحالی کو صحت کارڈ اسکیم میں شامل کرنے کا فیصلہ کیا گیا۔
اجلاس میں منشیات فروشوں کے خلاف مؤثر کارروائیاں نہ کرنے والے پولیس افسران کو ہٹانےکے حوالے سے بھی فیصلہ کیا گیا ہے۔
اجلاس میں طے کیا گیا کہ منشیات کے خلاف کارروائیوں کے جائزے کے لیے 15 دن میں خصوصی اجلاس ہو گا جس میں صوبے کے تمام اضلاع میں منشیات فروشوں کے خلاف کریک ڈاؤن کا جائزہ لیا جائے گا۔
وزیراعلیٰ خیبرپختونخوا علی امین گنڈاپور نےانکشاف کیا ہے کہ میں جیل جاکر نماز کا پابند ہوا، میں نے بانی کو بتایا تھا کہ جیل جانے سےمیری اصلاح ہوئی۔
دورانِ اجلاس پوست کی کاشت کی جگہ متبادل فصل پر کاشت کاروں کو آمادہ کرنے کے لیے کمیٹی تشکیل دے دی گئی، یہ کمیٹی متبادل فصل کاشت کرنے کے لیے بیج وغیرہ صوبائی حکومت دے گی۔
وزیرِ اعلیٰ کے پی نے اجلاس میں کہا کہ دیگر اضلاع سے بھی منشیات کے عادی افراد کو پشاور بحالی مراکز لایا جائے گا، جیلوں میں قید منشیات کے عادی افراد کی بحالی کے لیے بھی اقدامات کیے جائیں گے۔
اجلاس کو ڈرگ فری پشاور مُہم کے تحت انسدادِ منشیات سے متعلق کارروائیوں پر بریفنگ دی گئی۔
بریفنگ میں بتایا گیا کہ پشاور میں ہیروئین بنانے کی3 فیکٹریاں بند کی گئی ہیں، جبکہ خیبر، مہمند، صوابی اور مانسہرہ میں پوست کی فصل تلف کی گئی ہے۔
اجلاس میں بتایا گیا کہ 2024ء میں 2 ارب روپے کی 1141 کلو منشیات جلائی گئی، جون 2024ء سے اب تک 2952 کلو چرس پکڑی گئی، 105 کلو ہیروئین، 157 کلو افیون، 37 کلو آئس اور 248 لیٹر شراب پکڑی گئی۔
بریفنگ میں یہ بھی بتایا گیا کہ منشیات کے خلاف کارروائیوں میں 238 ملزمان کو گرفتار کیا گیا ہے، یونی ورسٹیز میں نارکوٹکس کنٹرول کمیٹیاں تشکیل دی گئی ہیں۔
.ذریعہ: Jang News
کلیدی لفظ: منشیات کے عادی افراد علی امین گنڈاپور اجلاس میں کیا گیا کے خلاف گیا کہ کے لیے
پڑھیں:
ریلوے میں 15 ہزار ملازمتیں ختم کرنے کا فیصلہ کر لیا گیا
ویب ڈیسک:وزارت ریلوے نے آئندہ چند ماہ میں 15 ہزار اضافی پوسٹیں ختم کرنے کا منصوبہ بنایا ہے، جو وزارت کی رائٹ سائزنگ کوششوں کا حصہ ہے،یہ فیصلہ کابینہ کمیٹی برائے رائٹ سائزنگ کے پیر کو ہونے والے اجلاس میں کیا گیاہے۔
اجلاس کی صدارت وفاقی وزیر خزانہ و محصولات محمد اورنگزیب نے کی، جس کا مقصد وفاقی وزارتوں میں رائٹ سائزنگ کے اقدامات کی پیشرفت کا جائزہ لینا تھا،اسٹیبلشمینٹ ڈویژن نے وزیر کو آگاہ کیا کہ 29 وزارتوں اور ایک آئینی ادارے سے 11,877 پوسٹوں اور 4,660 مرنے والی پوسٹوں کے خاتمے کی تصدیق حاصل ہو چکی ہے،اورنگزیب نے کمیٹی کے فیصلوں کے نفاذ کی تعریف کی اور وزارتوں اور محکموں کی کوششوں کو سراہا۔
وزیر اعظم کے زیرصدارت اجلاس، ریلوے کو نجی شعبے کے تعاون سے کاروبار کیلئے استعمال کرنے کی ہدایت
اجلاس میں وزارت کی کارکردگی کو اس کے بنیادی مینڈیٹ سے ہم آہنگ کرنے اور غیر ضروری پوسٹوں کو کم کرنے پر زور دیا گیا، کمیٹی نے فیصلہ کیا کہ اس معاملے کو مزید جائزے اور تجویز کردہ اقدامات کے نفاذ کے لیے سب کمیٹی برائے حقوق سائزنگ کو بھیجا جائے گا،کمیٹی نے وفاقی وزارتوں میں حقوق سائزنگ کے اقدامات کو مرحلہ وار نافذ کرنے کا مطالبہ کیا تاکہ ”موثر، کارگر اور پائیدار پالیسی نتائج“ حاصل کیے جا سکیں۔
گیس کی قیمتوں میں اضافے کا نوٹیفکیشن جاری
گھگھر گوٹھ کے علاقے میں سیوریج کانظام عرصہ دراز سے درہم برہم ہے جس سے مکینوں کوشدید مشکلات کاسامناہے