قطر کے امیر دمشق پہنچ گئے
اشاعت کی تاریخ: 30th, January 2025 GMT
اپنے ایک جاری بیان میں حسن عبدالغنی کا کہنا تھا کہ ہم ابو محمد الجولانی کو عبوری حکومت کے صدر کے طور پر متعارف کرواتے ہیں۔ اب وہ بین الاقوامی سطح پر ملک کے نمائندے ہیں۔ اسلام ٹائمز۔ الجزیرہ نے خبر دی کہ قطر کے امیر "تمیم بن حمد آل ثانی" کچھ ہی دیر پہلے دمشق پہنچ گئے۔ وہ بشار الاسد کی حکومت کے خاتمے کے بعد کسی بھی عرب مملکت کے سربراہ کے طور پر شام کے نئے حکمرانوں سے بات چیت کے لئے دمشق پہنچے ہیں۔ قبل ازیں قطر کے وزیراعظم و وزیر خارجہ "محمد بن عبدالرحمن آل ثانی"، اسد حکومت کے خاتمے کے بعد باضابطہ طور پر 16 جنوری 2025ء کو باغی گروہ "تحریر الشام" کے سربراہ اور شام کے نئے عبوری صدر "ابو محمد الجولانی" سے ملاقات و گفتگو کر چکے ہیں۔ واضح رہے کہ مذکورہ بالا خبر ایسی صورت میں سامنے آئی جب شامی ملٹری کے آپریشنل ڈیپارٹمنٹ کے ترجمان "حسن عبدالغنی" نے گزشتہ شب ابو محمد الجولانی کی شام کے عبوری صدر کی حیثیت سے تعیناتی کی خبر دی۔ حسن عبدالغنی نے اپنے بیان میں کہا کہ ہم ابو محمد الجولانی کو عبوری حکومت کے صدر کے طور پر متعارف کرواتے ہیں۔ اب وہ بین الاقوامی سطح پر ملک کے نمائندے ہیں۔
.ذریعہ: Islam Times
کلیدی لفظ: ابو محمد الجولانی حکومت کے
پڑھیں:
گلگت بلتستان میں اگلی حکومت نون لیگ بنائے گی، امیر مقام
وفاقی وزیر نے مسلم لیگ نون گلگت بلتستان کو اپنے مکمل تعاون کا یقین دلایا۔ انہوں نے کہا کہ ہمیں نون لیگ جی بی کی قیادت پر فخر ہے۔ اسلام ٹائمز۔ وفاقی وزیر برائے امور کشمیر، گلگت بلتستان، سیفران اور صدر مسلم لیگ نون خیبر پختونخوا انجینئر امیر مقام نے کہا ہے کہ گلگت بلتستان میں مسلم لیگ نون اگلے انتخابات میں کامیابی حاصل کرے گی۔ یہ بات انہوں نے سابق وزیر اعلیٰ اور مسلم لیگ نون جی بی کے صدر حافظ حفیظ الرحمن کی قیادت میں نون لیگ کے وفد سے ملاقات میں کہی۔ ملاقات میں مسلم لیگ نون گلگت بلتستان سے متعلق امور پر تبادلہ خیال کیا گیا۔ وفاقی وزیر انجینئر امیر مقام نے کہا کہ گلگت بلتستان کا الیکشن مسلم لیگ نون کے لیے انتہائی اہم ہے، انہوں نے کہا کہ مستقبل مسلم لیگ نون کا ہے۔ وفاقی وزیر نے مسلم لیگ نون گلگت بلتستان کو اپنے مکمل تعاون کا یقین دلایا۔ انہوں نے کہا کہ ہمیں نون لیگ جی بی کی قیادت پر فخر ہے۔ انجینئر امیر مقام نے کہا کہ ہم ملک کے بہترین مفاد میں آگے بڑھیں گے۔ انہوں نے کہا کہ ہم اپنی پارٹی کے لیے متحد اور ایک ہیں۔ انجینئر امیر مقام نے کہا کہ گلگت بلتستان کی ترقی وفاقی حکومت کی اولین ترجیح ہے۔ انہوں نے کہا کہ وزیر اعظم محمد شہباز شریف کی محنت سے ملکی معیشت ترقی کر رہی ہے۔ انہوں نے کہا کہ گلگت بلتستان میں مسلم لیگ ن اگلے انتخابات میں کامیابی حاصل کرے گی۔ انہوں نے کہا کہ جلد ہی گلگت بلتستان میں دانش سکول سسٹم کا افتتاح کیا جائے گا۔ انہوں نے کہا کہ گلگت بلتستان کو قومی دھارے میں لانا ہمارا نصب العین ہے۔ انہوں نے کہا کہ ہم گلگت بلتستان کو زیادہ سے زیادہ فنڈز فراہم کی ہے۔ قبل ازیں صدر مسلم لیگ ن گلگت بلتستان حافظ حفیظ الرحمن نے وفاقی وزیر کو مختلف امور سے آگاہ کیا۔ انہوں نے کہا کہ گلگت بلتستان میں اگلی حکومت مسلم لیگ نون بنائے گی۔
بچوں کے اغوا ہونے کے واقعات روکنے کیلیے مہم چلانے کا فیصلہ