تحریک انصاف کا 8 فروری کو مینار پاکستان پر جلسے کا فیصلہ، درخواست جمع
اشاعت کی تاریخ: 30th, January 2025 GMT
تحریک انصاف نے 8 فروری کو مینار پاکستان پر جلسہ کرنے کا فیصلہ کیا ہے جس کے لیے درخواست لاہور انتظامیہ کو جمع کرادی۔
پی ٹی آئی نے اپنی سیاسی قوت شو کرنے کے لیے مینار پاکستان پر جلسہ کرنے کا فیصلہ کیا ہے، 8 فروری کو جلسہ منعقد کرنے کے لیے چیف آرگنائزر عالیہ حمزہ کو مقرر کیا گیا ہے جنہوں نے جلسے کی اجازت کے لیے تحریری درخواست ڈپٹی کمشنر لاہور کو جمع کروا دی۔
درخواست میں کہا گیا ہے کہ تحریک انصاف آٹھ فروری کو گریٹر اقبال پارک گراؤنڈ میں جلسہ کرنے چاہتی ہے جس کے لیے این او سی دیا جائے ۔ جلسہ کی آرگنائزنگ کمیٹی میں چیف آرگنائزر عالیہ حمزہ، اپوزیشن لیڈر ملک احمد خان بھچر اور علی اعجاز بٹر شامل ہیں۔
تحریک انصاف کے ذرائع کا کہنا ہے کہ اجازت نہ ملنے کی صورت میں پی ٹی آئی کی جانب سے ملک گیر احتجاج کیا جائے گا۔علاوہ ازیں چیئرمین پی ٹی آئی بیرسٹر گوہر خان کا کہنا ہے کہ ہم نے مطالبات میں جوڈیشل کمیشن بنانے کا کہا تھا لیکن حکومت نے جواب نہیں دیا کیونکہ حکومت چاہتی نہیں تھی مذاکرات ہوں اور مسائل کا حل نکلے ۔
راولپنڈی کچہری میں میڈیا سے گفتگو کرتے ہوئے بیرسٹر گوہر نے کہا کہ ہم نے اپنے مطالبات حکومت کے سامنے رکھے لیکن حکومت نے مذاکرات میں تاخیر کی، حکومت سنجیدہ ہوتی تو اپنا جواب دیتی۔ انہوں نے کہا کہ حکومت نے یہ کہا کہ 28جنوری کو کمیٹی روم میں جواب دیں گے ، اگر حکومت ہمارے ساتھ جواب پہلے شیئر کرتی تو غور کر لیتے ۔بیرسٹر گوہر نے کہا کہ مذاکرات میں بانی پی ٹی آئی نے پہل کی جبکہ ہمارے اوپر ہر قسم کی سختیاں کی گئیں لیکن اس کے باوجود مذاکرات میں پہل کی۔
انہوں نے واضح کیا کہ آرمی چیف کے علاوہ کسی سے ملاقات نہیں ہوئی۔کیس کے حوالے سے انکا کہنا تھا کہ آج جج زیبا چوہدری کے سامنے ہمارا کیس لگا ہوا تھا، وہ قائم مقام جج ہیں اس وجہ سے انہوں نے تاریخ دی۔ ہم امید کرتے ہیں کہ ویسٹ کا مستقل جج ہوگا اور پراسس آگے چلے گا، یہ کیس آگے جا سکتا ہے ۔
.ذریعہ: Juraat
کلیدی لفظ: تحریک انصاف پی ٹی ا ئی فروری کو کے لیے کہا کہ
پڑھیں:
پاکستان تحریک انصاف کا 8 فروری کو لاہور میں جلسے کا فیصلہ
ڈپٹی کمشنر لاہور کو جلسے کے انعقاد کی اجازت کیلئے آج درخواست دی جائے گی۔ پارٹی ذرائع کے مطابق انتظامیہ نے اجازت نہ دی تو جلسے کیلئے عدالت سے رجوع کیا جائے گا۔ لاہور جلسے کی ابتدائی تیاریوں کیلئے قیادت نے ہدایات جاری کر دی ہیں۔ پاکستان تحریک انصاف 8 فروری کا جلسہ کسی بڑے وینیو پر منعقد کرنے کی خواہاں ہے۔ اسلام ٹائمز۔ پاکستان تحریک انصاف نے لاہور میں اپنی سیاسی پاور شو کرنے کا فیصلہ کر لیا۔ ذرائع کے مطابق بانی پی ٹی آئی کی کال پر 8 فروری کو مینار پاکستان کے گراونڈ گریٹر اقبال پارک میں جلسہ منعقد ہوگا۔ ڈپٹی کمشنر لاہور کو جلسے کے انعقاد کی اجازت کیلئے عالیہ حمزہ نے درخواست جمع کروا دی۔ پارٹی ذرائع کے مطابق انتظامیہ نے اجازت نہ دی تو جلسے کیلئے عدالت سے رجوع کیا جائے گا۔ لاہور جلسے کی ابتدائی تیاریوں کیلئے قیادت نے ہدایات جاری کر دی ہیں۔ پاکستان تحریک انصاف 8 فروری کا جلسہ کسی بڑے وینیو پر منعقد کرنے کی خواہاں ہے۔ عالیہ حمزہ نے ڈی سی آفس میں میڈیا سے گفتگو کرتے ہوئے کہا کہ اپوزیشن لیڈر پنجاب اسمبلی ملک احمد خان بھچر اور علی اعجاز بٹر کی جانب سے آج درخواست جمع کروائی ہے۔ 8 فروری کو پاکستان تحریک انصاف کے مینڈیٹ پر شب خون مارا گیا۔ ہم اس شب خون کیخلاف احتجاجی جلسہ کریں گے۔
انہوں ںے کہا کہ اگر ہمیں مینار پاکستان پر جلسہ کرنے کی اجازت نہیں ملتی تو ہم قانونی راستہ اختیار کریں گے۔ دوسری جانب صوبائی آرگنائزر پنجاب عالیہ حمزہ کی زیرصدارت سینٹرل پنجاب کی ضلعی تنظیموں کا اجلاس ہوا۔ اجلاس میں شیخوپورہ، ننکانہ، منڈی بہاؤالدین اورحافظ آباد کی تنظیموں کے عہدیداروں نے شرکت کی۔ صدر پی ٹی آئی سینٹرل پنجاب احمد چٹھہ، رکن پنجاب اسمبلی اویس ورک اورسابق جنرل سیکرٹری پی ٹی آئی لاہور حافظ ذیشان رشید نے بھی شرکت کی۔ انصاف لائیرز فورم کے ارکان بھی اجلاس میں شریک ہوئے۔ اجلاس میں چاروں اضلاع میں پارٹی کی کارکردگی کے حوالے سے بریفنگ دی گئی۔ عالیہ حمزہ نے ضلعی تنظیموں کے عہدیداران کو 8 فروری کے جلسے کی تیاری کی ہدایت کی۔
بلوچستان کو ایک کالونی اور مفتوحہ صوبہ کا درجہ دیا گیا ہے، مولانا ہدایت الرحمان