انجمن تاجران کوئنس روڈ کی آل سکھر تاجر اتحاد میں شمولیت
اشاعت کی تاریخ: 30th, January 2025 GMT
سکھر (نمائندہ جسارت) آل سکھر تاجر اتحاد میں شہر کی مختلف تاجر تنظیموں کی شمولیت کا سلسلہ مسلسل جاری ، انجمن تاجران کوئنس روڈ نے شمولیت اختیار کرلی۔ تفصیلات کے مطابق تاجر برادری کے حقوق کے تحفظ اور مسائل کے حل کے لئے مختلف تنظیموں کا آل سکھر تاجر اتحاد میں شمولیت کا سلسلہ جاری ہے، یونین انجمن تاجران کوئنس روڈ کے صدر سید فراز علی، جنرل سیکرٹری ایاز احمد دایو نے دیگر عہدیداران سمیت آل سکھر تاجر اتحاد کے شبیر میمن، پرویز چنہ، انور کمال بلوچ کی موجودگی میں مکمل اعتماد کا اظہار کرتے ہوئے شمولیت اختیار کرلی۔ اس موقع پر آل سکھر تاجر اتحاد کے عہدیداروں نے انجمن تاجران کوئنس روڈ کے عہدیداران کا خیر مقدم کرتے ہوئے انہیں شمولیت پر مبارکباد دیتے ہوئے کہا کہ تاجر برادری کے حقوق کے تحفظ اور مسائل کے حل کے لیے اتحاد ناگزیر ہے، اتحاد میں شامل ہونے والی ہر تنظیم کو مساوی اہمیت دی جائے گی اور تاجروں کے مسائل کے حل کے لیے مشترکہ کوششیں کی جائیں گی، انجمن تاجران کوئنس روڈ کے صدر، جنرل سیکرٹری، سینئر نائب صدر آفتاب شیخ، نائب صدر سراج ملک، جوائنٹ سیکرٹری فہیم بھٹی ، خزانچی محمد وسیم عباسی، پریس سیکرٹری عثمان صدیقی سمیت دیگر عہدیداروں کا اس موقع پر کہنا تھا کہ آل سکھر تاجر اتحاد تاجروں کی فلاح و بہبود کے لیے سرگرم ہے۔
.
ذریعہ: Al Qamar Online
کلیدی لفظ: پاکستان کھیل ا ل سکھر تاجر اتحاد اتحاد میں
پڑھیں:
سکھر ،الخدمت فائونڈیشن کے تحت ریڑھی و سبزی فروٹس تقسیم
سکھر (نمائندہ جسارت) الخدمت فاؤنڈیشن ضلع سکھر کی جانب سے روزگار پروگرام کے تحت سکھر کے 24 افراد میں ریڑھی اور سبزی و فروٹس تقسیم کیے گئے۔ اس سلسلے میں مقامی پارک میں ایک تقریب منعقد ہوئی، تقریب کے مہمان خصوصی سرپرست الخدمت فاؤنڈیشن، امیر جماعت اسلامی ضلع سکھر زبیر حفیظ شیخ تھے جبکہ الخدمت کے صوبائی جنرل سیکرٹری محمد شاہد، ضلعی صدر رضا اللہ گھمرو، جماعت اسلامی علاقہ شرقی کے ناظم معراج احمد، ایڈووکیٹ سکندر جونیجو سمیت دیگر موجود تھے۔ تقریب میں خطاب کرتے ہوئے زبیر حفیظ شیخ نے کہا کہ الخدمت بلا تفریق خدمت پر یقین رکھتی ہے، الخدمت کی جانب سے عوامی خدمات کا سفر جاری ہے، ضلع سکھر میں صحت، یتامیٰ اور ریلیف سرگرمیوں کے بعد اب باقاعدہ طور پر روزگار سپورٹ پروگرام کا آغاز کردیا گیا، ہماری کوشش ہوگی کہ اپنے شہر کے لوگوں کو باعزت روزگار کی فراہمی یقینی بنائیں۔ انہوں نے کہا کہ الخدمت جلد سکھر میں بنو قابل پروگرام کا آغاز بھی کرے گی۔ جس کے ذریعے بڑے پیمانے پر نوجوانوں کو ٹریننگ دی جائے گی تاکہ وہ اپنی صلاحیتوں میں اضافے کے ذریعے اپنے خاندان کیلیے باعزت روزگار کا انتظام کرسکیں۔
کالا باغ، والد نے امام حسینؑ کے نام پر 2 بیٹوں کا خون معاف کر دیا